حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
شوفي التجاهل التام بيعمل ايه في النرجسي وبيخليه يعمل فيكي ايه؟
دلوقتي اللي بيحصل لك اول ماتتصدمي في النرجسي انك بتلاقي نفسك مش قادرة تتعاملي معاه ابدا ولا طايقة تشوفيه ولا تسمعي صوته فبيكون رد فعلك اللاارادي انك تتجاهليه تماما ،بعض الحلات بتمنع الثلاث حاجات الخدمة والعلاقة الحميمة والوقود والبعض الاخر بيمنع وقود وعلاقة حميمة وبتستمر بس في الخدمة والمفروض ان الخدمة بتكون زي مابيقولوا كدة النواية اللي بتسند الزير لكن أحيانا الخدمة بتكون مستفزة اكتر ماتسند الزير ليه لان الحالة ممكن تخليها من خلال أولادها يعني هي تطبخ والبنت تحط له هي تعمل العصير والشاي وتبعته مع الولد هي تغسل لكن ماتدخلش تديه حاجته فبتكون الخدمة هنا مستفزة جدا بالنسبة للنرجسي اللي مش فاهم مالك فيه ايه . المهم طبيعي جدا انك تتصدمي وطبيعي جدا انك ماتكونيش طايقة تشوفي وشه ولا تسمعي صوته لكن المفروض ان دة حياخد منك شوية وقت وحيروح فانتي اذا مجبرة ع التعايش ومش حتقدري تسيبيه ولا حتقدري تتحملي انه يروح يتجوز عليكي يبقى لازم تستعيني بالله وتكوني قوية وتتحملي رؤيته وسماع صوته وتحاولي تتعاملي عادي ولا كأنك عرفتي حاجة في الأول الموضوع حيكون صعب جدا لكن مع الوقت بتهدي ، طيب ليه انتي مضطرة تعملي كدة (والكلام هنا للمضطرة تعيش فقط ) لان النرجسي لما بيحس بالتغيير المفاجئ والتجاهل التام اللي بتعمليه بيحاول يقرب في الأول ويسألك مالك ويعمل هوفرينج كدة بتلاتة مليم ودة لو مكنش مراقب موبايلك ولا فاهم سبب التغير لكن لو مراقب موبايلك فحيكون فاهم فمش حيسأل فيكي ولا هوفرينج ولا غيره وحيدخل في المرحلة التانية علطول اللي هي ايه التصعيد والضغط بكل الطرق يا اما بالمصاريف يا اما بالخناقات المستمرة كل يوم كل يوم يا اما بالمشاكل مع الأولاد وخصوصا لو انتي حريصة جدا عليهم وواخدة بالك من نفسيتهم فحتكون دي نقطة ضعف يدوس عليها جامد والوضع دة بيستمر بالشهور عشان يقول لك انك ماتقدريش تخرجي عن سيطرتي ، ولما الأسلوب دة مايجيبش نتيجة يبدأ يطفشك كل شوية يقول لك امشي وممكن يطردك من البيت لو انتي ضعيفة وممكن يهددك ياخد اولادك وممكن يخليكي برة ويغير الكالون ودة معناه انه قرر يسيبك او يتجوز او انه قرر يربيكي ويدوقك موقف الطلاق عشان تخافي وتتراجعي ودة لانه عارف ومتأكد انك مستحيل تقدري تسيبيه ، وللأسف كتير حالات بيحصل معاها كدة وبتوصل للطلاق ومش بتقدر تسترجع النرجسي وطبعا هو للأسف لانها مش بتكون مستعدة لخطوة الطلاق خصوصا ماديا وكمان لانها بتكون لسة ماتعافتش من الإدمان او من اضطراب مابعد الصدمة . عشان كدة ياجماعة الليه يهديكوا ماتنساقوش لمشاعركم اوتظهروها وتعلنوا حرب التجاهل التام الا اذا كنتوا مستعدين للعواقب ، لازم تكوني مخططة وعارفة انتي واقفة فين ورايحة فين ماتظهريش مشاعرك تجاهه ولا تبيني له انك مش طايقاه الا اذا كنتي مستعدة للنتيجة عشان كدة انا عملت لكم فيديوهات التجاهل الذكي اللي بتقدري بيه تتعايشي وتدي النرجسي فتات خبز تحسسيه بيه انك موجودة ومكملة وانك مش حتسيبيه لانه اول مايحس انك حتسيبيه هو بيبادر ويخرب الدنيا عشان ماتبقيش انتي اللي سيبتيه ، وكمان بيحاول يرجعك تحت السيطرة بطرق مؤذية جدا فانتي ليه تحطي نفسك في الوضع دة ، كل واحدة تكتشف حقيقة زوجها لازم تتماسك وماتعرفوش لحد ماتقرر حتعمل ايه وحتعمله ازاي وتبدأ تسترجع نفسها وحياتها وبعدين تقرر ، وتاني اللي بتقع الوقعة دة وبتقرأ سورة البقرة كل يوم بيحصل لها تغيرات في كل شيء وتوفيق عظيم من ربنا وانا عن نفسي ماعرفش ليه وازاي واشمعنى سورة البقرة لكن دة كلام الحالات ومعظم الحالات اللي نجحت في تجاوز الازمة قالوا لي قولي للناس على سورة البقرة كل يوم لها مفعول عجيب
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية