ليه النرجسي مش بيدعمك او بالاصح بيدوس عليكي لما تكوني في محنة ؟
١- لما تكوني في محنة انتي بتكوني منهكة ومش بتعطي اي حد اي حاجة لانك معندكيش حاجة تديها ( عملية ، كورونا ، وفاة عد من عيلتك ، …..) مين في الظروف دي حيدي اي حد اي حاجة ؟ هو بقى في الوقت دة بيبقى عايش من غير وقود وزي ماقلنا قبل كدة النرجسي بيتحطم لو اتمنع عنه الوقود ( شوفي حلقة ايه اللي حيحصل للنرجسي لو منعتي عنه الوقود وحيعمل معاكي ايه )

فطبعا حينفجر فيكي او حيعمل لك صمت عقابي لانك منعتي عنه الوقود ، ولانه بدون مشاعر ولا ضمير ولا عنده احساس بالذنب فمش حيهمه ايه سبب منع الوقود اللي مهم عنده انه اتمنع
٢- لما بتكوني في محنة الناس اللي حواليكم كلهم حيكونوا جنبك وبيساندوكي ومهتمين بيكي والكل بيزورك والكل بيتصل بيكي حتي اهله واخواته ولو من باب الواجب و حتي زمايله اللي هو حكى لهم عن محنتك من باب انهم يدعموه هو عشان زوجته في محنة ، بيلاقيهم بيتصلوا يسألوا عليكي انتي ومش بيدعموه هو ، كل دة بيشحنه ضدك لانك اخدتي منه الاضواء والاهتمام وانتي عارفة النرجسي شايف ان هو بس اللي يستحق الاهتمام والدعم والتقدير وباقي الناس هم اللي يعملوا دة ، فإزاي انتي تاخدي منه حقوقه فلازم ينتقم منك وينفجر غضب نرجسي او يدخل في صمت عقابي

هل الزوجة ممكن تتحول لنرجسية ؟

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11