سلام عليكم حبيباتي
2 اسئلة كتكرر بزاف فتعليقات
1 من بعد وضع الكرواسون فطاوة واش خليتيها تخمر ؟
الاجابة = انا وريتكم فاش كنت كنقطعها وقلت العجينة خمراات حطوها مباشرة بعد تقطاع فصينية الفرن دهنوها ودخلوها للفرن طيب
سؤال 2 وهاد سؤال كيتكرر فبزاف ديال الفيديوهات
واش فطياب كتشعلي النار من فوق وتحت ؟؟
الاجابة = طريقة الطهي تختلف من فرن لاخر بقاو طيبو بطريقة لي مولفين طيبو بيها فالفرن ديالكم بنسبة ليا انا عندي فرن كهربائي طريقة لي كنعتمد فطهي المعجنات والفطائر هي!!
كنشعل الفرن على 200درجة النار من فوق وتحت كنخليه يسخن مزيان عاد كندخل صينية لي فيها الفطائر كنوضع الصينية فالرف الوسط والافضل يكون رف قريب لنار لي مشعولة من تحت يعني بعيد عن الشواية او نار لي من فوق كنسد الفرن ونراقب حتا يبداو الفطائر يدهب اللون ديالهم هنا كنغير درجة الحرارة من 200 درجة الى 170 درجة او 160 درجة وكنخلي الفطائر حتا يتحمرو بالكامل .
واي سؤال اخر خليوه ليا فتعليقات مرحبا بيكم
.
.
مكونات عجينة الكرواسون
.
500غ دقيق مايعادل 5كؤوس عنبة
8غ ملح مايعادل ملعقة صغيرة مملوئة
10غ سكر او ملعقة كبيرة ممسوحة سكر
15غ خميرة خبز مايعادل ملعقة كبيرة مملوئة
100غ زبادي او علبة يوغورت طبيعي
نفس علبة اليوغورت مملوئة بالماء الدافي مايعادل 100غ ماء
نصف علبة ليوغور زيت مايعادل 50ملل زيت
بيضة واحدة
والطريقة واضحة فالفيديو
.
مكونات الحشوة
جبنة وشرائح ديك رومي مدخن ممكن استبدالها بالمرتديلا او بالنقانق وبصحة وراحة