8 افكار تستغل بيهم وقت المواصلات

طبعا زى كل يوم عالدراسه وهنبدء نتفرج ع مناظر مصر الطبيعيه من الشباك اللى بنشوفها كل يوم ونلعب الجيمز اللى خلصناها 100 مره ونستمع لأحاديث الركاب عن غلو الأسعار والكلام الفاضى ده.
- أغلبنا بياخد فالمتوسط ساعه يوميا فالمواصلات الوقت اللى بنضيعه ده كنز ممكن نعمل فيه حاجات كتير لو استغلناه صح كل اللى عايزه منك موبايل وسماعه.
- دول كذا فكره ممكن تعملهم فالمواصلات:
1- ممكن تحفظ القرأن كامل حرفيا والله ممكن تحفظ القرأن كاملا وتختمه كذا مره سواء بقى هتقرأ من مصحف أو هتقرأ عالفون.
ده أفضل ابليكيشن بالنسبه للفون فيه مميزات كتير جداا زى التفسير وفيه تلاوات بأصوات كتير لو هتسمع https://play.google.com/store/apps/details?id=com.quran.labs.androidquran
2- ممكن تقرأ كتب سواء ورق او PDF ويبقى معاك كذا كتاب عشان لو مليت من واحد تقرأ التانى ولو مكسل تقرأ أو فى دوشه فريحك ممكن تسمعه.
طب هتنزل الكتب اللى هتقرأها أو تسمعها سواء عربى أو انجليزى منين شوف البوست ده https://bit.ly/2P9OAIQ
3- ممكن تظبط الانجلش بتاعك ووقت المواصلات بس يكفى انه يحسن الانجلش بتاعك بنسبه كبيره جدا.
نزل التطبيقين دول وهيفرقوا معاك جدا Duolingo وMemrise ممكن تسمع محادثات سواء على قنوات عاليوتيوب انت عارفها او ابليكيشن أو كتب مسموعه اى حاجه.
4- ممكن تسمع أفلام وثائقيه تعتبر من أفضل مصادر المعرفه هتزود ثقافتك جدا أو تنزل حلقات الدحيح والاسبتاليه والناس اللى بتقدم محتوى علمى كويس ده وتسمعها.
- دول أكتر من 250 فيلم وثائقى فمختلف العلوم هتلاقيهم عالقناة دى ممكن تخلصهم بس فالمواصلات https://bit.ly/2pTCQ2C
- ودى تجميعة قنوات علمية عنب https://bit.ly/2MygeMZ
- طبعا مش عايزين ننسى قناة TED هتفرق معاك جدا فاللغة وفثقافتك.
5- ممكن تقرأ مقالات علمية وتثقف نفسك ع أى موقع من دولhttps://bit.ly/2xfk1Kg
ولو معاكش نت نزل ابليكيشن Pocket واحفظ المقالات عليه وافتحها اوفلاين .
6- ممكن تنظم يومك وتظبط جدولك ودنيتك كده أو تراجع على محاضراتك وتلخصها أو تشوف ايه المواعيد والحاجات المطلوبه منك سواء شغل مذاكرة كورسات وتنظم حياتك.
7- ممكن تفتح الفيس وتخلى هو ده الوقت اللى تفتح فيه ترد عالرسايل أو ترفع بوست أو تنضف الفيس بتاعك وتعمل unfollow لبيدجات وجروات ابو نواف أو تقرأ بوست مفيد لأى واحد من الناس المحترمه دىhttps://bit.ly/2pbjxQZ
8- حاجات بسيطه كده ممكن تعملهم:
- لو المواصلات هادية ممكن تاخد كورس ع اى موقع زى edx , Udemy , coursera , ادراك , رواق الخ...
- لو عندك سؤال ممكن تسأله ع موقع أو ابليكيشن Quora أو ترد ع أسألة لوتعرف وخدلك فالموقع لفه هتستفاد جداا.
- ممكن تنزل جيمز ذهنية زى شطرنج كده أو اى حاجه تتطور من مهارات عقلك.
- ممكن تستغفر وتسبح ربنا وتصلى عالنبى.
- ممكن تنزل تفسير القران للشعراوى وتسمعه أو حلقات الدكتور مصطفى محمود أو خطب لأى شيخ بتحبه.
- ممكن تعمل حاجه بقى بتحبها زى الرسم أو الكتابه الخ...
- ممكن تدعى لنفسك وتدعى لأى شخص تشوفه وانت راكب.