جاب في الاختبار ١٤ او١٥ هو نرجسي ولا لا؟
هوا انا لو عملت الاختبار وجوزى جاب ١٤ من ٣٠ الدكتورة قالت من ١٥ يبقي نرجسي بس في صفات معينه زى قلب الترابيزة زى انه بيكبر المشاكل الصغيرة بيشكر فى نفسه كتير بيشوه فى صورتى فى الخلافات دى موجودة فيه وفى صفات تانيه كويسه زى مثلا انه بيساعدنى فىشغل البيت ومش بيعايرنى بدا لما بكون لابسه حاجه حلوة بيقولى انها حلوة بيقولى مثلا انه شكلى احلي من غير ميكب يعنى مش بيهد ثقتي بنفسي عمره ما عملى صمت عقابي دا ابدا ..انا مش عارفه بجد محتارة هوا نرجسي ولا مش نرجسي
لما تعملي لزوجك اختبار النرجسية وتلاقيه جايب ١٤ او ١٥ من ثلاثين بس في نفس الوقت بتلاقي فيه بعض الصفات اللي موجودة في النرجسيين في الحالة دي بتتلخبطي وتحتاري ،طيب تعالي أقول لك حل للخبطة دي
١- اول حاجة شوفي علامات انك في علاقة سامة وشوفي ٦ علامات حتشوفيهم في نفسك لو كان زوجك نرجسي ، دول حلقتين حيبينوا لك اذا انتي مع حد مش سوي ولا لا مش شرط يكون نرجسي فيه شخصيات كتير سامة غير النرجسي زي الشخصية الهستيرية والمضاد للمجتمع وبعض أنواع الشخصية الحدية لانها متقسمة اربع أنواع احدهم سام جدا ، المهم ان ممكن يكون زوجك شخصية سامة لكن مش نرجسي . المهم ان اكبر علامة انك مع شخصية سامة انك تكوني متلخبطة ومش عارفة هو انتي صح ولا هو اللي صح طول الوقت مش مرة ولا اتنين وتلاقي نفسك بتعملي حاجات عمرك ماكنتي تتخيلي انك تعمليها وانتي أصلا بتعمليها مغصوبة وكارهاها وغالبا بتكون غلط او حرام دا غير انك بتلاقي نفسك اتغيرتي تماما عن شخصيتك اللي كنتيها قبل ماتعرفيه واهملتي نفسك وفقدتي الثقة فيها وطول الوقت تفكري هو ماله وازاي أراضيه وفي النهاية ممش بيرضى

٢- لو لقيتي نفسك مع شخصية سوية لكن فيها بعض الصفات السيئة فدة الطبيعي بتاع البشر وابدأي تتكلمي معاه وتفهميه ان فيه حاجات بتضايقك منه ولازم نقعد ونحلها ولازم يكون فيه حوار وتقبل لعيوب الاخر وماينفعش تقولي له انت لازم تتغير وانت مش عاجبني وتدخلي فيه شمال ولاتهدديه لو ماتغيرتش حسيبك ولا أي هجوم المفروض لو هو شخصية سوية ان الكلام يكون بهدوء وبنبرة عتاب وحب وتفاهم وحتلاقيه حيتجاوب معاكي والدنيا حتتحل ان شاء الله
٣- لو اكتشفتي انك فعلا في علاقة سامة لكن مش عارفة ايه مسمى شخصية زوجك هل هو نرجسي ولا حدي ولا ايه ،متحاوليش تدوري حاليا هو ايه لكن دوري انتي ايه ؟ ليه؟ لانك محتاجة تتعاملي مع حد مش سوي وتسيطري عليه وعلى حياتك معاه ( ودة طبعا اذا انتي مضطرة تكملي معاه ومش حتقدري تسيبيه) طيب انتي عمرك ماحتقدري تتعاملي معاه ولا تسيطري على حياتك وانتي معاه الا اذا كنتي انسان سوي وقوي في نفس الوقت ودة غالبا مش حيكون حالك طالما عيشتي فترة طويلة مع شخص غير سوي فلازم تبدأي تدوري على نقاط ضعفك ، وتحاولي تعالجيها شوفي فيديوهات الشخصية الاعتمادية والمتعاطفة وشوفي الحدية دوري على نفسك وافهميها وبطلي تدوري على زوجك هو ايه ، لما تعرفي نفسك صح حتعرفي تعالجيها وعندنا حلقات التشافي لعلاج الصدمة من الحياة مع شخصية سامة يعني تنطبق ع اللي عاشت مع نرجسي او أي شخصية سامة فاسمعي التشافي وعالجي نفسك وبعد ماتخلصي وتنفصلي عاطفيا عن الشخص دة وتخلصي من ادمانه مداركك حتتسع وفهمك حينموا وحكمتك حتزيد وحتقدري تعرفي ساعتها نوعية زوجك ايه وان كان دة مش مهم المهم انك تقدري تسيطري على حياتك معاه
المهم ان اكبر علامة انك مع شخصية سامة انك تكوني متلخبطة ومش عارفة هو انتي صح ولا هو اللي صح طول الوقت مش مرة ولا اتنين وتلاقي نفسك بتعملي حاجات عمرك ماكنتي تتخيلي انك تعمليها وانتي أصلا بتعمليها مغصوبة وكارهاها وغالبا بتكون غلط او حرام