هل النرجسي عايز فريسته تحبه ؟
سام فاكنين رد على السؤال دة رد صادم ، قال ايه ؟ قال هو انتي بتكوني عايزة تلفزيونك يحبك ؟ بالنسبة للنرجسي كل الناس ادوات (اكيد النرجسية الخفيفة بيكون غير كدة اكيد بيكون فيه مشاعر ولو قليلة جدا جدا ) ومصادر وقود نرجسي فإذا هو عايز يؤمن الوقود دة ويحافظ عليه وميفقدوش فلازم يكون مصدر الوقود دة مرتبط بيه ارتباط وثيق عشان يكون ضامن وجوده في كل وقت وفي اي وقت واكبر ارتباط هو ارتباط الحب فهو بيفضل ان الفريسة تحبه بإدمان وتتعلق بيه تعلق مرضي عشان يفضل حابسها مش عشان تحبه ، لكن هو عارف ان الحب هو السلاح الاقوى والاخطر عشان كدة بيتعامل كمحب وكمتعاون وكصديق وكزميل محب اما اذا الكلام دة موفرش الوقود المطلوب فيعمل ايه يشوف عكسه انه يكون مهاب ومخيف ولو اشتغل معاه فحيكون حريص على انه يخوف فريسته ويرعبها كل شوية عشان ياخد الوقود وبرضه يحبسها ، هو مش بيفرق معاه يكون محبوب ولا مكروه المهم انه يكون متشاف وطالما هو متشاف يبقى هو موجود (من وجهة نظره)

ازاي النرجسي بيتعامل مع (فريسته اللي هربت ) مصادر الوقود السابقة (طليقته ، الخطيبة السابقة ، الحبيبة السابقة)؟ وهل بيعتبرها عدو ؟
اول جملة قالها سام فاكنين في الاجابة علي السؤال دة : الانسان لازم يحرص على عدم اضفاء الطابع الرومانسي على النرجسي ، وبيقول ان الندم وحسن السلوك اللي بيبينهم لك النرجسي لما يحب يرجع لك بيكونوا مرتبطين بالرعب من فقدان الوقود مش حب ولا رومانسية فمتنخدعيش ، وبيكمل كلامه ان النرجسي معندوش اعداء هو فقط عنده مصادر وقود نرجسي ، فالعدو دة بيعني الانتباه يعني وقود فعن طريق السيطرة على العدو بياخد وقود ومجرد انه فيه عدو معناه ان فيه اهتمام وفيه حد شايف النرجسي
خدي بالك بقى اذا النرجسي قدر يستفز مشاعرك سواء بالسلب (يعني يغيظك ويقرفك وتتفاعلي مع كيده) او بالايجاب ( انك يصعب عليكي او تشتاقي له او تتعاطفي معاه ) فانتي مازلتي مصدر من مصادر الوقود النرجسي
النرجسي بيرجع يدور على مصادره القديمة لما ميكونش عنده اي مصدر ومش عارف يحصل على مصدر او معندوش طاقة يكون مصدر جديد فبيحاول بشكل محموم انه يعمل recycle (اعادة تدوير ) لمصادره القديمة والمهملة والمفقودة واللي هو رماها بنفسه قبل كدة ( يعني الزوجة الاولى اللي رماها واهملها واتجوز التانية لكن التانية وعيت بدري وسابته ومشيت ، او مشي مع واحدة بدون زواج شوية وسابته ) لكن هو مش حيعمل اعادة التدوير دي الا اذا كان متأكد انه حيقدر ياخد وقود من المصادر القديمة دي وطبعا اي نوع من الوقود سواء سلبي او ايجابي يعني لو انتي مصدر قديم ومرمي دلوقتي وهو محتاج وقود حييجي لك مش لو هو متأكد انك لسة متعلقة بيه وعايزة ترجعي له بس ، لا دة كمان لو متأكد انك متغاظة منه ومش طايقاه ونفسك تنتقمي منه فحييجي لك عشان تهاجميه وياخد منك وقود سلبي ويبقى حرق دمك ورفع لك ضغطك واذاكي وانتي بمنتهي العبط اديتيه اللي هو عايزة اديتيه جرعة الادمان اللي هو جاي عشانها ، عشان كدة دايما يقولوا في الكتب ال no contact يعني قطع الاتصال بشكل كامل لا تليفون ولا فيس ولا واتس ولا اي تجاوب من اي نوع ، دة طبعا في حالة اللي اتطلقت واللي فسخت مش اللي صابرة وقاعدة
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest
الكتب :
narcissistic supply
narcissistic drug