عندنا فيديو الاسبراتير هنا اهو
https://youtu.be/-lhsQBlJSiM
بس لو حصل ونسيت اتجاه الشاكوش، او حاولت تدور العربية قبل ما تركب الاسبراتير العربية بتخلف تقسيمة الكهربا، بمعنى ان ترتيب الشرارة في غرف الحرق 1 3 4 2 بيختلف ميعاد الشرارة بتاعهم، يعني مثلا ممكن الغرفة رقم ٢ مستعدة للشرارة يقوم الاسبراتير مدي شرارة للغرفة رقم ٣ وهكذا.

يبقى لازم نعيد ظبط الكامات على توقيت الشرارة على غرفة الحرق رقم ١ ونسقط الاسبراتير والشاكوش متجه لكابل البوجيه رقم ١ برضو، عشان يرجع يرتب نفسه تاني وفي عربيات بتتظبط بالطريقة دي بس بنغير رقم ١ لرقم ٤، يعني الكامات بتتظبط والغرفة ٤ بتكون مستعدة للشرارة، والبستم في اعلى نقطة، ووقتها نسقط الاسبراتير والشاكوش متجه على رقم ٤ في وش الاسبراتير.

في طريقة تانية اننا نفك اول بوجيه ونحط مفك ونلف العجلة لحد ما البستم يوصل لاعلى نقطة له ونسقط الاسبراتير على رقم ١ والطريقة دي كل الميكانيكية شغالين بيها، لكن طريقة الكامات هي الشغل الصح زي الكتاب ما بيقول، والطريقة التانية صح برضو.