نيسان سنترا سابع وآخر عربية معانا في مبادرة احلال السيارات المتقادمة في مصر
ومعاكم هاني من قناة افكار جديدة جدا
السلام عليكم ورحمه الله وبركاته اهلا بيكم من جديد في فيديو جديد وعربية جديدة من عربيات المبادرة.
عربية النهاردة هي يابانية التصنيع مصرية التجميع.
نيسان سنترا تابعة لوكيل الشركة في مصر وهي شركة نيسان موتورز ايجيبت، وهي عربية اعتمادية وعائلية وهي الوحيدة اللي في السوق المصري لها شكلين مختلفين وبتنافس عربيات قوية زي فيات تيبو وبيجو 301
بدأ انتاج الجيل الاول من نيسان سنترا عالميا سنة 1982 وحاليا وصلت للجيل السابع
وبدون الدخول في تفاصيل كتير ندخل في الموضوع علطول.
بس الاول شرفنا باشتراكك في القناه واعمل لايك وشير للفيديو لما يعجبك.
ونبدأ بسرعة على بركة الله
اولا كده سعر العربية
نيسان سنترا نزلت بأربع فئات وسعرها بيبدأ من 265 الف جنيه الى 305 الف
تاني حاجة أبعاد العربية
طول سيارة نيسان سنترا بالمتر 4.61 متر وهي كده اطول عربيات المبادرة وبعدها نيسان صني.
وعرض العربية 1.76 متر، والعرض ده مناسب جدا للطول وبيخليها افضل عربية عائلية
ارتفاع العربية من الأرض للسقف 1.49 متر
سعة الشنطة بقى 510 لتر ودي تعتبر اكبر شنطة بين كل سيارات المبادرة
طول قاعدة العجلات اللي هي المسافة بين مركز العجلة الامامية ومركز العجلة الخلفية من نفس الجنب 2.7 متر وده رقم كويس جدا وبيدي وسع في الصالون، وبرضو اكبر مسافة بين كل عربيات المبادرة.
ارتفاع العربية عن الارض بقى 16.5 سم وده رقم معقول جدا.
اما وزن العربية الصافي فهو 1218 كجم وده برضو رقم كويس جدا.
سعة خزان الوقود 52 لتر
نشوف بقى وسائل الامن والسلامة في العربية
2 اير باجز او وسائد هوائيه
ونظام مانع انزلاق الفرامل abs وتوزيع الكتروني للفرامل ebd
واحزمة امان امامية وخلفية
نظام مانع للسرقة،
كماليات العربية بقى
فتح الابواب بدون مفتاح
تكييف يدوي في الفئة الاولى واتوماتيك في الفئات الاعلى
باور دريكسيون
فوانيس شبورة امامية
ازاز كهربا للاربع ابواب
مرايات كهربا
اشارات بالمرايات
جنوط العربية الفئة الاولى 16 حديد
الفئة التانية جنوط سبور مقاس 16
كراسي جلد
اما بقى موتور العربية
فهو جاي بسعة 1.6 لتر او 1600 سي سي 16 صباب
وبيدي قوة 118 حصان
وعزم 154 نيوتن
وهو كويس بس مش الاقوى بين سيارات المبادرة
ومع الموتور ده علبة تروس او فتيس cvt 5 سرعات اوتوماتيكي... واقصى سرعة للعربية دي 180 كم في الساعة،
العربية بقى بتوصل لسرعة 100كم من وضع الثبات في 10.9 ث وده افضل تسارع بين كل عربيات المبادرة
واستهلاك البنزين 8.9 لتر لكل 100 كم يعني 11.2 كم في اللتر او 224 كم في الصفيحة اللي هي 20 لتر وهي تعتبر الاعلى في استهلاك البنزين من بين كل عربيات المبادرة
مميزات العربية بقى.
صالونها واسع
الكراسي جلد
العربية سريعة
الشنطة واسعة
ثابتة في السرعات، وهي العربية الوحيدة اللي كده.
اما عيوب العربية
الفرش الداخلي قماش
اغلب خامات السياراة من الداخل بلاستيك
فتيس cvt غير محبوب من ناس كتير
قطع غيار العربية غالية شوية
استهلاك البنزين اعلى شوية من باقي عربيات المبادرة.
الكاسيت فيه سماعتين بس في الفئة الاولى
مفيش كاميرا ولا شاشة في الفئة الاولى والتانية.
اما الوان العربية في السوق المصري هتكون
الفضي الميتاليك.
رمادي ميتالك.
أسود ميتالك.
اللون الأحمر الميتالك.
برونزي ميتاليك.
ذهبي ميتالك.
اللون الرمادي الغامق الميتالك.
كده خلصنا كل المعلومات اللي عرفناها عن العربية، لو عندك بقى معلومة جديد اكتبها في تعليق واحنا هنكتبها بعد كده في صندوق الوصف اسفل الفيديو عشان يكون مكمل للفيديو.
يلا بقى ادعمنا بلايك للفيديو
ولو كنت لسه جديد في القناة اشترك بسرعة وفعل علامة الجرس وخدلك لفة كده هتلاقي فيديوهات تعجبك وتفيدك اكتر.
وختاما شكرا لمتابعتكم والى اللقاء في حلقة جديدة وعربية جديدة والسلام عليكم ورحمه الله وبركاته.
#افكار_جديدة_جدا
#نيسان_سنترا
#مبادرة_احلال_السيارات