#تسليح_التربة
#soil_reinforcement

- هو انا ينفع اعمل تسليح للتربة زي ما بسلح الخرسانة؟!
الفيديو ده بيجاوب علي السؤال بشكل نموذجي وبسيط.
---------------------------------
* اه ينفع... والحقيقة ان المجال ده في اهتمام كبير جدا بيه في الوقت الحالي لانه اقتصادي جدا وسهل تنفيذه ... يعني مش بيحتاج معدات وعمالة كبيرة لتنفيذه وما بيستهلكش وقت كبير ونتائجه مبهرة جدا في تحسين قدرة تحمل التربة وأدائها .. وده تم تنفيذه في مشاريع كتيرة داخل مصر زي محور 30 يونيو والاقليمي وعدد من المنشآت والحوائط الساندة اسفل الطرق والكباري وبيستخدم في حوائط الرمبات او مطالع ومنازل الكباري اللي بيتم تنفيذها بالـ keystone... فكرة المواد او النماذج دي هي نقل الحمل من منطقة الارتكاز الي المناطق المجاورة وبالتالي توزيع الحمل علي مساحة أكبر وبالتالي قدرة تحمل للتربة أعلي ...
لو ركزنا في الفيديو فالنموذج التاني هنلاقي ان في مخدة موضوعة أسفل التربة ودي بتحصل معانا كتير أثناء عملية التنفيذ ان التربة او طبقة الردم تعمل #سوستة او بنردم علي تربة لدنة جدا ومشبعة بالمياة وبالتالي الردم والطبقات اللي بنحطها بتكون أشبه ما تكون بجسم طافي علي الماء وبالتالي مع وضع أي وزن علي التربة او السير فوقها بيكون سلوكها أشبه بالسوستة ... لكن بعد وضع شريحة الـ Geogrid ثلاثي المحور الحمل اتوزع علي مساحة أكبر ويالتالي الهبوط وردة فعل التربة كانت أقل ... ده بالنسبة للـ Geogrid لكن نوع آخر زي الـ Geotextile قده بيستخدم لمنع مرور المواد الناعمة الي الطبقات السفلية خاصة عند عمل طبقة filter علشان نحافظ عليها من المواد الناعمة بتوضع شرائح من الجيوتكستيل علشان تمنع مرور المواد الناعمة او سريانها مع المياة الجوفية خاصة اذا كانت المياة لها تدفق flowing مستمر.
وعامة تسليح التربة بيتم بإستخدام مواد اسمها:
"Geosynthetics"
مواد الكسوة الأرضية وهي مواد اصطناعية تستخدم لتثبيت التربة بوجة عام و هي عموماً منتجات بوليمرية .. قبل هذا النوع من المواد كان يوجد العديد من الأنهيارات للتربة ولهذه الأنهيارات اسباب عديدة أهمها عدم قدرة التربة علي التحمل.

#الأنواع:
1) Geotextiles
2) Geogrids
3) Geonets
4) Geomembranes
5) Pre-Fabricated vertical drains
6) Geosynthetics clay liner
7) Geocells
8) Geocomposites

#الإستخدامات:
- عملية تسليح التربة (Soil reinforcement)
- منع تآكل التربة (Erosion) خاصة في حماية ميول الطرق ودي بيستخدم فيها حاجة معروفة بالـ Geocell هتلاقوا صورته فالتعليقات
- عمل أتزان الميول الجانبية و قواعد الطريق
(Slopes and Bases)
- فى مجال رصف الطرق (Pavements)
- فى مجال الحوائط الساندة (Retaining walls)
- ترشيح المياة من التربة (Filtration)
- تحسين قدرة تحمل التربة (Bearing capacity)
- القدرة على مقاومة الإجهادات الجانبية الناتجة عن أجهادات القص (Shear stress)

#المميزات:
- تقلل تكلفة البناء
- زيادة العمر الافتراضي لطبقات التربة
- لديها متانة عالية مما يقلل من تكاليف الصيانة
- مقاومة للتآكل ضد التأثيرات البيئية
- مقاومة للحرارة في الدرجات العالية والمنخفضة
- سهولة الانشاء ولا تحتاج الي خبرة وكفاءة كبيرة.


هتلاقوا في اول #كومنت مرجع كويس جدا في كل الأنواع #تصميمها و #تطبيقها
وهتلاقوا صور الانواع دي كلها فالتعليقات

#علم_يتنتفع_به
#المهندس_سيد_داود
#كورسات_هندسية