#أفكار_جديدة_جدا
#سيارات
#قيادة_السيارات
لقناة لها اهتمام بمجال صيانة السيارات والتكنولوجيا، الكمبيوتر واللاب توب والموبايل واجهزة كتير هنتعلم صيانتها زي الخلاط والمكنسةوالسماعات والشاشات وهنتعلم نبتكر حلول لحاجات كتير بطرق مختلفة، وكمان هنكشف كدب فيديوهات كتير على اليوتيوب مرتبطة بالتكنولوجيا، ولو عندك معلومة محتاج تعرف حقيقتها ابعتلي في تعليق او رسالة خاصة على حساب الفيس بوك.
https://www.facebook.com/profile.php?id=100040723583081
تابع القناة بعمل اشتراك وتفعيل الجرس واتفرج على كل الفيديوهات اللي تشدك في القناة ومتنساش تعمل لايك للفيديو اللي يعجبك، ولو ليك أي استفسار سيبه في تعليق، ولو حابب تفيد غيرك ممكن تعمل شير للفبديو المفيد ده.
نصائح مهمة لتعليم قيادة السيارة للمبتدئين
اهم نصايح لكل واحد اتعلم سواقة او قيادة السيارة قريب او بدأ يتعلم قريب او حتى ناوي يتعلم قريب.
تابعني لاخر الفيديو وانت تتعلم كتير، ولو عندك معلومة مقولتهاش في الفيديو يبقى اكتبها في تعليق اسفل الفيديو.
من قناة افكار جديدة جدا ومعاكم هاني.
السلام عليكم ورحمة الله وبركاته واهلا بيكم في حلقة جديدة.
النصيحة الاولى
لازم تتأكد ان العربية مظبوطة من كله فرامل وكرسي ودواسات وفتيس لان العربية لو مش تمام هتتعبك في التعليم، وطبعا لو معندكش خبرة في فحص العربية، هتحتاج معاك حد بيفهم في العربيات عشان لو فيها مشكلة يساعدك في حلها.
النصيحة التانية
لازم يكون معاك حد سواق متمكن ويركب جنبك عشان يصحح اخطاءك ويعلمك كل حاجة هتحتاجها.
النصيحة التالتة
مكان التعليم اهم من كل حاجة عشان كده
اوعى تتعلم في مكان فيه ناس او عربيات ماشية او جنب ترعة او حفرة او مدرسة.
النصيحة الرابعة
انك لازم تتعلم خطوة خطوة
مش هتتعلم كل حاجة مرة واحدة
يعني مش هتدور العربية وتطلع وتلف على الطريق وتقلب الغيارات ورا بعض.
لا الطريقة دي غلط وخطر.والصح هو تقسيم التعليم بالتدريج.
اول خطوة هي تشغيل العربية
وقبل ما تطلع بالعربية اتأكد ان فرامل اليد نازلة مش مرفوعة، لان المشي عليها مضر.
بعد كده هتتعلم تنقل بس الغيار الاول وترجعه تاني مكانه.
وأهم نقطة تتعلمها ازاي تطلع بالعربية وازاي تقف، التعليم مش مجرد اللف والدوران بالعربية وخلاص، لازم تقسم خطوات التعلم لعدة نقاط وتتعلم نقطة نقطة لحد الأتقان.
يعني هتفضل تطلع وتقف تطلع وقف وهكذا لحد ما رجلك توازن بين البنزين والديبرباج والفرامل.
مهو الطلوع اساس السواقة والوقوف اساس الأمان.
اوعاك تاخد معاك أطفال وانت بتتعلم، ولو كان ولابد يبقى يقعدوا في الكنبة ورا.
لما تتعلم كويس التحكم في العربية وتبقى محدد ابعادها واماكن العجل وحساسية الطارة او الدريكسيون يبقى تبدأ تتعلم اختبارات المرور، ايوه اعتبر انك هتعمل رخصة قريب.
وان شاء الله هنعمل فيديو في اقرب وقت لطريقة تخطي اختبار المرور مهما كان صعب.
اوعاك تطلع على الطريق الا لما تتقن الطلوع والرجوع والنقل على اول غيارين على الاقل، وبرضو يكون جنبك حد بيعرف يسوق كويس لمدة اسبوع تخرج فيهم كل يوم.
لما تطلع على الطريق لاول مرة اطلع في وقت الطريق فاضي وبرضو يكون طريق منور او مضاء مش مضلم.
امشي دايما على يمين الطريق لحد ما واخد خبرة كبيرة وبلاش تزود سرعتك لانك لسه معندكش حساسية الدريكسيون ولا الطريق ولسه عندك رهبة من السرعة... يعني امشي على ٤٠ او ٥٠ اول اسبوعين تلاتة.
اول ٦ شهور انت مبتديء سواقة واوعاك تتغر بنفسك
تعليم السواقة محتاج صبر وتكرار واحترام للطريق والتخلي عن الغرور.
ولو عندك معلومة مهمة ممكن تكتبها في تعليق اسفل الفيديو.
وختاما شكرا ليكم على متابعتكم والى اللقاء في حلقة جديدة والسلام عليكم ورحمة الله وبركاته.