#shorts #قصير
#بيتزا #بيتزا_القرنبيط #بيتزا_الزهرة #وصفات_بلقرنبيط #بيتزا_كيتو_دايت #بيتزا_صحية #بيتزا_مناسبة_لمرضى_السكري #وصفات_حياة_الصحية #وصفات_صحية #وصفات_كيتو_دايت #وجبات_كيتو_دايت #healthy_food


بيتزا القرنبيط أو الزهرة .. زهرتي يا زهرتي
أول شي
فرمت راس القرنبيط بمحضرة الطعام و بعدين فردتو عصينية علغاز علهادي و صرت قلبو علسخونة بتصير بتنزل منو مي بس قلبو شي ربع ساعة علهادي باخد على فوطة مطبخ ناشفة و بنشفو و بعصروا من المي و رد بنقلوا على فوطة تانية لتأكد انو ماعاد في مي ابدا
هيك منكون شكلنا طحين الزهرة و ممكن تنشفوا اكتر و تحتفظوا فيه بلبراد لوقت الحاجة
المهم بتد ما نشفتو ضفت عليه بيضتين و معلقتين طحين بذور كتان و ٢٥٠غ موزريلا مطحونة بمحضرة الطعام و ملح و نصف ملعقة صغيرة بيكنج باودر و معلقة زيت و معلقة شاي خل التفاح و بعجنن منيح اذا بتحبوا أنشف ممكن تضيفوا معلقة كمان بذور كتان مطحون او طحين اللوز او الحمص يلي بدكن ياه
و طبعا الباقي كلعادة عملت صوص البيتزا و عوشا قشقوان و زيتون و فطر و انتو خالصين
و علفرن عل ٢٥٠ درجة من تحت و بس حمرت طرافا طلعتا لتحمر وشا و بعدين حطيت عليها الصوص و الحشكيل و رجعتا شوي و صحتين و هنا
اصطبروا عليها لا تقسموها سخنة كتير بتفرط .. بس استنوا شوي و كلو منها و صحاتو عقلبكن
انشالله تكون عجبتكن وصفاتي الخرندعية الصحية
حياة

رابط كابتشينو كيتو دايت

https://youtu.be/QQ5HpAuGzt0