50 فكرة ممكن تعملها فى حياتك هتغير نظرتك للحياة

البوست ده فيه 50 فكرة ممكن تعملها السنادي، احفظه عندك وكل ما تكون فاضي أو حاسس بالملل وعايز تعمل حاجة ارجعله.

1- هات صندوق صغير وكل ما تمر بموقف جميل اكتبه في ورقه وارميها فيه، ولما تخلص السنة خالص افتحه. 
2- صدقنى مش هتذاكر فى أجازة نصف السنة ولا هتعوض فى الفاينال فذاكر من دلوقتي.
3- لو مواعيد النوم بتاعتك متلغبطة وعاملالك أزمة كبيرة دي الخلاصة اللي هتحللك الموضوع ده:https://goo.gl/xl8Fr7 
4- لو زهقت من التعامل مع البشر هات حيوان أليف في البيت عندك، قطة أو عصافير أو حوض سمك أو زرع في البلكونة، أحيانًا كتير بيبقوا من مصادر سعادتنا.
5- الموقع ده بيمعلشك لما تكون زعلان، أول ما تفتحه هتلاقي لاد وبنات بيحضنوك وبيبوسوك مع موسيقى حزينة في الخلفية، لو اكتئبت خدلك لفة فيه: https://goo.gl/Siaix
6- اعمل إلغاء إعجاب لكل صفحات السياسة والأخبار، وسيبك من الدوشة والهم.
7- بعد ما تعمل أن لايك للصفحات دي، تابع الناس دول وأوعدك إن شكل البرفايل بتاعك هيتغير تمامًا: 
https://goo.gl/tiAxr9
8- لو الفراغ قتلك أوي وملكش نفس للمذاكرة ولا لتعلم أي حاجة خش على الموقع ده هتلاقي فيه الفقاقيع البلاستيك بتاعة زمان، كل مهمتك إنك تفرقعها زي أيام الطفولة بالظبط D https://goo.gl/xbzcg
9- ممكن تاخد دورة لشيخ العامود، من الحجات الجميلة اللي لسة موجودة في بلدنا. 
10- طلع الموبايل دلوقتي واطلب رقم صاحبك اللي مكلمتوش من سنين واتطمن عليه. 
..
11- خد أجازة 3 أيام في الشهر من الفيسبوك وانزل على أرض الواقع واتعامل مع الناس، واخرج في مكان بعيد عن التكنولوجيا والشاشات الصغيرة، هيفرق معاك. 
12- لو محتار تخرج فين بص هنا، أكبر تجميعة من أماكن الفسحة والخروج في مصر:https://goo.gl/t3gKpw
13- كل يوم قبل ما تنام خلي كتاب جمب السرير تقرأه.
14- هات مفكرة صغيرة واكتب فيها أهم 3 أفكار طلعت بيهم من الرواية أو الكتاب، وافتحها في آخر السنة.
15- بتدور على رواية كويسة تقرأها ومش عارف تبدأ بإيه؟ شوف البوست ده
https://goo.gl/TepR6n
16- طاب ولو عايز كتاب مش رواية، يبقى شوف ده: https://goo.gl/tWljp8 
17- ولو بتكسل تقرأ خالص ليه متجربش تسمع؟ اسمع أي كتاب أو رواية من هنا:
http://www.audiobookar.com/
18- لو بتزهق بسرعة من القراية، دول 100 كتاب كل واحد فيهم أقل من 100 صفحة، يخلص في يوم: 
https://goo.gl/jT4NdL
19- عايز تخش في الفلسفة اقرأ البوست ده بقلب جامد:
https://goo.gl/L85Qh6 
20- سافر. 
..
21- حاول تخلي الاستقلال المادي من أولوياتك السنادي، ده بوست فيه كل حاجة عن العمل الحر، أو الفري لانسر: https://goo.gl/2r3A8q 
22- لو لاقيت نفسك فاضي اطلع على مستشفى 75375 وقابل طفل من هناك واتصاحب عليه وزوره مرة كل شهر، حتى لو معاكش أي فلوس خالص. 
23- اطلع على مجمع الأديان في مصر القديمة وشوف مصر الجميلة، هتلاقي مسجد عمرو ابن العاص والكنيسة المعلقة والمعبد اليهودي جمب بعض. 
24- جرب تأخر تجديد باقة الموبايل 3 أيام بس، عيش فيهم من غير نت وامسك أي رواية حلوة اقرأها، وشوف تأثير ده عليك. 
