للتواصل معنا
ازاي تكتب C.V محترم
واحده واحده وقوم هات ورقه وقلم
اول حاجه اعمل ملف وورد وسميه اسمك + الوظيفه اللي هتقدم عليها هتقولي هقدم علي كذا حاجه هقولك يبقي كل ماتيجي تقدم تغير اسمه علي اسم الوظيفه
بعد كده اكتب اسمك بخط كبير وتحتيه الايميل بتاعك وابوس ايدك بلاش يبقي اسمه دودو وسوسو والدلوعه مش ناقصه شلل الصراحه واكتب قوفه العنوان ورقم تليفون واحد مش ارضي ويكون شبكه قويه ومعاك علطول مش سنترال ام عيشه وهو يختار بقي -_-
بعد كده حط ايميل اللينك دن بتاعك لو قوي لو مش قوي بلاش
السؤاال العالمي احط صوره ولا لأ ؟ لاءءء الا لو هو طلب منك وتكون صوره رسميه مش صورني وانا مش واخد بالي ونفس الكلام مع اللينك دن
الناس اللي مش فاهمه يعني ايه لينك دن هنقول في بوست منفصل ايه هو متقلقش
بعد كده هتكتب ال education بالطريقه ديه السنه الدراسيه , الكليه , الجامعه
بعد كده بتكتب حسب ترتيبك اللي انتا شايفه مش لازم الترتيب السي في بتكتب فيه نقاط قوتك بسسسس من الاقوي طبعا يعني لو بتاخد كورسات اونلاين كتير اوي اكتبها في الاول لو تقديرك عالي اوي يبقي في الاول وهكذا
باقي الحجات هتكلم ولايشترط الترتيب من وجهه نظري
ال skills يعني انتا بتعرف تعمل ايه معاك مثلا مايكروسوفت وورد واكسل وباور بوينت وبريزي وغيره بلاش تكتب icdl علشان بقت قديمه قدم القدماء المصريين لانها بتعترف انك بتعرف تشغل الكوبويوتر من الظرار اللي علي اليمين وبتعرف تدوس نقرتين ايمن علي الكبيورد عللشان تقفله
ال language يعني بتعرف تتكلم لغات ايه اكيد معاك اللغه الام عربي بتكتب native وبعد كده اللغه اللي بتعرف تتكلمها مثلا انجلش وتقول مستواك ايه في القراءه والكتابه والسمع واكلام
online courses يعني الكورسات اللي بتاخدها اونلاين ايه وفي مجال ايه وكده وديه حاجه بتدعم موقفك جدا لانه هيقول لمما هوا ليعمل كده لواحده اومال اما اخده انا واصرف عليه علشان اعلمه هيعمل ايه
بعد كده
scolarships لو اخدت منح او اي حاجه زيها كده بتكتبها
بعد كده ال expeirince يعني خبرتك في الشغل اللي انتا فيه ده اد ايه وبتعمل ايه وعملت ايه
بعد كده ومن اهم الحجات هي
Extracurricular activities
يعني الانشطه التطوعيه بتكتبها بالتاريخ بتاعها ومن الاحدث للاقدم وده مع كل حاجه في السي في
اخر نقطه هي ال personal Information يعني البيانات بتاعتك يفضل كل اللي تكتبه فيها هو ذكر ولا انثي لانه فيه اسامي بتحتمل المعنيين زي ولاء مثلا او alaa بالانجلش مش عارف ههو علاء ولا الاء
وبتكتب تاريخ الميلاد واي حاجه تانيه لو طلبها منك
كده خلصنا السي في
طب هبعته اازاي ا؟
اكيد بالميل بس مش تدخل كده وترميهولو وخلاص لازم تعمل حاجه اسمها attachment وتبعتهولو وتكتبلو كلمتين حلوين
بتكتب عنوان للميل
اسمك والوظيفه اللي مقدم عليها وتكتب في الموضوع كلميتن كده كويسين بس متقولش انك بتدور علي شغل وخلاص
حته مهمه متبعتش الميل لكل الشركات مع بعض لانه بيظهر لكل شركه انك باعت للتانين كلهم فهيعرفو انك مش فارق معاك وعاوز تشتغل وخلاص فمحدش هيكلمك
اعمل حاجه اسمها stamp يعني زي كارت ليك كده بيتختم في اخر الميل فيه بياناتك
وبعد ماتبعت الميل بكام يوم علي حسب كل وظبقه ابعت للاتش ار خطاب شكر لو مش عارفه شوفو علي جوجل
