#فرامل_السيارة #فرامل_العربية



كيف تحافظ على فرامل سيارتك هو عنوان حلقتنا النهارده

أول حاجة لازم تعرفها ان فرامل العربية شغالة على ضغط زيت او سائل فرامل بيمشي جوه مواسير رفيعة وخراطيم، وبيمنع تسريب الزيت ده جوانات واساتك راكبة في كل خزنة فرامل وفي كل قطعة ميكانيكية بتتحرك في دورة الفرامل، وسهل جدا ان اي استك او جوان يضرب ويفوت من شدة الضغط جوه المنظومة او من دخول اي غبار او تراب او رطوبة مع الزيت.

عشان كده الحفاظ على. الفرامل محتاج شوية اهتمام والتزامات. هقولهم على شكل نصايح متتابعة.

النصيحة الاولى، حاول تقلل من استخدامك للفرامل قدر الامكان، لان كتر استخدامها بيتعب العفشة والكاوتش وبيزود استهلاك البنزين وطبعا بيزود حرارة الموتور بشكل ملحوظ
والاهم في موضوع حلقتنا النهارده ان كتر استخدام الفرامل بيضعفها وبيعجل بتعطلها، لانه بياكل التيل والطنابير وبيضغط على الجوانات والاساتك ويسرع تآكلها وي٠تسرب الزيت منها.

النصيحة التانية حاول قدر الامكان تخفف ضغطة رجلك على الفرامل او تخفف الدوسة على الفرامل وقت استخدامها الا لضرورة طبعا، وتخلي اغلب استخدامك للفرامل للتهدئة مش للتوقف المفاجيء

وعشان تعمل كده لازم تهدي قبل اي مطب او اي مكان متوقع التوقف عنده من بعيد عشان لما تدخل عليه تكون مش محتاج فرامل خالص او محتاج مجرد سندة خفيفة عليها.

تالت نصيحة هي تغطية كل كتل او خزن الفرامل الاربعة بكاوتشة التراب بتاعتها عشان دخول اي اتربة بتعجل بتآكل الأساتك بسرعة وانهيار منظومة الفرامل بالكامل لمجرد تسريب الزيت من اي خزنة، لانه بينقص من القربة الرئيسية.

النصيحة الرابعة هي انك تبص تحت العربية كل فترة على كل مكونات منظومة الفرامل بالكامل ومن فوق كمان وتتابع منسوب الزيت واي تسريب او نقص تشوفه يبقى متتحركش بالعربية قبل اصلاح التسريب او معرفة سبب النقص ده وعلاجه بشكل جذري،خاصة قبل السفر، لان كده ممكن الفرامل تنهار معاك في ثانية وانت على سرعة عالية لا قدر الله.

لو مصمم تتحرك يبقى تركب لوحدك وتكون رايح الورشة المتخصصة، وكمان تمشي على الهادي ويكون عندك فرامل اليد شغالة.

النصيحة الخامسة انك بلاش تتعامل مع ماستر الفرامل بتغيير طقم اصلاح لما يعطل، لا غير الماستر كله بواحد جديد مش استيراد او خلع.

النصيحة السادسة غير زيت الفرامل مرة كل سنة، او في حالة دخول اتربة او سوائل للمنظومة بأي وسيلة او طريقة كانت.

سابع نصيحة لازم تسحب هوا الفرامل بعد اي اصلاح تعمله وتتأكد ان مفيش اي هوا داخل المنظومة لانه بيضعف الفرامل جدا وبيخليها متجمعش من اول دوسة ولازم تدوس كذا مرة ورا بعض عشان تشتغل، وطبعا الطريق مش هيستنى الفرامل تجمع معاك.

النصيحة رقم تمانية لو لقيت التيل عندك بيصفر كتير وتصنفره ويرجع تاني يصفر برضو يبقى غيره بنوع كويس واتأكد ان الطنابير مستوية ومش متاكل من سطحها كتير.

كده خلصنا كلامنا ووصلنا لاخر حلقتنا، لايك بقى للفيديو وشير عشان تفيد غيرك واشترك في القناة وفعل علامة الجرس عشان يوصلك إشعار لما انزل فيديو جديد والى اللقاء في حلقة جديدة والسلام عليكم ورحمة الله وبركاته.

فرامل السيارة خفيفة,
فرامل السيارة ضعيفة,
فرامل السيارة محجرة,
فرامل العربيه,
فرامل فرامل,
صيانة فرامل السيارة,
فرامل السيارة ماتمسك,
السيارة مافيها فرامل,
ما هي فرامل السيارة,
اين توجد فرامل السيارة