رابط قناة عبد الحق
https://youtube.com/c/%D8%A7%D9%84%D8%B9%D8%A7%D9%84%D9%85%D9%8A%D8%A9%D9%84%D8%B5%D9%8A%D8%A7%D9%86%D8%A9%D8%A7%D9%84%D8%B3%D9%8A%D8%A7%D8%B1%D8%A7%D8%AA%D8%AC%D8%AF%D8%A9

رابط قناة مصطفى حسن
https://youtube.com/c/%D9%85%D8%B5%D8%B7%D9%81%D9%89%D8%AD%D8%B3%D9%861


القناة لها اهتمام بمجال صيانة السيارات والتكنولوجيا، الكمبيوتر واللاب توب والموبايل واجهزة كتير هنتعلم صيانتها زي الخلاط والمكنسةوالسماعات والشاشات وهنتعلم نبتكر حلول لحاجات كتير بطرق مختلفة، وكمان هنكشف كدب فيديوهات كتير على اليوتيوب مرتبطة بالتكنولوجيا، ولو عندك معلومة محتاج تعرف حقيقتها ابعتلي في تعليق او رسالة خاصة على حساب الفيس بوك.

https://www.facebook.com/profile.php?id=100040723583081

تابع القناة بعمل اشتراك وتفعيل الجرس واتفرج على كل الفيديوهات اللي تشدك في القناة ومتنساش تعمل لايك للفيديو اللي يعجبك، ولو ليك أي استفسار سيبه في تعليق، ولو حابب تفيد غيرك ممكن تعمل شير للفبديو المفيد ده.

مين الافضل عبد الحق ولا مصطفى حسن
اهلا بيكم في قناة افكار جديدة جدا ومعاكم هاني

قبل ما ادخل في الموضوع احب اقول كلمة حق في حق عبد الحق ومصطفى حسن

اني عرفتهم قبل ما ايدي تلمس دريكسيون
تابعتهم عشان اتعلم منهم ازاي ابدأ اشتغل، بالاضافة لصديق عزيز عرفته عن طريق جروب واتس، خبرته عالية جدا رغم حداثة سنه، اسمه محمد عابد، شهرته ميزو...

التلاتة بفضل الله لهم فضل كبير عليا اني ابدأ اتعلم، وإني اتشجع اوصل كل معلومة عرفتها واتعلمتها منهم او من غيرهم للناس.

واحب اقول إن ليا كل الشرف والفخر إني أكون في نهاية الصف خلف العمالقة الكبار دول.

وطبعا انا بنصح كل المهتمين بمجال السيارات بمتابعة قناة الاستاذ مصطفى حسن، وقناة المهندس الخلوق عبد الحق، وطبعا قناتي كمان لاني تلميذهم النجيب، وكمان مش محتاج اقول ان ده مش اعلان لأي منهم لانهم اصلا ميعرفونيش الا كمتابع لهم من بعض التعليقات اللي بتشرف بكتابتها تحت اعمالهم العظيمة، وكمان هما اكبر بكتير من الحاجة لعمل اعلان، ولو هيعملوا مش هيعملوا عندي.

وطبعا محدش منهم عنده علم بالفيديو ده، والله اعلم هيعرفوا او لأ، المهم نكمل كلامنا عنهم.

وعشان مطولش عليكم انا عامل الفيديو لخدمة المتابعين لقناتي اني اعرفهم على اكتر قنوات بتابعها، وهيكون ليا فيديو تاني عن قنوات مهتمة تانية متابعها في مجالات مختلفة لاني مهتم بمجالات مختلفة.

المهم بقى نبدأ بالمهندس عبد الحق، او كما وصف نفسه بالميكانيكي، ومجال الميكانيكا ازداد شرفا بانتسابه له وانا شخصيا ازددت شرفا بالحديث عنه.

