حرارة الموتور

اسباب ارتفاع درجه حرارة موتور السياره
انا هاني ودي قناة افكار جديده جدا

.

اصلا ايه هي الحراره العاديه للموتور وايه هي الحراره اللي ممكن نقول انها عالية او مرتفعه في الموتور

حرارة موتور اي عربيه غالبا المتوسط بتاعها او الحراره المثاليه بتكون بين 80 و 90 لو تحت 80 بعشره ممكن تمشي لو فوق التسعين بعشره ممكن تمشي بس انا بعتبرها حرارة عالية




اما بقى الحراره العاليه بزياده لها اضرار اكبر بكثير من الاعراض اللي ذكرناها عن الحراره المنخفضة اضرارها الاشد والاقوى بتكون على جوان وش سلندر اللي هو بيفصل بين الميه والزيت داخل الموتور او فاصل دوره المياه عن دوره الزيت داخل الموتور

وبالتالي بيحصل خلط بين الزيت والميه داخل الموتور وبتلاقي مية التبريد عليها طحينه والزيت عليه طحينه لان الاثنين اختلطوا مع بعض يعني دخل ميه عند الزيت ودخل زيت عند الميه

ومع الحراره والتقليب بيختلطوا وبيحصل بينهم تجانس مع بعض ده بقى بيفقد الزيت خواصه على التليين والتزييت وال الميه بتفقد قدرتها على التبريد


عشان كده لازم تحل مشكله تلف جوان وش السلندر اول ما تظهر معك على طول وهيكون لنا فيديو لشرح اسبابه واعراضه وطريقه علاجه بس في الفيديوهات الجاية ان شاء الله

نكمل بقى الفيديو بتاعنا ونكمل باقي اسباب ارتفاع الحراره

ثاني سبب لي اسباب ارتفاع الحراره نقص الميه يعني لو عندك تسريب او ترشيح ميه او تنقيط هيعمل معك نقص مياه في الموتور او في الريداتير وبالتالي الميه هتفقد جزء كبير من قدرتها على التبريد

عشان كده لازم تكشف عن مكان تسريب الميه وتعالجه بشكل نهائي في اسرع وقت علشان تقدر تتغلب على المشكله دي وهيكون لنا فيديوهات برده عن طريقه الكشف على تسريبات الميه دي علشان نكشف عنها بسهوله وكمان نقدر نعالجها بنفسنا

وكمان لو عندك سدد او ضيق في مجاري الردياتير يبقى لازم تسلكه عند حد متخصص، او تعمله بنفسك لو بتعرف تتعامل، وبرضو هيكون لنا فيديو عنه قريب حسب الخطة.

ولو عندك ضعف في طلمبة الميه او تآكل في الريش بتاعتها او بوش في الطنبورة بتاعتها وتنقيط ميه منها، هتزود حرارة الموتور، ولازم تتغير علطول، وبرضو هيكون لها فيديو معانا.

السبب اللي بعد كده هو ضعف في مروحه التبريد الكهربا وفي ناس بتحط مروحه ميكانيكية مباشره او دايركت على الموتور بتركب على طنبوره طرمبه الميه وبتشتغل على طول دوران المحرك يعني ما لهاش وقت محدد تشتغل فيه بتشتغل طول الوقت ومش بتستهلك كهرباء بس فيها حمل صغير جدا على الموتور لكن مش ده الحمل اللي يأثر او يقلل على قدره الموتور انما اكبر مشكلتها انها لها بعض التأثير على طرمبه الميه وبتعمل فيها ضعف او بوش او بتعجل بتعطلها وان كان بنسبة بسيطه بس لها ضرر لو ما كانش ليها فائده في التبريد عندك يبقى تلغيها اما لو كان لها فائده وبتفرق معاك يبقى وجودها مهم جدا.

وكمان خد بالك من اتجاه المروحة الكهربا وانت بتركبها
والطريقة السليمة بتكون بين الموتور والردياتير، وبترمي هوا من الردياتير للموتور مش العكس.

