عربية byd f3 سادس عربية معانا من عربيات مبادرة احلال السيارات المتقادمة في مصر

ومعاكم هاني من قناة افكار جديدة جدا

السلام عليكم ورحمه الله وبركاته واهلا بيكم من جديد في فيديو جديد وعربية جديدة من عربيات المبادرة.

عربية النهاردة هي صينية المنشأ مصرية التجميع، يعني مبدئيا كده وظاهريا هي اسوأ عربية، بس ده مش حقيقي، لان المنتج الصيني مش الأسوأ بل ممكن يكون افضل من منتجات تانية عالمية في كل المجالات مش السيارات بس.

وعربية byd f3 هي تابعة لوكيل الشركة في مصر وهي شركة الامل، وهي عربية اعتمادية وبتاعة شغل ان لم تكن تنفع للجري والطلعات الرياضية

وبدون الدخول في تفاصيل زيادة ندخل في الموضوع علطول.

بل الاول شرفنا باشتراكك في القناه واعمل لايك وشير للفيديو ان عجبك.

ونبدأ بسرعة على بركة الله

اولا كده سعر العربية byd f3 تقريبا 170 الف جنيه.

بعد كده أبعاد العربية
طول سيارة byd f3 بالمتر 4.53 متر وهي تقريبا كده اطول عربيات المبادرة.

وعرض العربية 1.7 متر، ولو كانت اعرض ب5 او 10 سم كانت هتبقى افضل لكن العرض ده مناسب.

ارتفاع العربية من الأرض 1.49 متر

سعة الشنطة بقى 360 لتر وكنت اتمنى يكون اكبر شوية عشان اسطوانة الغاز هتاخد منها مساحة مش قليلة، لكن الكنبة الخلفية ممكن تتقفل وتشتغل مساعد للشنطة.

طول قاعدة العجلات اللي هي المسافة بين مركز العجلة الامامية ومركز العجلة الخلفية من نفس الجنب 2.6 متر وده رقم كويس جدا وبيدي وسع في الصالون.

ارتفاع العربية عن الارض بقى 17 سم وده رفم معقول جدا.

اما وزن العربية الصافي فهو 1200 كجم وده برضو رقم كويس جدا.

سعة خزان الوقود 50 لتر

نشوف بقى وسائل الامن والسلامة في العربية
اغلب عربيات المبادرة مفيش فيها اي وسائل أمان، واعلى حاجة ممكن تلاقيها هي 2 اير باجز او وسائد هوائيه ونظام مانع انزلاق الفرامل abs وتوزيع الكتروني للفرامل ebd واحزمة امان امامية وخلفية ودعامات فلاذية للابواب، نظام مانع للسرقة، ونظام امان للاطفال في الابواب الخلفية، وده كله موجود بالكامل في العربية byd f3 اللي معانا.

كماليات العربية بقى
تكييف يدوي
باور دريكسيون هيدروليكي مش كهربا
فوانيس شبورة امامية وخلفية
فوانيس خلفية ليد
علامة byd الخلفية ليد وده بيعطيها شكل مميز.
ازاز كهربا للاربع ابواب
مرايات كهربا حركة بس مش ضم
اشارات بالمرايات
مقابض الابواب نيكل
جنوط العربية 15 سبور مش حديد
كراسي جلد
مذيب ضباب الازاز الخلفي

اما بقى موتور العربية
فهو جاي بسعة 1.5 لتر او 1500 سي سي
وبيدي قوة 108 حصان عزد 5800 لفة في الدقيقة
وعزم 145 نيوتن على 4800 لفة في الدقيقة
موتور مش ضعيف بس مش الاقوى، لكنه مناسب جدا للناس العملية مش اللي عايز يجري ويسابق في عربيات الطريق.

ومع الموتور ده علبة تروس او فتيس 5 سرعات مانيوال... واقصى سرعة للعربية دي 180 كم في الساعة، وطبعا منصحش حد يتخطى ال 100 كم حتى الا للضرورة لان العربية مش ثابتة بعد ال120 كم كباقي عربيات المبادرة وكل عربيات الفئة السعرية دي.
العربية بقى بتوصل لسرعة 100كم من وضع الثبات في 12.1 ث
واستهلاك البنزين 6.3 لتر لكل 100 كم يعني 15.87 كم في اللتر او 317 كم في الصفيحة اللي هي 20 لتر.

مميزات العربية بقى.
صالونها واسع
موفرة في الوقود
الكراسي جلد
سهلة الصيانة حتى خارج التوكيل لكثرة انتشارها في مصر وكل مراكز الصيانة اتعاملت معاها كتير.
قطع غيارها متوفرة وبأسعار مناسبة.
عربية اعتمادية وتنفع في الشغل.
فيها كماليات كتير بالنسبة لسعرها

اما عيوب العربية
عدم ثباتها في السرعات العالية من اول 120 كده.
خاماتها كلها من الداخل بلاستيك ما عدا الكراسي.
سعة الشنطة صغير خاصة بعد تثبيت اسطوانة الغاز فيها، رغم ان الكراسي الخلفية ممكن تتقفل وتشيل مع الشنطة الا انها لا تغني عنها.
مفيش بلوتوث للكاسيت.
عزل العربية مش كويس وان كان مقبول، وده ممكن يخلي التكييف مش بقوته في الاوقات شديدة الحرارة خاصة مع اتساع الصالون.

كده خلصنا كل المعلومات اللي عرفناها عن العربية، لو عندك بقى معلومة جديد اكتبها في تعليق واحنا هنكتبها بعد كده في صندوق الوصف اسفل الفيديو عشان يكون مكمل للفيديو.

يلا بقى ادعمنا بلايك للفيديو
ولو كنت لسه جديد في القناة اشترك بسرعة وفعل علامة الجرس وخدلك لفة كده هتلاقي فيديوهات تعجبك وتفيدك اكتر.

وختاما شكرا لمتابعتكم والى اللقاء في حلقة جديدة وعربية جديدة والسلام عليكم ورحمه الله وبركاته.