الاحساس دايما بالجوع بعد تناول الاكل والرغبة في تناول السكريات بشكل مستمر والاحساس بالرغبة في النوم دايما بعد الأكل اللي بيحتوي على السكريات والنشويات كل دي من اعراض إدمان السكر
المخ بيفرز هرمون الدوبامين بعد تناول السكريات والنشويات وهو الهرمون المسؤل عن الاحساس بالسعادة وبيفرزه المخ بعد تعاطي الكوكايين بنفس الكمية ومع ارتفاع مستويات السكر فالدم عن المعدل الطبيعي بيفرز البنكرياس هرمون الانسولين لخفض مستوى السكر فالدم وبالتالي بيحس الشخص بالجوع بسبب انخفاض معدل الجلوكوز في الدم ومع الإستمرار في تناول السكريات والنشويات بتقاوم خلايا الجسم الانسولين وبيقل افراز هرمون الدوبامين ويبدأ الشخص ياكل كميات اكبر من السكريات والنشويات للوصول للشبع والاحساس بالسعادة مع الكميات البسيطه اللي كان باكلها في السابق وتبدأ مقاومة الانسولين وزيادة الوزن وارتفاع مستويات الكوليسترول والدهون الثلاثية في الدم وارتفاع ضغط الدم الطبيعي لمستويات مرتفعه ويكون الشخص معرض بسبب مقاومة الانسولين وكل الأسباب دي للإصابة بمرض السكر من النوع الثاني
الاعراض الانسحابية للتوقف عن تناول السكر بتختلف من شخص للتاني لكن غالبا بتكون على شكل صداع وقلة النشاط وهبوط وضبابية فالتفكير واكتئاب وتختفي الأعراض بعد مرور من ٣ الي ٧ ايام ويبدأ الجسم يعتمد على الدهون المخزنة في الجسم كمصدر للطاقة ويبدأ فقدان الوزن وتنتهي مشكلة مقاومة الانسولين
ومن اكتر الحاجات اللي بتساعد على تخطي مرحلة الأعراض الانسحابية من إدمان السكر هي ممارسة الرياضه وشرب المياه وتناول الفواكه والخضروات لأنها بتحتوي على مضادات الاكسدة اللي بتقلب من الأعراض الانسحابية للتوقف عن السكر

#ادمان_السكر
#مقاومة_الانسولين
#الجوع

دمتم دايما في حفظ الله
تحياتي
دكتور محمود الرجاج
برنامج
وقاية مع دكتور محمود