حساب اسهتلاك البنزين له اكتر من طريقة
الاولى وهي انك تملى التنك للاخر وتطلع مشوار على طريق مفتوح، وترجع تملى تاني الناقص من نفس البنزينة ونفس المسدس.
وتقسم عدد الكيلومترات المقطوعة على عدد الليترات المفقودة من المشوار.
بس يعيب الطريقة دي انها مبتاخدش في الحسبان البنزين المحروق وقت تسخين العربية ولا وقت الطريق الزحمة ولا الاشارات ولا اي توقف لاسباب اجبارية او اختيارية.
الطريقة التانية انك تركب ازازة بنزين مكان التنك وتمشي عليها لحد ما تخلص وبعدين تحسب الحسبة تاني على الوضع ده.
ويعيب الطريقة دي انها مش سهلة في التنفيذ ولا آمنة وكمان محسبتش البنزين اللي في الخراطيم، وكمان لما الازازة ممكن تخلص في وقت مينفعش تقف فيه وكمان ممكن العربيو تغلبك في الدوارة بعدها لما تخلص.
الطريقة التالتة وهي طريقة الفيديو بتاعنا
وهي انك تستنى لما لمبة البنزين تنور وتثبت
ووقتها علطول تاخد قراية عداد الكيلومترات الكبير او الصغير.... وليكن مثلا ١٥٠٠٠ كم
ولما تحط بنزين ايا كان عدد الليترات تكتبهم معاك برضو وليكن مثلا ٢٠ لتر
وتمشي عادي حياتك ومشاويرك براحتك طول ما البنزين موجود واللمبة مش منورة.
واول ما اللمبة تنور تاني تاخد القراية علطول قبل ما تحط بنزين
وليكن مثلا القراية الجديدة ١٥١٨٠
يبقى كده ال٢٠ لتر بنزين مشيوا معاك ١٨٠ كيلو متر
تقسم بقى ال١٨٠ على ال٢٠ هتعرف اللتر بيمشي معاك كام كيلو.
وعندنا هنا اللتر بيمشي ٩ كم
والرقم ده متوسط
يعني طريق سريع وبطيء وتسخين ومطبات واشارات وكل حاجة.
جرب الطريقة دي وهتعرف عربيتك مظبوطة ولا لأ.
كلمات مفتاحية
حساب استهلاك البنزين, كيف تعرف استهلاك البنزين, طريقة حساب الاستهلاك للبنزين, معدل استهلاك الوقود, الاستهلاك المفرط الوقود, كم يمشيك خزان الوقود, توفير الوقود لسيارتك, اسباب صرف الوقود, افضل طريقة لحساب استهلاك البنزين, استهلاك البنزين عالي, طرق معرفة استهلاك الوقود