قياس السكر التراكمي بالمتوسط اليومي للسكر على موقع جمعية السكر الأمريكية
https://www.diabetes.org/diabetes/a1c-test-meaning/a1c-and-eag
السكر التراكمي بيختصر ب A1c
قياس السكر التراكمي او الهيموجلوبين السكري او خزان السكر او مخزون السكر كما يطلق عليه في بعض الدول العربية هو من القياسات اللي بيتم بيها تشخيص مرض السكري والأشخاص المعرضين للإصابة بالسكر بسبب مقاومة الانسولين في مرحلة ماقبل السكري
بيتم قياس السكر التراكمي عن طريق قياس نسب سكر الجلوكوز المرتبط بهيموجلوبين الدم في آخر ٣ شهور ونقدر نتابع حالة مريض السكري ومدي استجابه لأدوية علاج السكر عن طريق متابعة قياس السكر التراكمي
لكن في بعض العوامل اللي بتأثر على قياس التراكمي في الدم وممكن تسبب ارتفاع لقياس السكر التراكمي او انخفاض ومن أشهر الأسباب اللي بتأثر على قياس السكر التراكمي وبتسبب انخفاض غير حقيقي التعرض للنزيف وانيميا فقر الدم علشان كده متابعة قياسات السكر الصايم والسكر الفاطر بشكل منتظم بتساعد في مقارنة معدل السكر التراكمي في الدم مع قياسات السكر اليومية
نقدر نحسب السكر التراكمي في البيت عن طريق قاياست السكر اليومية وحساب المتوسط اليومي للسكر بجمع اجمالي قياسات السكر في فترة معينه الأفضل الا تقل عن شهر وقسمة الإجمالي على عدد القياسات
مثال :
لو اجمالي قياس السكر الصايم وقياس السكر الفاطر في خلال شهر كانت ٨٦٠٠ وعدد القياسات كان ٥٦ هيكون المتوسط اليومي للسكر في الدم ١٥٣.٥
لو متوسط قياس السكر في الدم اقل من ١٢٦ هيكون قياس السكر التراكمي اقل من ٦٪
لو متوسط قياس السكر في الدم اقل من ١٥٥ هيكون قياس السكر التراكمي اقل من ٧٪
لو متوسط قياس السكر في الدم اقل من ١٨٣ هيكون قياس السكر التراكمي اقل من ٨٪
لو متوسط قياس السكر في الدم اقل من ٢١٢ هيكون السكر التراكمي اقل من ٩٪
لو متوسط قياس السكر التراكمي اليومي في الدم اقل من ٢٤٠ هيكون متوسط قياس السكر التراكمي اقل من ١٠٪
ونقدر كمان نحول نتيجة تحليل السكر التراكمي ونعرف بيها متوسط معدل السكر في الدم اليومي بمعادلة بسيطة

التراكمي x ٢٨.٧ - ٤٦.٧=المتوسط اليومي للسكر في الدم في آخر ٣ شهور

#السكر_التراكمي
#مرض_السكري
#التراكمي_في_البيت

دمتم بالف صحة وسعادة
تحياتي
دكتور محمود الرجاج
برنامج
وقاية مع دكتور محمود