ومبروك
بعد ماخلصنا المطلوب منك تعمل الاتي
تاخد كورس وورد في اليوتيوب ببلاش او تاخده في رساله او تاخده من اللينك اللي في اول كومنت
تكتب اسمك في كومنت علشان هنطبق كل ده عملي في ايفنت قريب مع بعض
تجرب دلوقتي تعمل اللي قولنا عليه وتخطه في كومنت بعد ماتصورو او تبعتهولي علي الشات
هحاول انزل فيدو اشرح فيه كل اللي فوق ده وشويه حجات مجنونه جدا زي انك ازاي تعرف انه االاتش ار فتح الميل في الساعه كام بالظبط واول مايفتحو تجيلك رساله تقولك من غير هو مايعرف وازاي تعمل توقيع ليك وشويه حجات جميله جدا بس عاوزه شرح مينفعش كتابه فيه مواقع كتير تعملك السي في بنفسها ممكن تجربها في البدايه
بالتوفيق
يعتبر السيرة الذاتية (CV) أحد الأدوات الأساسية التي يمكن استخدامها للتقديم على الوظائف، وبالتالي يجب عليك أن تحرص على كتابة سيرتك الذاتية بشكل جيد. وفيما يلي بعض النصائح التي يمكن أن تساعدك في كتابة سيرتك الذاتية بشكل فعال:
تحديد الهدف: يجب عليك تحديد الهدف الرئيسي للسيرة الذاتية والذي يتمثل في إظهار مهاراتك وخبراتك وما يميزك عن الآخرين.
استخدام تنسيق بسيط: يجب أن يكون تنسيق السيرة الذاتية بسيطًا وسهل القراءة والفهم، مع استخدام أحجام وأنماط متناسبة مع العناوين والفقرات.
تحديد المعلومات الأساسية: حدد المعلومات الأساسية التي يجب تضمينها في السيرة الذاتية، والتي تتضمن الاسم والعنوان ورقم الهاتف والبريد الإلكتروني والموقع الإلكتروني إذا كان لديك.
تحديد التجارب العملية: اكتب كل التجارب العملية التي لديك بدءًا من الأحدث إلى الأقدم، مع تحديد مسمى الوظيفة واسم الشركة والتواريخ والمهام الرئيسية التي قمت بها.
التركيز على المهارات والقدرات: ركز على المهارات والقدرات التي تمتلكها والتي يمكن أن تجعلك مؤهلاً للوظيفة المطلوبة، مع توضيح كيفية تطويرها وتحسينها.
استخدام الكلمات الرئيسية: استخدم الكلمات الرئيسية التي تشير إلى مجال العمل الخاص بك، والتي يمكن استخدامها ككلمات الرئيسية في تحليل السيرة الذاتية واختيار المرشحين المؤهلين للوظيفة المطلوبة.
التحقق من الأخطاء الإملائية والنحوية: التحقق من السيره الذاتيه للتأكد من عدم وجود أخطاء إملائية أو نحوية، وذلك عن طريق استخدام برامج التحرير والمراجعة الإملائية والنحوية.
إبراز الإنجازات: يجب عليك إبراز الإنجازات التي حققتها في الأعمال السابقة، مثل تحقيق الأهداف والأرقام القياسية وتحسين العمليات والأداء.
تخصيص السيرة الذاتية للوظيفة المطلوبة: اجعلها ملائمة ومناسبة للوظيفة المطلوبة، وذلك عن طريق إظهار الخبرات والمهارات التي تتناسب مع متطلبات الوظيفة.
إضافة المزيد من المعلومات الاختيارية: يمكن إضافة بعض المعلومات الاختيارية إلى السيرة الذاتية، مثل الشهادات والدورات التدريبية والنشاطات الإضافية التي تساهم في إظهار مهاراتك وقدراتك.
تذكر أن السيرة الذاتية هي الوثيقة الأساسية التي يتم استخدامها للتقديم على الوظائف، ولذلك يجب عليك أن تكتبها بعناية وتحرص على توضيح الخبرات والمهارات التي تتناسب مع الوظيفة المطلوبة.
سيرتك الذاتية "CV" هي أول مستند وأول
دليل على كفاءتك في العمل
وتقوم منصة معارف بمساعدتك لإنشاء
سيرتك الذاتية
بإحترافية
إعلانك يمكن أن يظهر على منصتنا التعليمية الان