#افكار_جديدة_جدا
#مبادرة_احلال_السيارات
#افضل_سيارة_في_المبادرة
صفحتنا على الفيسبوك
https://www.facebook.com/hanymoh1984a/
لادا جرانتا
https://youtu.be/lhx0zU01Cgc
هيونداي النترا hd
https://youtu.be/b4fgscEyWHI
شيفروليه اوبترا
https://youtu.be/Bz7cOTodyvE
هيونداي اكسنت rb
https://youtu.be/bJKroYVSNPI
نيسان صني
https://youtu.be/Yf3yYyJK87s
نيسان سنترا
https://youtu.be/18hIFM7wYYc
byd f3
https://youtu.be/m7odvaE7wjs
فيديو مجمع
https://youtu.be/8BV2AFtmW3E
ايه هي احسن عربية في المبادرة
وانا شخصيا اختارت منهم ايه لنفسي لما قدمت في المبادرة.
وهل فعلا انا قدمت في المبادرة ولا لأ
اهلا بيكم من جديد في حلقة جديدة من سلسلة حلقات مبادرة احلال السيارات المتقادمة في مصر
وحلقتنا النهارده هتكون عن افضل عربية في عربيات المبادرة وازاي تقدر تختار بنفسك العربية المناسبة ليك من ضمن كل عربيات المبادرة.
اللي هما
لادا جرانتا
هيونداي النترا اتش دي
شيفروليه اوبترا
هيونداي اكسنت ار بي
نيسان صني
BYD F3
نيسان سنترا
وللعلم عندنا على القناة فيديوهات تفصيلية عن كل العربيات دي بالمواصفات والمميزات والعيوب هسيبلك روابطهم في صندوق الوصف اسفل الفيديو
وقبل ما نبدأ كلامنا شرفنا باشتراكك في القناه ومتنساش لما تخلص الفيديو تعمل لايك قبل ما تخرج، ده طبعا لو الفيديو عجبك.
ونبدأ بقى كلامنا على بركة الله
مبدئيا كده احسن او افضل عربية هي حاجة نسبية ومحدش يقدر يقول ان الافضلية قرار مطلق ولازم كلنا نجمع عليه
لان كده كل الناس هتشتري عربية واحدة بس
والباقي محدش هيقرب منه.
يعني افضل عربية عندي غير افضل عربية عندك غير عند واحد تالت او رابع وهكذا
بس هقولك شوية نقط توضيحية ممكن تكون مش واخد بالك منها، ووقتها هتقدر تختار بنفسك افضل عربية لنفسك.
يعني هكلمك النهارده بمبدأ لا تعطني سمكة ولكن علمني كيف اصطاد.
اولا كده لازم تكون العربية مناسبة ليك من جهة السعر والقسط الشهري الثابت على مدار السنوات الطويلة الجاية، وطبعا ارخص عربية هي لادا جرانتا بعدها BYD F3 ونيسان صني واغلاهم نيسان سنترا.
تاني حاجة تكون قادر على دفع تكلفة الترخيص وتكلفة الصيانة الدورية في التوكيل، وانا شخصيا معنديش معلومة مؤكدة بالمبالغ المستحقة في النقطة دي لكن وارد يكونوا من 7000 جنيه فيما فوق.
تالت حاجة توفر قطع غيار العربية بسعر كويس. لو انت هتشتغل كتير بالعربية وهتحتاج قطع الغيار كتير... يبقى لازم تختار عربية منتشرة في الشارع المصري كتير والتجار والصنايعية بيحبوها، وهنا هتلاقي برضو لادا جرانتا byd f3 وكمان نيسان صني
افضل 3 عربيات من حيث سهولة توفر قطع الغيار وسعر قطع الغيار والصيانة خارج التوكيل.
بعد كده توفير العربية للبنزين والغاز او الوقود عموما ودي مبقتش مشكلة لان محطات الغاز بدأت تتوفر جدا مؤخرا في كل مكان فبالتالي اعتمادك على الغاز هيكون اكبر كتير من البنزين، والغاز فعلا بيوفر اقل حاجة 40٪ في التكلفة بالنسبة للبنزين.
