مقاله مهمه عن السفر للخارج امتى تقرر تسافر وتسافر فين

السفر للخارج..
امتى تقرر تسافر للعمل بالخارج وامتى ترفض ؟
--
- لو قدامك سفر الى كندا..امريكا..استراليا..اوربا ..على الترتيب..سافر وانت مطمئن وماتفكرش كتير فى اى حاجه..تحت اى ظرف هيبقى قرارك صحيح ان شاء الله..
-
- لو سفر لدوله عربيه..لازم تقف وتفكر شويه..
-
- لو مرتبك اللى معروض يساوى 5 اضعاف مرتبك فى بلدك..خد قرار السفر وتوكل على الله..
-
- لو مرتبك اللى معروض عليك 3 اضعاف مرتبك هنا..لازم تشوف هل فى مميزات اخرى ولا لا..مثال : الدوله اللى هتروحها المعيشه فيها مريحه و لا صعبه..تعليم الاولاد..حرية الحركه..الخ..
-
- لو المرتب المعروض عليك اقل من 3 اضعاف..ارفض وانت مطمن ومش هتندم..
'
- ماتسافرش الا واسرتك معاك...اكبر خطيئة ممكن ترتكبها فى حياتك انك تترك زوجتك واولادك وتسافر.
'
- ماتصدقش اللى بيقلك اللى بيسافر مابيرجعش..فى كتير سافروا ورجعوا..
'
- هتفتقد حاجات كتير بسبب السفر منها علاقاتك بالناس سواء على مستوى العمل او على المستوى الاجتماعى ..دى ضريبه السفر..
'
- الدول الافريقيه مفتوحه جدااا للسفر هناك خصوصا للمصريين ومرتبات اعلى من الدول العربيه بكتير..
'
- الدول الافريقيه مش زى ما الاعلام بيظهرها على ان فيها فقر وجهل والكلام ده...في دول مستواها فى البنيه التحتيه والمستوى الاقتصادى افضل من القاهرة على سبيل المثال..زى كيجالى بروندا ونيروبى بكينيا..
'
- السفر للخارج هيغير فكرك عن اشياء كتير اتربينا عليها وهى خطأ. .هيرسخ مفهوم الحريه بمعناها الصحيح..هتتقبل عقائد الاخرين باحترام..هتتعلم عدم السخريه من اى شعب..الخ
'
- لو ناوى تسافر اى دوله..لازم تتعلم انجليزى كويس..
'
- السفر هيعلمك ان مصر مش ام الدنيا ولا حاجه وان كثير من الشعوب الاخرى افضل منا وهيغير رؤيتك السياسيه بشكل كبير ..