هل اذهب ام ابقى دكتور رامني دورفاسولا
هل شريكك نرجسي ؟ اختبار من ٣٠ سؤال ، متضمن نتيجة الاختبار
١- هل زوجك بارد المشاعر في مقابل مشاعرك الدافئة او مشاعر الاخرين او بيبدوا عنده صعوبة في تفهم او فهم مشاعر الاخرين ؟
٢- هل زوجك بيتكلم عن حياته وانجازاته بشكل مبالغ فيه (شغله اللي مفيش زيه ، انه حيوصل للي محدش وصل له ) ، هل هو مغرور ومقتنع انه متفوق على كل الناس؟
٣- هل زوجك يعتقد انه يستحق معاملة خاصة في كل نواحي حياته ( الشغل ، عمال السوبر ماركت ، الاصدقاء ، في كل شيء)وهل بيغضب لو ملقاش المعاملة الخاصة دي ؟ اللي هو يعظموا له ويجروا عليه ويكلموه على انه رئيس الدولة
٤- هل بتشوفيه يتلاعب مع اصدقاءه او زملاء العمل او في تجارته وهل بيستغل المواقف ضد الناس دي ويتلاعب بيها بدون اي اهتمام او باهتمام ضئيل بمشاعر الناس دي ؟
٥- هل هو بيغضب بسرعة جدا بشكل غير متناسب مع الموقف ؟ يعني تبقى حاجة هايفة ومتستاهلش ويقلب الدنيا عشانها
٦- هل دايما شايف ان الناس دايما عايزة تقتنصه وتستغله وتستفيد منه ؟
٧- هل هو طول الوقت يوجه النقد للي رايح واللي جاي في حين مايقبلش اشارة من بعيد تحسسه انه بيتم توجيه النقد له وبيقلب في ثانية وياخد موقف دفاعي بعدائية او انه يعمل غضب نرجسي ؟
٨- هل بتحسيه باستمرار بيغير منك ومن صداقاتك وعلاقاتك ونجاحاتك واي فرص لترقيكي ؟
٩- هل بيعمل اخطاء مؤذية وميحسش ابدا بالذنب او حتى مش شايف انه عمل حاجة غلط اصلا ؟
١٠- هل هو طول الوقت محتاج تقدير واعجاب زي المجاملات والجوائز وهل هو دائم البحث عن الكلام دة ع السوشيال ميديا مثلا او عن طريق انه منين مايقعد مع اي حد يحكي عن انجازاته عشان يثير اعجاب الناس ؟
١١- هل هو عادة بيكذب ويتجاهل تفاصيل مهمة ميقلهاش ، او انه بيديكي معلومات مش راكبة مع بعضها وتلاقي نفسك مش مقتنعة بيها ومتلخبطة وحاسة ان الكلام متناقض او مش راكب على بعضه ؟
١٢- هل هو خبير في الاستعراض ؟ يستعرض كل شيء في حياته ،سيارته ، الاماكن اللي بيروحها ، الطريقة اللي بيتكلم بيها عن حياته اللي بتخلي الناس تتخيل انه قمة المثالية في كل حاجة ؟
١٣- هل دايما بيسقط عليكي مشاعره ( مثلا يتهمك انك غاضبة في حين انه بيصوت في وشك ، يتهمك بالتناقض و هو اصلا كل حياته تناقض ، يتهمك بالاستفزاز في الوقت اللي هو بيستفزك ويعمل لك جاس لايتينج )
١٤- هل هو مادي جشع ودايما طمعان في حاجات اكتر من اللي عنده وفلوس اكتر ودايما يسعى انه ياخد اكتر ويجيب اكتر؟
١٥- هل هو مشاعره باردة معاكي ودايما تحسي انه بعيد وحاطط مسافة بينكم ولو انتي حسستيه بمشاعر قوية تجاهه يقطع معاكي او يعمل غضب نرجسي بدون سبب ويعقبه شوية صمت عقابي ( يعني بيبعدك عنه قاصد)؟
١٦- هل هو دايما يتوقع او يخمن تصرفاتك ويئول كلامك ويشكك في مقاصدك ويشك فيكي لدرجة تجننك ؟
١٧- هل هورخيص بوقته وفلوسه ( يعني طول الوقت يقولك اي خدمة عشان جاب لك هدية او قضى معاكي وقت ، او طول الوقت يتكلم عن لهفة البنات عليه وان اي بنت في العالم تتمن تكون معاه وان انتي محظوظة )؟ هل مبيكنش كريم غير في الحاجات اللي على هواه او اللي بتخدم اهتماماته او حتحسن صورته ادام الناس (زي العطاء القهري مثلا )؟
١٨- هل هو دايما يتجنب المسئولية ويتهرب منها وسريع جدا في القاء اللوم على الاخرين في حالة انه اخطأ او بسبب اخطاءه ؟ هل بينبري يدافع عن نفسه بدل مايتحمل مسئوليه اخطاؤه؟
١٩- هل هو مستغرق في الاهتمام بمظهره وشكله ادام الناس ودايما دقيق في لبسه وشكله وشعره ؟
٢٠- هل هو مسيطر؟ هل يعمد انه يتحكم في تصرفاتك ؟ هل بتحسي انه حساس اوفر في حتة انه لازم يسيطر ولازم كلامه يتسمع ولازم متتنفسيش من غير اذنه ، سواء انتي او اولاده او اي حد واقع تحت ايده؟
٢١- هل هو غير متوقع ومتناقض في موده وتصرفاته ؟هل دايما مبتبقيش عارفة ايه اللي حيحصل منه بعد دقيقة ؟ عايشة ماشية على قشر بيض انتي واولادك
٢٢- هل هو بيستغلك انتي او اي حد يقدر يستغله ودة العادي بتاعه ؟ هل بينتهز الفرص لتأكيد تلبية احتياجاته مهما كانت مزعجة او فيها استغلال لوقتك وجهدك انتي او غيرك ؟
٢٣- هل بيستمتع انه يتفرج على فشل الاخرين وينتهز الفرصة انه يبين انه احسن منه وانه نجح وقدر يحقق اللي الاخر محققهوش ، او لما يلاقي حد بيتكلم عن عيوب في حد تلاقيه فورا يحمد ربنا انه عافاه من العيب دة وهو اصلا متأصل فيه ؟
٢٤- هل بيجد صعوبة انه يكون لوحده او انه يقضي وقت لوحده ؟
٢٥- هل هو مبيحطش اي حدود بينه وبين الاخرين ؟ هل له علاقات مش مناسبة مع اصدقائه او زملاؤه وبيحافظ عليها باستمرار مهما قلتي له ان دة مش مريح بالنسبة لك ؟ مش شرط علاقات نسائية لا كمان ممكن تكون علاقات صداقة بس مفتوحة زيادة عن اللزوم وفيها تداخل وتلاقي اللي بيخبط عليكي في اي وقت وهو معندوش اي مشكلة
٢٦- هل انتي لاحظتي ابدا انه مش مخلص لكي ؟
بقية ال ٣٠ في اول تعليق
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
الكتب
should i go or should i stay