25- جرب تطبخ، أحيانًا كتير بيقى الطبخ من مصادر السعادة، أول أكلة كلتها من عمايل إيدي مش هنساها، الطبخ ليه متعة خاصة.
26- الإنجازات الصغيرة مهمة متستهونش بيها، لو خلصت صفحة واحدة من المذاكرة أو عملت حاجة بسيطة بتحبها هتديك دفعة معنوية كبيرة. 
27- هنا 10 أفلام وثائقية في مجالات متنوعة مدة كل واحد لا تزيد عن ساعة:https://goo.gl/5ziOYY
28- شوف سلسلة تاريخ العالم لأندرو مار، بيحكي فيها عن قصة البشر كلهم من البداية لحد وقتنا ده بصورة ممتعة: https://goo.gl/TZBRUV 
29- مورجان فريمان مش بس ممثل، ده عمل سلسلة وثائقية جميلة اسمها قصة الإله، بيدور فيها حوالين مفهوم الإله لدى البشر والمعجزات وما بعد الموت، شوفها من هنا: https://goo.gl/JOkRcY
30- جرب تزور مكان واحد مختلف في بلدك كل يوم جمعة واعرف عنه أكتر. الناس الجميلة دول بيعملو كده: https://goo.gl/HEx8gM
..
31- الإنجليزي مبقاش اختيار، حاول تطلع من السنة دي متقن ليه. 
32- دي خطة للمبتدئين في اللغة الإنجليزية: https://goo.gl/yqRFza
33- لو مستواك متوسط انزل مارس الإنجليزي كل يوم أربعاء في مكتبة السفارة الأمريكية، أو على تطبيق verbling
33- لو عايز تقدم لامتحان الأيلتس شوف البوست ده الأول: https://goo.gl/37or2v
35- لو بتدور على منحة تطلعها ده تقرير فيه كل المنح المتاحة السنادي: https://goo.gl/EcNMZx
36- اسمع محادثة من Ted كل يوم هتفرق معاك. 
37- لو مبتفتحش اليوتيوب كل يوم ساعة واحدة اعرف إن فايتك كتير، شوف كده؟
https://goo.gl/KDbkbv
38- اختار حد من أصحابك على الفيسبوك مقابلتوش قبل كده واتفق معاه تنزلوا تقعدوا مع بعض، واتعرف عليه. 
39- أنت حر طول ما أنت مستقل ماديًا أو بتسعى علشان تستقل ماديًا. 
..
40- لو زهقت من حياتك خالص وقررت تنتحر شوف التقرير ده وأوعدك هتغير وجهة نظرك:https://goo.gl/p53IZ5
41- ليه متتعلمش موهبة جديدة السنادي؟ شوف حاجة واحدة ناقصاك واتعلمها، رسم، سباحة، كتابة، رياضة، وآه كل شيء بييجي بالممارسة حتى لو قالولك عكس كده. 
42- افتح كلام مع أي حد غريب تقابله في القطر أو السفر واحكيله على كل همومك، أحيانًا كتير بنستريح لما نحكي لناس منعرفهاش ولا هنعرفها بعد كده. 
43- افتكر القاعدة رقم 20. 
44- جرب تتعلم لغة تالتة لو أنت متقن للعربي والإنجليزي، أسباني أو فرنساوي أو كوري، تعلم اللغات متعة بحد ذاتها ويا عالم ممكن تنفعك بعد كده.
45- المعهد البريطاني هو أفضل مكان لكورسات الإنجليزي في مصر، لو امكانياتك مناسبة متفوتوش. 
46- مينفعش يكون عندك فيسبوك ومش عامل لايك في الصفحات دي
https://goo.gl/j2hzb0
47- حدد أولوياتك في السنة دي، متفتحش في كل الحجات مرة واحدة، اختار حاجة تطلع بيها في آخر السنة، منحة، تقدير عالي في الجامعة، تحدي مع نفسك إنك هتخس، وهكذا. 
48- مخدتش بالك إن مفيش رقم 34 لأنك متوقع من الأول إني هقول ال50 واحدة بالترتيب، ودي حاجة اسمها الانحياز التأكيدي، اقرأ عنه من هنا: https://goo.gl/8wRDCB
49- قول للناس الحلوين إنهم حلوين في وشهم. 
50- أنت بخير مادمت بتتعلم لغة جديدة وبتقرأ ويومك مش زي إمبارح.