فاتتني أزاي دي ..؟
أن اللي زيك لايحب ولايتحب
أن اللي زيك يدوب يتحطوا في فتارين يبيعوا ميشتروش
أن اللي زيك يسقي الناس شغلتك يدوبك صب
تفهم أيه أنت في أصول العشق والعشاق؟
الاي زيك لايحب ولايتحب
هتخلص مهما هتخلص في الأخر هتطلع كلب
كل الناس هتبقي ملايكه وهتشيل أنت بس الذنب
اللي زيك يعيشوا علي الهامش رتوش
اللي زيك هما الكتير اللي يشيلوا الملك في المهرجان ومبابينوش ..ميتشفوش من كترهم وسط الزحام والهيلمان
وأنت ماشي وفاكر الناس بتشاورلك
الناس عنيها علي المللك والصولجان
اللي زيك يترمي في البحر ..ينفجر تحت المحاجر
يتجلد ويموت ويحفر في الرمال
اللي زيك هو أراجوز الموالد
وهو أضحوكه الزمان
فاتتني أزاي دي ..!؟
وليد صالح