قياس كفاءة البنكرياس وقدرته على افراز هرمون الانسولين هي الطريقة اللي نقدر نفرق فيها بين مريض السكر من النوع الاول ومريض السكر من النوع التاني وكمان نقدر عن طريقها نميز مرحلة مقاومة الانسولين
بيتم قياس نسب c-peptideفي الدم وعن طريقها بيتم تحديد مدى كفاءة البنكرياس على افراز هرمون الانسولين
بتفرز خلايا بيتا في البنكرياس السي ببتيد وهو بروتين يرتبط مع الانسولين برطه ويكون عدده مساوي لعدد ماتم إنتاجه من الانسولين
ونقدر عن طريق قياس نسب ال سي ببتيد في الدم نعرف بشكل أدق نسب الانسولين اللي بيفرزه البنكرياس
واللي بيميز ال-peptide هو مدة وجوده في الدم بتكون أطول من مدة بقاء الانسولين بالاضافه انه لا يتأثر بنسب الانسولين الخارجية اللي بيتم حقنها في حالة مريض السكر من النوع الاول
بيتم عمل تحليل c-peptide بعد صيام ٨ ساعات ويقوم المختبر بقياس السكر الصائم لتحديد الفرق بين مرض السكر من النوع الاول ومرض السكر من النوع الثاني ومرحلة مقاومة الانسولين بشكل دقيق
النسب الطبيعية لتحليل ال سي ببتيد للشخص السليم هي من نص الي ٢ نانوجرام لكل مل
وتحليل السكر الصائم اقل من ١٠٠ مجم/د
ده دليل على كفاءة البنكرياس وعدم وجود أي دليل على ارتفاع السكر في الدم
في حالة الاصابة بمرض السكر من النوع الاول بتكون نتيجة تحليل c-peptide في الدم اقل من نص مجم لان البنكرياس بيفقد القدرة على افراز الانسولين بسبب تلف خلايا بيتا المسؤولة عن افراز الانسولين والسي ببتيد في الدم وبتكون النسبة دليل على وجود مشكلة في البنكرياس وفي الحالة دي بيعتمد المريض على العلاج بحقن الانسولين مدى الحياة
في حالة الاصابة بمرض السكر من النوع الثاني
بتكون نسب السي ببتيد في المتوسط الطبيعي مابين نص الي ٢ نانوجرام /ملي
لكن قياس السكر الصايم بيكون اكتر من ١٠٠ وده دليل على الإصابة بالسكري النوع الثاني
وبتظهر اعراض مرض السكري زي الجوع الشديد والعطش الشديد والتبول بشكل متكرر
في حالة الكشف عن الإصابة بمرض السكر من النوع التاني يتم قياس السكر التراكمي لمتابعة حالة مريض السكر ووصف الأدوية المناسبة للسيطرة على مستويات السكر التراكمي في الدم اقل من ٧٪
ونقدر كمان نميز مرحلة مقاومة الانسولين عن طريق تحليل السي ببتيد لان في حالة مقاومة خلايا الجسم للانسولين بيستمر البنكرياس في افراز كميات مضاعفه من الانسولين ولكن مع مقاومة الخلايا للانسولين بتستمر نسب الجلوكوز في الارتفاع ويصبح مستوى السكر في الدم مرتفع وفي محاولة من الانسولين تقليل نسب السكر في الدم بيحول الجلوكوز بدهون ويهزنها في الكبد ويسبب الإصابة بالكبد الدهني ويخزن جزء من الدهون في الأنسجة الدهنية وخاصة في منطقة البطن ويسبب زيادة الوزن وزيادة محيط الخصر
ودي علامات مقاومة الانسولين اللي ظهورها سبب في التعرض للإصابة بمرض السكري من النوع الثاني

تجاهل ظهور اعراض مقاومة الانسولين بيسبب الدخول في مرحلة ماقبل السكر وهي المرحلة اللي عدم علاجها السبب في الإصابة بالسكر من النوع التاني

#مقاومة_الانسولين
#السكر_النوع_الاول
#السكر_النوع_الثاني

تحياتي ودمتم بالف صحة
دكتور محمود الرجاج
برنامج
وقاية مع دكتور محمود