وكمان نظام الغاز الجديد اصبح افضل واضمن لصحة الموتور لان اصبح بيشغل الموتور بالغاز والبنزين مع بعض في ذات الوقت
يعني كل كام ثانية بياخد رشة بنزين مع الغاز، وبالتالي بيحافظ اكتر على الموتور.
بعد كده قوة وعزم الموتور وتقريبا كده المواتير كلها قريبة لبعضها
بس اضعفهم موتور لادا جرانتا الفئة الاولى87 حصان واقواهم هيونداي اكسنت ار بي 125 حصان.
حجم العربية ووسع وضيق الصالون
مثلا لو المكان اللي بتركن عربيتك فيه صغير سواء جراج او شارع يبقى بلاش تختار عربية كبيرة
اما لو المكان كبير وانت محتاج عربية عائلية وبتركب معاك ناس كتير يبقى تختار عربية كبيرة وواسعة من جوه زي نيسان صني او نيسان سنترا او byd f3
وكمان لازم الشنطة تكون كبيرة عشان تستوعب اسطوانة الغاز خاصة لو انت من الناس اللي بتحب السفر والرحلات الجماعية وبتشيل شنط او امتعة كتير.،، واكبر شنطة هي نيسان سنترا بعدها نيسان صني
اخر واهم نقطة هي وسائل الامن والسلامة اللي
لازم على الاقل العربية اللي هتشتريها يكون فيها اساسيات الامن اللي هي مانع انزلاق الفرامل و2 ايرباجز او وسائد هوائيه ... طبعا احزمة الامان موجود في الكل وخارج نطاق الكلام بتاعنا.
يعني لو في عربية منهم فيها كل حاجة حلوة ومفيش فيها الحاجتين دول يبقى تبعد عنها لان العربية الحديثة لو مفيهاش وسائل امان متنفعش.. ده طبعا غير العربية القديمة، لان القديمة انت عارف قدراتها وحدودها لكن الجديدة حدود قدراتها اعلى بكتير.
طبعا بتكلم في العموم ومليش دعوة ىالناس اللي بتجري بالعربيات القديمة بسرعات عالية، لانهم انتحاريين ومعندهمش ادنى خوف او حرص على نفسهم او على غيرهم.
والنقطة دي مهمة لان العربيتين الهيونداي اللي هما النترا اتش دي واكسينت ار بي الفئة الاولى مفيش فيهم أدنى مستوى للأمان، لكن سمعت انها هتنزل في المبادرة بوسائل الامان الاساسية، بس لو منزلتش بها فعلا يبقى محدش يشتريهم.
لو ناوي تخلي العربية للبيت بس ومش محتاجها في شغل... غير لما تكون محتاج انك تجيب عربية للشغل، لان وقتها هتحتاج عربية تكون قطع غيارها متوفرة ورخيصة وصيانتها سهلة واعطاها قليلة.
هقول نقطة اخيرة بشيء من التفصيل.
لو انت متعرفش تصرف على العربية الجديدة على الاقل 10000 جنيه كل سنة بين صيانة وتأمين وترخيص بخلاف مبلغ القسط والزيت والوقود والجراج يبقى اقفل الفيديو ومتتابعش اي حاجة عن المبادرة ولا عربيات المبادرة واكتفي بعربيتك القديمة اللي عرفت اولها من اخرها.
نيجي بقى للشق التاني من الحلقة.
طيب انا هاني رأيي ايه واختارت ايه
مبدئيا وحتى وقت تصوير الفيديو ده انا فعلا سجلت بس ناوي ارجع في القرار ده يعني ناوي ألغي الطلب بتاعي، وسجلت بس عشان اعمل شرح لطريقة التسجيل وطريقة طلب العربية الجديدة.... وممكن بعد فترة اغير قراري ده وممكن مغيروش، بس ممكن استنى ردهم عليا واعرف ملامح الموضوع كاملة الاول
وكمان اختارت عربية Byd f3