#تسريب_البنزين
#استهلاك_البنزين
#رائحة_بنزين

كل اضرار ترشيح البنزين في العربية وعلاجها.

ترشيح البنزين بيعمل كذا مشكلة متعبة جدا.

اولا صعوبة دوارة العربية، لان البنزين اللي موجود في الفلتر والخراطيم والكربيراتير بيطير منهم وقت الركنة، عشان دورة البنزين غير محكمة الغلق.

ثانيا زيادة ملحوظة في استهلاك الوقود، وبتكون حسب درجة التسريب، لكن في احسن الاحوال مش هتقل عن ٥٪ وممكن توصل لاي رقم عالي.

ثالثا ممكن لا قدر الله يحصل حريق في اي وقت وحصل لناس كتير بسبب الترشيح ده.

رابعا هتلاقي دايما ريحة بنزين ني في صالون العربية خاصة على السرعات العالية، وخاصة اكتر لما تسيب دواسة البنزين.