#رائحة_بنزين_داخل_السيارة
#بنزين_داخل_صالون_السيارة
#استنشاق_البنزين
#خطورة_البنزين

القناة لها اهتمام بمجال صيانة السيارات والتكنولوجيا، الكمبيوتر واللاب توب والموبايل واجهزة كتير هنتعلم صيانتها زي الخلاط والمكنسةوالسماعات والشاشات وهنتعلم نبتكر حلول لحاجات كتير بطرق مختلفة، وكمان هنكشف كدب فيديوهات كتير على اليوتيوب مرتبطة بالتكنولوجيا، ولو عندك معلومة محتاج تعرف حقيقتها ابعتلي في تعليق او رسالة خاصة على حساب الفيس بوك.

https://www.facebook.com/profile.php?id=100040723583081

تابع القناة بعمل اشتراك وتفعيل الجرس واتفرج على كل الفيديوهات اللي تشدك في القناة ومتنساش تعمل لايك للفيديو اللي يعجبك، ولو ليك أي استفسار سيبه في تعليق، ولو حابب تفيد غيرك ممكن تعمل شير للفبديو المفيد ده.

ريحة بنزين في العربية

التعرض لاستنشاق البنزين لفترات طويلة ومتكررة سبب كبير لأمراض خطيرة في الرئة والقلب وممكن توصل لا قدر الله لامراض سرطان الدم.

عشان كده في حلقتنا النهار ده هنتكلم عن كل الاسباب اللي ممكن تعمل معانا ريحة بنزين داخل صالون السيارة.

دي قناة افكار جديده جدا ومعاكم هاني
من صفحة افكار جديدة جدامعاكم هاني

اول سبب واكتر سبب شائع هو خرطوم الفايظ في التنك لو كان بيسرب جوه العربية، وده بتعرفه لما تمون او تفول التانك وتلاقي ريحة البنزين ظهرت لمدة كام دقيقة كده وبعدين راحت لوحدها، والحل انك تراجع الخرطوم ده وتتأكد انه سليم وبيرمي بره العربية مش جواها.

وكمان غطا التنك لو مكنش محكم الغلق هيعمل معاك ريحة بنزين وتسريب مع الحركة خاصة لما يكون التنك مليان للاخر.

السبب التاني وصعب شوية اكتشافه هو وجود تسريب في اي مكان من عند الموتور في حوض العربية وغالبا الترشيح او التسريب ده
بيكون في اماكن الوصل او الربط بين خراطيم ومواسير او مدخل او مخرج الكربيراتير
او مدخل او مخرج طلمبة البنزين
وسهل الكشف عنها والعربية دايرة لان الترشيح بيكون ظاهر وغالبا هتلاقي تراب محمر في مناطق التسريب دي خاصة بعد فترة من حدوثه

كل جوانات الكربيراتير او عدم تقفيله كويس بسبب نقص مسامير او سطح وش الكربيراتير مقفع، او غير مستوي.

وكمان ممكن عدم تركيب فلتر الهوا او غطا العمه يعمل ريحة بنزين في حوض العربية وهيطلع مع اندفاع الهوا ويدخل جوه الصالون.

السبب التالت والاهم هو شرقة الكربراتير
في اسباب متعددة ومختلفة بتعمل شرقة للكربيراتير

وكل الاسباب دي بتشتغل على طريقة واحدة بس
وهي ان حوض الكربيراتير يتملي للاخر وكله يغرق ويوقع بنزين بره كمان،. وغرف الحريق يدخل لها بنزين اكتر من الطبيعي وبالتالي بيكون صعب مع نسبة الهوا الاقل والشرارة العادية انها تحرق الخليط ده خاصة على وضع السلانسيه، ووقتها العربية هتبطل وهيبقى صعب تشغيلها بالطرق العادية.

ولما ذكرنا شرقة الكربراتير هنا كان هدفنا نقول انها من ضمن الاسباب ان لم تكن اهمها اللي بتعمل ريحة بنزين في صالون السيارة، خاصة لما تسيب دواسة البنزين والعربية ماشية، لان العربية في وضع المور بيكون الحرق ضعيف جدا ونتيجة لكده البنزين بيزيد في حوض الكربيراتير وبيطلع منه نسبة كبيرة بره الكربيراتير وبيطير مع الهوا ويدخلك جوه الصالون.

السبب الرابع خرم في التنك خاصة لو كان الخرم ده في ارضية التنك او شرخ في زور التنك، وكتير بيكون مصحوب بزيادة في استهلاك الوقود.

وكمان ممكن يكون بسبب ضعف في الحرق نتيجة زيادة كمية البنزين داخل السلندرات او ضعف في الشرارة الكهربية، وهتلاقي على القناة فيديوهات كتير تخص النقطة دي هسيبهالك في صندوق الوصف اسفل الفيديو.

وفي اسباب تانية مقولنهاش، ممكن لو عندك معلومة بسبب كان عندك فب عربيتك اكتبه في التعليقات وبإذن الله اضيفه في الوصف اسفل الفيديو.

وفي اللحظة دي نكون وصلنا لنهايه حلقتنا وشكرا لمتابعتكم ومتنسوش تشرفونا باشتراك القناة ولايك وشير للفيديو والى اللقاء في حلقة جديدة والسلام عليكم ورحمة الله وبركاته.