النرجسي الانتقامي تعرفيه ازاي ؟ دكتور تود جريندي
١- فرط الهيمنة والسيطرة والتحكم ، كل حاجة بطريقته وتحت سيطرته كل نفس بتتنفسيه لازم يكون عارفه وموافق عليه ، فيه ناس بتاكل اللي هو عايزه فعلا حرفيا ومتاكلش اللي هي بتحبه ولازم يسمح لها تنام لو نامت وهو مش عايزها تنام بيسود عيشتها بعدها ، شايف انه الافضل والاهم والاقوى لانه هو اللي معاه السلطة في البيت ، وبيشوف بقيت الناس ضعفاء وغير قادرين ومحتاجين حد يسيطر عليهم ويمشيهم
٢- دايما يسعى للوصول للسلطة وكراسي السلطة والمناصب العليا وبيكون خطر على المجتمع لو مسك سلطة فعلا لانه مش بيعدي اي هفوة لاي حد وبيستمتع بانه يعاقب الناس
٣- مش شاطرين في التلاعب زي الجاسلايتينج والمحادثات الدائرية وقلب الترابيزة والكلام دة كله هو مش شاطر فيه لان الانتقام بيسيطر على مشاعره ومبيقدرش يسيطر عليه هو مش بيعرف يفكر ينتقم ازاي لكن بيحس انه عايز ينتقم عشان كدة ضعيف في الالاعيب ، انما اللي بيفكر في الانتقام اكتر بيعرف يتلاعب اكتر ، اللي بتقول انا زوجي فيه كل صفات النرجسي بس مش بيعمل جاسلايتينج ، احتمال يكون انتقامي وممكن ميكونش نرجسي اصلا
٤- مستحيل يقبل النقد او الرفض ولا النصيحة الثلاث حاجات دول بيثيروا رغبة الانتقام بداخله ، هو مسجون داخل نرجسيته وضعفه وهشاشته وسواد نفسه ومش بيحاول يفكر اصلا في وضعه السيء دة واكتئابه المستمر لكن بيحاول يعيش كل اللي حواليه في السواد دة
٥- بيخطط كويس جدا للانتقام ودة انتي حتشوفيه لما حد يزعله او يضايقه في شغله او من عيلته او عيلتك ( الدليل على كدة الجرائم الكاملة اللي بيعملوها ،بعيدا عن الازواج يعني) ، احيانا الغضب النرجسي بيكون صورة سيئة جدا للانتقام ، هو مش بيكون عايز يعاقب هو بيكون عايز يخلي الشخص يعاني واحتياجة للانتقام بيكون اكتر من احتياجه للحفاظ على نفسه ، يعني ممكن يكون حيؤذي نفسه لو انتقم وعارف ان اللي بينتقم منه دة حيردها له اقوي ومع ذلك ميقدرش يمنع نفسه من انه ينفذ انتقامه
٦- لما حد بيوجه له اهانة مش بيرد في وقتها ، ممكن يفضل وقت طويل يفكر ازاي حصلت الاهانة ويجترها كتير عشان يزود احساسه بالكارثة فتزيد رغبته في الانتقام
٧- بيضيع وقته وطاقته في التخطيط للانتقام وبيحس بالرضا عن نفسه جدا لما ينتقم ولو فشل في الانتقام واتأذى منه جدا برضه حيحاول تاني يعني مهارة التعلم بالتجربة مش موجودة عنده ابدا مبيتعلمش من غلطه ابدا
٨- بيكون باين جدا انه انسان شرير وبيكون عنده ادمان للانتقام دة مش مجرد انه انسان حقود مثلا لا دة طول الوقت بيطارد اي حد عشان ينتقم منه ، هو مدمن انتقام وانتي تلاقي النوع دة مدمن شكاوى طول الوقت بيقدم شكاوى ويعمل محاضر ويكايد في الناس لمجرد ان مثلا حد مقالش له صباح الخير
٩- هو بيكون شايف نفسه ضحية لواتعرض للاهانة وبالتالي من حقه ينتقم وياخد حقه وان دة هو العدل وهو دة اللي بيديه الطاقة والتحفيز انه ينتقم ويستمر في اللعية
١٠-لما تزعليه وتعتذري له مهما اعتذرتي مش حيوقف انتقامه منك ابدا لازم ينتقم مهما عملتي ، تلاقيه ينجح في تحقيق اهدافه على المدى القريب لكن على المدي البعيد بينكشف للناس ومحدش بيحبه ولا يتعامل معاه .
طيب دة تتعاملي معاه ازاي ؟ دة متتعامليش معاه اصلا تجنبيه تماما ولو تقدري تهربي منه اهربي


اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11