بعد كده عندنا مشكله في ترموستات الحراره اللي بتشغل المروحه الكهربا عند الحراره اللي المفروض تشتغل عندها وتفصل تاني لما توصل تحت الحراره اللي المفروض تطفي عندها لو الترمستات ده مش مضبوط او عطلان او مش متوافق مع العربيه او مع الموتور اللي راكب عليه يبقى عندنا مشكله والحراره ممكن تعلي معنا او تقل عن الدرجه اللي احنا عايزينها
انت بقى هتشوف الترموستات الطبيعي او العادي او الافضل للموتور بتاعك وتجيبوا علشان ما يعملش معك مشاكل وتقدر تتغلب على مشكله ارتفاع او انخفاض الحراره

السبب اللي بعد كده في ارتفاع حراره الموتور هو كتمة الشكمان لو الشكمان عندك مكتوم او ملوح على نفسه جامد وما بيخرجش العادم بشكل كامل يبقى هيحصل معك كتم جواه ويعمل معك كتمة في قلب الموتور وبالتالي فقد الحراره هيقل جدا وبالتالي الحراره هتبقى عالية جوه الموتور لازم بقى تفحص الموضوع ده عند حد متخصص ويعالج لك المشكله لو كانت هي السبب

السبب اللي بعد كده هي التكيهات لو التكيهات عندك مش مضبوطه او زي ما بيقولوا كده محمله شويه هتعمل معك ارتفاع في حراره الموتور لازم تضبطها برده عند حد متخصص ويكون شاطر وفاهم جدا ولازم تكون العربية باردة وقت الظبط ده

بعد مشكله التكيهات هنتكلم على مشكله الكامات ايا كان بقى العربيه عندك كم كامة واحد او اثنين لو الكمات دي مش مضبوطه مرحله او متاخره او مقدمة هتعمل معك برده حراره يبقى لازم تشوف حد متخصص وشاطر يظبطلك الكامات

فرامل العربيه كمان لها دور كبير جدا في رفع حراره الموتور يعني لو عندك اي ناحيه من الفرامل قفشه هترفع معك حراره الموتور بدرجه كبيره لان الموتور بيلاقي مقاومه عاليه جدا و احتكاك شديد في حاله انه بيحاول يمشي والعربيه بتبقى ماشيه بسرعه قليله فبالتالي الهواء اللي بيبردها بيكون اقل من العادي والمجهود اعلى من العادي.

اما بقى بعد الفرامل ممكن طقم الدبرياج اللي هو الاسطوانه والديسك لو فيهم تاكل ومش حاكمين حلو فبالتالي العربيه هتبقى ابطأ من سرعة دوران الموتور وابطأ من السرعه اللي المفروض تكون ماشيه عليها فبالتالي الهواء اللي بيصطدم في الرداتير او بالموتور علشان يبردوا هيكون اقل ومش متناسب مع سرعة دوران الموتور يعني فيه فقد في القدره وبالتالي الحراره هتبقى اعلى

مش بس نقص الميه اللي بتعمل ارتفاع في حراره الموتور لا نقص الزيت كمان يعمل ارتفاع في حراره الموتور لو الزيت عندك ناقص او بينقط يبقى لازم تتابعه ولازم تعوض الناقص ده علشان الموتور يقدر يحتفظ بالحراره الطبيعيه بتاعته لان الزيت من احد وظائفه التليين والحفاظ على درجة الحراره او تبريد الموتور.

كمان طريقة سواقتك وطبيعة الطريق اللي انت ماشي عليه وحرارة الجو في وقت سيرك واتجاه الهوا معاك او ضدك والحمولة اللي معاك في العربية وظبطة الكهربا والبنزين والبوجيهات كل دي اسباب تانية بتأثر على ارتفاع وانخفاض حرارة محرك سيارتك.