بالخطوات ازاى تعدى اصعب انترفيو ممكن يقابلك

10 حاجات اعملهم في الانترفيو تضمن بيهم انك من المتفوقين فيه
1-وانتا بتملي الابليكشن سواء منحه او نشاط طلابي او اي حاجه املي الاسئله التقليليديه بتاعه الاسم والعنوان وبعد كده اي سؤال عن نفسك ركز فيه واكتب بضمير واكتب كويس حاول تركز علي احسن حاجه فيك
2-اول ماتعرف انك عنك انترفيو لو كلموك في التليفون حاول تاخد وقتك ولو مشغول قولهم يكلموك في وقت تاني لو المكان محترم هيكلمك ولو مش محترم مش هيكلمك وكده احسن
3- هات ورقه بيضاء وقسمها اربع اقسام قسم اكتب فيه عن اللي تعرفو عن نفسك وقسم اللي تعرفو عن الوظيفه
وقسم اللي تعرفه عن المكان نفسه اللي هتروحو وقسم اكتب فيه اللي تعرفو عن اللي هيعملك الانترفيو اللي هو الاتش ار
4-وانت بتدور علي الاتش ار اكتب اسمه في الفيس وفي اللينك دن وفي كل مكان علشان تعرف دماغه مش معناه انك هتكدب عليه بس تبقي فاهم الشخص ده بيحب ايه ودماغه فين مش مثلا في التسويق وانتا تكلمه في الاداره
5-وانت بتكتب عن نفسك شوف ايه نقاط القوه اللي تخليك تنفع في الشغلانه ديه وايه نقاط الضعف اللي محتاج تشيلها او تعالجها وايه الحجات اللي محتاج تتعلمها وايه الهوايات المرتبطه بيها
6-وانتا بتكتب عن الوظيفه شوف ايه العلوم اللي المفروض تبقي عارفها وايه المهارات الللي محتاجها وايه الكورسات اللي لازم يبقي عندك معرفه بيها
7 - وانت بتكتب عن المكان نفسه سواء الشركه او النشاط الطلابي اعرف الهدف بتاعهم والرؤيه والخطط بتاعتهم والرئيس بتاعهم والمؤسس والمشاكل اللي عندهم اتعب شويه ودور هتلاقي الحجات ديه وهيقدرو ده جداا واتكلم علي الكلام ده وانتا في الانترفيو وخصوصا مشاكلهم وياسلام بقي لو انتا اللي عنده حلول الحجات ديه
8- خليك دايما مبتسم واوعي تتعصب مهما حصل لانه بيحاول يستفزك وارجوك خليك علي طبيعتك بلاش تصنع
9-لما يقولك ايه نقاط ضعفك ومعرفش ايه بلاش تقول حاجه زي مثلا عيبي اني بنسي نفسي في الشغل -_-
لاء قول عيب فعلا وقول انتا ازاي شغال علي حله وايه خطتك لعلاجه
10- بعد ماتخلص الانترفيو ابقي ابعت شكر للاتش ار علي اللينك دن او الميل بتشكره فيه علي وقته وعلي الانترفيو ادخل علي جوجل واعرف بيتكتب ازاي