الوقود النرجسي نقطة ضعف النرجسي اللي ممكن تخلص عليه
ايه هو الوقود النرجسي ، ليه بيحتاجة النرجسي وبياخده من مين غيرك وليه بيعمل لك التحقير والاهانات والتقليل بالرغم من انك بتعامليه زي الفل ؟وليه النرجسي بيعامل اولاده مش زي بعض وايه اللي بيحصل للنرجسي لما بيقل الوقود النرجسي وايه اللي بيحصل لو اختفي تماما وازاي تستغلي الوقود النرجسي دة في الانتقام من النرجسي
كلنا بنحتاج للاهتمام والتقدير ورضا اللي حوالينا لكن بشكل معتدل وصحي ، واذا زاد الاهتمام دة من حد بنستغربه ونتجنبه لاننا بنحس ان فيه حاجة غلط ، زي كمان مابنتجنب النقد السلبي المستمر والزايد عن الحد ، اما بالنسبة للنرجسي فالموضوع غير كدة خالص ، هو عامل زي مدمن المخدرات ، اللي كل فترة بيحتاج يزود الجرعة لانها بتكون مش كافية لكن هو مدمن للاهتمام وانتباه الكل له سواء انتبهوا واهتموا بيه ايجابيا او سلبيا ، عشان كدة النرجسي اما بيكون صورة ساحرة وخيالية للانسان المثالي وبيصدر الصورة دي للناس ويعيش على ردود افعالهم بقى من اهتمام وتقدير وخلافه او بيكون مجرم عتيد وبياخد اهتمام برضه ، والاهتمام دة هو الوقود النرجسي .
الوقود النرجسي نوعين
١-وقود نرجسي اولي ودة بيحصل عليه بشكل عشوائي وغير منتظم وبيكون من الناس اللي بيقابلهم برة العيلة او من الشهرة او من الجيران ومن ردود فعل الناس على مركزه الاجتماعي ، اي ناس اي حد من اول بواب العمارة لحد زملاؤه ومرؤسيه
٢-وقود ثانوي ودة من القريبين جدا وبيكون بشكل منتظم ومضمون ودة هو سبب اساسي لزواج النرجسي وتعدد علاقاته ولو مش متزوج بياخده من اقرب شخص له في حياته
ليه النرجسي بيعامل اولاده مش زي بعض ولازم نحس انه عنده حد بيفضله على الباقيين ؟ بسبب الوقود النرجسي طيب ازاي ، هو بيتعامل مع مصادر الوقود بناء على شخصيتهم يعني الشخص الطيب الخاضع الهادي الضعيف الخجول اللي عنده شعور بعدم الامان دة بيتعامل اسوأ معاملة وبياخد منه الوقود السلبي اللي احنا متفقين انه بيحبه اكتر من الايجابي وكمان بيستغله ماديا وجسديا وكل طرق الاستغلال ، اما الشخص الذكي القوي المعتمد على نفسه واللي له انجازات ميقدرش يكسرها وله شخصية ميقدرش يخضعها فدة بيكون مصدر الفخر والتفاخر والفشخرة على خلق الله وبيعزز بيه موقفه وشكله في مجتمعه وبيثلث بيه لاخواته ، والكلام دة منطبق على كل من يتعامل معهم النرجسي عشان كدة احيانا تلاقي النرجسي بيسيب زوجته تشتغل لما بتكون مركزها كويس ودايما يقول الدكتورة راحت الدكتورة جت بالرغم من الاذى برضه اللي بيعمله فيها .
طيب ايه فايدة الوقود دة بالنسبة للنرجسي ؟ اولا بيؤكد عظمته ويدعم الذات الزائفة اللي هو مكونها في خياله ويخليه يصدق كذبته دي
ثانيا بيساعده على تنظيم احساسه المتقلب بنفسه اللي يوم يحس بالعظمة ويوم يحس بالضعف والحقارة
ثالثا بيحط حدود تحمي الذات المزيفة اللي هو صنعها
رابعا في حالة ان الوقود الرئيسي او الاولي دة قل ونجمه افل فالزوجة بقى كمصدر وقود ثاني بتفكره بمجده اللي هي شافته وشهدت عليه اما بإنها تفضل تعامله سي السيد وتنفخ فيه او انه يقرفها بحكاوي زمان وقصص امجاده اللي حققها زمان
نقطة مهمة مصدر الوقود النرجسي (انتي) بالنسبة للنرجسي بضاعة قابلة للتلف بيستهلكها ويرميها ويجيب غيرها او انه يجددها

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
قناة التلجرام
https://t.me/learnaboutnarcisest
الكتب :
narcissistic supply
narcissistic drug