#ترس_الزيت #ترس_الاسبراتير

ترس الزيت او ترس الاسبراتير هو الترس الواصل بين الموتور وبين الاسبراتير وطرمبه الزيت مع بعض
لو لقيت في يوم فجأة طرمبه الزيت وقفت او ضعفت وما فيش زيت طالع فوق للموتور و لمبه الزيت نورت يبقى انت كده مبدئيا عندك مشكله في ترس الاسبراتير او ترس الزيت
طبعا الموضوع ده بيكون احتمال اول لكن ممكن يكون عندك المشكله في طلمبة الزيت نفسها او عندك مشكله في مقاس الزيت او ان الزيت ناقص او المشكلة في حساس او ساعة الزيت او عندك بقى مشكله اكبر في الكرنك

احنا بقى دلوقت هنتعلم مع بعض ازاي نفك ترس الاسبراتير ده من مكانه وازاي نركبه ثاني او نركب واحد جديد مكان القديم بكل سهولة

اول حاجه هنعملها اننا هنفك الاسبراتير ونطلعه ولو بتعرف تقسم من جديد ممكن تطلع الاسبراتير كله ما بتعرفش تقسم يبقى هتعرف شاكوش الاسبراتير متجه على انهي بوجيه وطبعا هتفك الوش الاول.
وفي فيديو هيظهر قدامك دلوقتي عن طريقة تقسيم الكهربا من جديد

بعد كده هتجيب حته خشبه برفع صباعك الصغير وتدخلها مكان ما شلت الاسبراتير

حته الخشبه دي هتدخل في فتحه ف ترس الاسبراتير وتقوم شبكه فيه والترس ما بيكونش مربوط بحاجه هو بس ساقط او بايت في مكان مخصص ليه

يعني مش هتحتاج مفاتيح خالص غير المفتاح 13 ومفك صليبه علشان تفك مسمارين الوش

طلع بقى الترس من العربيه و تتاكد منه وروح هات واحد ثاني مكانه من عند اي محل قطع غيار وانت بتشتري لازم يكون الترس الجديد بنفس الحجم من حيث الطول والقطر ولازم يكون عدد السنون كمان واحد علشان ما يحصلش معاك مشكله


جبت بقى الترس الجديد طب يلا ركبوا مكانه امسكه في حته الخشب زي ما كنت شايله بالضبط وركبه مكانه وبيته واتاكد ان شبك كويس والسنون والمشرشر شبكه في بعضها تمام التمام قفل بقى الاسبراتير قسم كهربتك من جديد ركب الوش ركب كابلاتك شغل العربيه اضبط الاسبراتير من ناحيه التقديم والتاخير دور يا معلم واطلع وجرب بس لازم تتاكدي ان لمبه الزيت طفت
لو لقيت لمبه الزيت لسه منوره يبقى عندك مشكله في حاجه ثانيه وهيكون لنا فيديوهات ثانيه عن اسباب اضاءه لمبه الزيت بس دلوقتي اوعى تشغل العربيه برده ثاني يا دوبك للتجربه بس، لايك بقى واشتراك في القناة، وكده نكون خلصنا الفيديو وصلنا للنهايه حلقتنا والى اللقاء في فيديو جديد والسلام عليكم ورحمه الله وبركاته