ضغط الدم الطبيعي للانسان اللي معندوش اي مضاعفات او أمراض مزمنه المفروض يكون أقل من ١٤٠/٩٠ لكن ضغط الدم الطبيعي لمريض السكر لازم يكون أقل من ١٣٠/٩٠ لان مريض السكري من النوع الثاني والسكري من النوع الاول والمرضي اللي معرضين للإصابة بمرض السكري ودخلوا في مرحلة ماقبل السكر
بيكونوا معرضين لمضاعفات مرض السكر وظهور اعراض ارتفاع ضغط الدم عليهم بسبب ارتفاع الكوليسترول الضار والدهون الثلاثية في الدم و ده بيزود من سرعة ظهور مضاعفات ارتفاع ضغط الدم علي القلب والمخ والكلى لمريض السكري
وعشان تتجنب ارتفاع ضغط الدم لو انت مريض سكر والسكر التراكمي أعلى من ٧٪ او قياس السكر اليومي غير منتظم ودايما قياس السكر الصائم او قياس السكر الفاطر او السكر العشوائي مرتفع لازم تتبع ٣ خطوات
اولا تقليل استهلاك الملح سواء ملح الطعام او المصادر المخفيه للملح زي الاكل الجاهز والمعلب والمخللات لأنها بتسبب احتباس السوائل في الجسم وبالتالي بتزود من احتمالية ارتفاع ضغط الدم عن المعدل الطبيعي
وتزود من استهلاك البوتاسيوم اللي موجود بوفرة في الخضروات الورقية ويساعد في تقليل مضاعفات ارتفاع ضغط الدم لمرضى السكر
ثانيا تقليل استهلاك الزيوت المهدرجه والدهون المشبعه لأنها بتسبب ارتفاع مستويات الكوليسترول الضار والدهون الثلاثية في الدم واستبدلهم بالزيت الصحية زي زيت الزيتون والاسماك اللي بتحتوي على الاوميجا ٣ زي السردين والتونه والسلمون
الأكلات دي بتساعد في علاج الكوليسترول المرتفع وتقليل فرص ارتفاع ضغط الدم لمريض السكر
ثالثا الرياضه بشكل منتظم بتساعد في تحسين قياس السكر والمحافظ على ضغط الدم الطبيعي
#ضغط_الدم_الطبيعي
#السكر_التراكمي
#الكوليسترول

دمتم بصحة وعافية دايما
تحياتي
دكتور محمود الرجاج
برنامج وقاية مع دكتور محمود