لادا جرانتا
https://youtu.be/lhx0zU01Cgc
إلنترا اتش دي
https://youtu.be/b4fgscEyWHI
شيفروليه اوبترا
https://youtu.be/Bz7cOTodyvE
هيونداي اكسنت ار بي
https://youtu.be/bJKroYVSNPI
خامس عربيات المبادرة المصرية لاحلال السيارات المتقادمة معانا هي نيسان صني 2021
معاكم هاني من قناة افكار جديدة جدا
السلام عليكم ورحمه الله وبركاته واهلا بيكم من جديد في فيديو جديد وعربية جديدة من عربيات المبادرة.
وعربيتنا النهار ده هي عربية مشهورة جدا في مصر ومالية الشوارع المصرية.
نيسان صني عربية لها ما لها وعليها ما عليها ونبدأ على بركة الله.
اولا كده سعر العربية
سعر العربية بيبدأ من 180 الف جنيه الى 225 الف جنيه من الفئة الاولى للفئة الرابعة.
ثانيا ابعاد العربية
طولها 4.42 متر
وعرضها 1.69 متر
ارتفاعها من الأرض للسقف 1.5 متر
ارتفاع العربية عن الارض 15.5 سم وده وان كان قريب من الارض فهو ارتفاع متوسط ومعقول.
قاعدة العجلات اللي هي المسافة بين مركز العجلة الامامية ومركز العجلة الخلفية من نفس الجنب 2.6 متر وده رقم كويس
اما وزنها 1030 كجم وده خفيف جدا ومؤشر قوي لضعف خاماتها.
كل ده عادي ومفيش مشكلة فيه ولا ميزة عن غيرها.
اما الميزة بقى في نيسان صني هتكون في سعة الشنطة
اللي وصلت ل 490 لتر
وده رقم كبير جدا ومناسب للناس اللي بتحب تطلع رحلات بالعربية ومعاها شنط كتير.
كماليات الفئة الاولى بقى
فتيس مانيوال
فرش قماش
جنوط 15 حديد وكاوتش 185 عرض و65 مم ارتفاع
تكييف مانيوال لكنه. ديجتال في الفئة الرابعة
كشافات شبورة امامية
ازاز كهربا كله
مرايات كهربا
كاسيت aux وفلاشة بس مفيش بلوتوث
اربع سماعات
فتح الشنطة بالكهربا
اما بقى وسائل الامن والسلامة
2 اير باجز او وسائد هوائية
فرامل مانعة للانزلاق abs مع توزيع الكتروني للفرامل EBD و BA
احزمة امان للاربع مقاعد
الفئة التانية بقى بتزيد بس فتيس اتوماتيك 4 نقلات عن الفئة الاولى اللي فتيسها مانيوال
الفئة التالتة بتزيد عن التانية فرش جلد وازاز خلفي فاميه واسبويلر خلفي مدمج مع الشنطة ونظام التحكم في الطارة
الفئة الرابعة بتزيد عن التالتة حساسات خلفية للركن تكييف اتوماتيك.
اما بقى موتور العربية
فهو بسعة 1.5 لتر او 1500 سيسي
4 سلندر 16 صباب
قوته الحصانية 108 حصان عند 6000 لفة في الدقيقة
والعزم 134 نيوتن عند 4000 لفة في الدقيقة
معاه فتيس cvt مانيوال 5 سرعات في الفئة الاولى واتوماتيك 4 سرعات في الفئات الاعلى.
اقصى سرعة للعربية 180 كم
حركة العربية جر امامي
خزان الوقود 41 لتر
متوسط استهلاك البنزين 6.9 لتر لكل 100 كم يعني 14.5 كم في اللتر و. 290 كم في الصفيحة وده معدل كويس جدا.
التسارع بقى من 0 ل 100 كم بياخد 15.5 او 12.5 ثانية.
الوان العربية احمر بني ابيض اسود وفضي.
مميزات العربية نيسان صني
صالونها واسع بالطول ومناسب لانها تكون عربية عائلية
شنطتها واسعة جدا وتشيل كتير، وده يخليها مناسبة للرحلات.
قطع غيارها متوفرة بسبب انتشارها في شوارع مصر وسهولة صيانتها.
وكل ده يخليها سهلة في اعادة بيعها.
سعرها مناسب جدا.
التكييف مناسب لها جدا وفيها مروحة خلفية مساعدة للتكييف.
عيوبها بقى
اول عيب في العربية ان الوكيل هنا مازال متمسك بالشكل القديم رغم ان طلع لها شكل جديد بره مصر، وممكن في اي لحظة يغير للشكل الجديد وبالتالي عربيتك اصبحت قديمة زيها زي اللي فات عليها 10 سنين.
الخامات ضعيفة ومشاع عليها مشكلة كسر الجنوط خاصة في الحوادث، بس مش معقول هتكسر الجنوط الحديد، الالمنيوم بس اللي ممكن تكسر حتى من غير حوادث.
صالونها ضيق شوية بالعرض لان عرضها 169 سم
وزن العربية خفيف بالنسبة لحجمها، وبالتالي بيأثر على ثباتها في السرعات العالية، لكن بعد تركيب اسطوانة الغاز ممكن تتحسن شوية لانها بتزود وزن العربية كتير.
الموتور مش الاقوى بالنسبة لفئتها السعرية.
نفق الفتيس مش صغير لكن مش كبير برضو ومناسب ومش مأثر على حاجة لان الصالون واسع جدا.
لو انت بقى شايف ميزة او عيب في العربية دي لم يتم ذكرها في الفيديو يبقى اكتبها في تعليق.
لو متفق معانا تماما يبقى اعمل لايك قبل ما تخرج.
ولو لسه جديد في القناة اشترك بسرعة وفعل علامة الجرس وخدلك لفة كده هتلاقي فيديوهات تعجبك وتفيدك اكتر.
ودلوقتي انت صاحب قرارك في الحكم على العربية دي بعد ما عرفت اغلب عيوبها ومميزاتها.
والى اللقاء في حلقة جديدة وعربية جديدة والسلام عليكم ورحمه الله وبركاته.