الجافا سكربت واهميها وليه لازم تتعلمها
---------------------------------------------

الجافا سكربت هي احد اهم لغات البرمجة في الوقت الحالي وهي تعتبر اكتر لغة عليها تطوير رهيب الايام دي
الجافا سكربت اتعملت سنة 1990 وسنة ما انا بقول ديما انا مقتنع ان الجافا سكربت دي لغة اتعملت على القهوة هو طبعا مش على القهوة بس انا بقول كدة عشان الجافا سكربت لغة فيري دينمك ومالهاش قواعد كتير زي اللغات الكبيرة زي السي شارب و الجافا ودا الحقيقة بيدي الجافا سكربت قوة كبيرة حدا في الشغل بس طبعا بس للناس الي فاهمينها كويس الي مش فاهمها بيحس انه بيقراء حجاب ههههههه
الجافا سكربت لما اتعملت اتعملت عشان تشتغل على البروزر زي الكروم وزي الفير فوكس و اي متصفح عندنا وهي اللغة الوحدة الي بتشتغل عند الكلينك مش زي اللغات التانية لازم تشتغل على السيرفر ودا بيخليها سريعة جدا وبتدي اداء عالي

وعشان كدة ابتدت الشريكات تطور مكتبات وفريم وركس كتيرة عشان تسهل الشغل على الجافا سكربت طلع في الاول الطفرة بتاعة الجافا سكربت الي هي الجي كويري ومن بعدها ابتدت الدنيا تفتح وظهر الانجلر و باك بون والي اكت وغيرها من الفريم وركس المشهورة دلوقتي والي بتطلب في شركات كتير وبمرمتبات محترمة جدا

وعشان تشتغل باي فريم ورك من دول لازم تكون انت فاهم جافا سكربت كويس جدا عشان تقتدر تتحكم في الادوات الي بيقدمها ليك الفريم ورك دا ودا يديلك سبب قوي انك تتعلم جافا سكربت وتقدر بسهولة تدخل سوق الويب وانت متطمن

ناس كتير فاكرين انهم لما يعرفوا اي اس بي دوت نت او بي اتش بي دا كفاية انهم يكونوا ويب دفلبر بس القناعة دي مش صحيحة عشان دي كلها لغات بتشتغل على السيرفر ومافيش اي لغة بتتشغل على البروزر بتاع الكلينت غير الجافا سكربت فكدة كدة يا باشا المرجعية بتاعتك هي الجافا سكربت و الاتش تي ام ال ودول الاساس في شغل الويب

الجميل بقى في الموضوع و الجديد ان الجافا سكربت دخلت كمان في برمجة الموبيل يعني بيها ممكن تعمل ابلكيشن موبيل ودي كانت طفرة في سوق الموبيل بصراحة لما ابتدت تطلع فريم وركس تخلي الجافا سكربت تقدر تتعامل مع امكانيات الموبيل من خلال حاجة اسمها ويب فيو ودا المقابل للبروزر الي عندنا في جهاز الكمبيوتر وابتدت تطلع فريم وركس كتير لحد لما بقى عندنا حاجات قوية دلوقتي زي الري اكت نيتف و الفلتر والي من خلالهم تقدر تطلع اندرويد وايفون ابلكيشن من خلال كود جافا سكربت

يعني بالجافا سكربت تقدر تعمل حاجات كتير جدا وانت كدة بتفتح لنفسك مجالات كبيرة جدا وكمان هي لغة سهلة فهمها مش صعبة ممكن تتعلمها بسهولة
ما تضيعش وقتك وتستنى كتير اتعلمها في اقرب وقت هتفيدك جدا في حياتك العملية
وانا بدعوكم لحضور الافينت الي احنا عاملينه عن الجافا سكربت وهو عبارة عن كبسولة مختصرة عن الجافا سكربت هنشرح فيها اهم الحاجات الي انت المفروض تكون عارفها عن الجافا سكربت وهنحطك على اول الطريق عشان يبقى فاضلك حاجات بسيطة وتبقى محترف فيها

لينك الموقع بتاعي
http://www.alishahin.net/

لينك صفحة الفيس بوك الخاصة بالكورسات
https://www.facebook.com/Howtobedeveloper/?ref=bookmarks

لينك البروفيل على لينك ان
https://www.linkedin.com/in/alishahin8811/
----------------------------------------------------------------------------------------

Music: https://www.bensound.com