هو انسان خلوق ومتواضع وخفيف الظل وكلامه كله زي الكتاب ما بيقول، لا يتحدث عن جهل او لمجرد الشهرة وجذب المشاهدين والمشاهدات وضميره بيكون فلتر لكل كلامه.

حسب معرفتي هو سوري عايش في السعودية، وانا شخصيا بحب كل ما هو سوري.

قناة عبد الحق بقى مش قناة فنية عملية، هي قناة نظرية اكتر لانه بيعرفك معلومات عن طريقة عمل كل اجزاء السيارة، وبيعرفك ازاي تحافظ على سيارتك، وبيعرفك ازاي تتعامل مع السيارة وتختار قطع غيارها وأمتى تعمل صيانة لها وايه افضل بين السيارات بالنسبة للإمكانيات والمواصفات مش بس بالأنواع، مثلا موتور التيربو ولا موتور التنفس الطبيعي، الدفع الرباعي ولا الثنائي،،، وهكذا.
يعني هتكون مثقف جدا في مجال السيارات لما تتابع قناة عبد الحق.

وطبعا رابط قنواتهم هيكون في الوصف اسفل الفيديو ده لو افترضنا ان في خمسة ستة من المتابعين عندي ميعرفوش حد منهم.

الخلاصة ان عبد الحق هو موسوعة وخبرة كبيرة جدا، واللي عايز يتعلم ميكانيكا صح يبدأ مع حلقات قناة عبد الحق.

مصطفى حسن بقى، منعرفش عنه كتير في حياته الشخصية، لكنه الاكثر مهارة والاحرف في التفكير لحل المشاكل العملية في السيارة ايا كان العطل وكتير بيفكر من بره الصندوق، يعني محدش علمه حاجة، هو بيبحث ويقرأ ويجرب لحد ما يوصل لأفضل وأدق معلومة.

ببساطة هو إنسان ذكي ومجتهد وبيعرف يوظف مهارته في حل مشاكل كتير جدا، بأقل تكلفة وافضل نتيجة، وأسهل طريقة، زي الإنفرتر كده في التكييف، بيوفر كهربا وتاخد
منه كفاءة عالية.

والميزة انه بيفهم في مجالات مختلفة مش بس أعطال سيارات.

أفكاره الجديدة بتخلي اللي متابع له يعرف يفكر ويشغل دماغه مش بس يقلده ويعمل زيه.

وجودة التصوير والمونتاج وطريقة عرضه للمعلومة والفكرة بتخليك تفهم بسهولة وتتعلم وتتشجع تجرب، وانا شخصيا اتعلمت من متابعته كتير جدا.

اتعلمت منه كتير، خاصة اني من نفس مدرسته الفكرية، احب اجرب واعمل كل حاجة بنفسي ومش بكتفي برأي الصنايعي او المتخصص، ولازم اتأكد من كل معلومة قبل ما اجربها مهما كان انتشارها عالي وثقة الناس فيها كبيرة.

خدت منه افكار كتير جدا وتقريبا كده شوفت كل فيديوهاته وهو اكتر شخص بستنى فيديوهاته وبفتح الفيديو مجرد وصول اشعار من قناته، لانه بيعمل شغل هو راضي عنه مش مجرد حشو لعمل مشاهدات، وكل فيديو له بطلع منه بمعلومة جديدة على الاقل بتنفعني في حياتي قبل قناتي.

انا بحب اشكرهم جزيل الشكر على جهودهم وصدقهم في نقل المعلومة والتجربة وكلنا اتشرفنا بيهم وبقنواتهم وسط المحتوى العربي، اللي للأسف ٩٠٪ منه تافه او مضلل ومفسد.

وختاما
شكرا عبد الحق
شكرا مصطفى حسن
شكرا ميزو
وفي ناس تانية كتير تستحق الشكر لكن مفيش متسع من الوقت للتحدث عنهم دلوقتي
والى اللقاء في حلقة جديدة
والسلام عليكم ورحمة الله وبركاته