عايزة ترتاحي من النرجسي جوزيه
حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
هي الزوجة الأولى لما تجوز جوزها النرجسي تبقى بتخدع الجديدة؟
زوجة تانية بتحكي ان الزوجة الأولى راحت تخطبها لجوزها وشكرت فيه ، وبعد الجواز جت اشتكت منه مر الشكوى يعني هي خدعتني لان هو كمان حقيقته ظهرت بعد ماخلفت منه
السؤال بقى هي الزوجة الأولى خدعتها؟
بصوا كتير اوي بيقولوا لي انتي مش متعاطفة مع الزوجة التانية ودايما في صف الزوجة الأولى ، على فكرة لا انا متعاطفة مع الاتنين بس الأولى انضحك عليها ومكنش فيه علامة حمرا كبيرة تقول لها ارجعي ولا كان فيه حد بيقول لها اوعي تعملي كدة ، لكن الزوجة التانية شايفة بعينها علامات مش علامة واحدة حمرا واولها انه متجوز وبيدور على جوازة تانية وايه بقى كمان الزوجة الأولى هي اللي بتخطب له ، يعني لو فكرنا لثانية واحدة حنفهم ان فيه حاجة غلط ،يا اما الزوج مهدد الأولى وغاصبها تروح تخطب له ، او انها وصلت لاخرها وعايزة تخلص منه والحالتين أسوأ من بعض ومالهمش ثالث مفيش أي تفسير غير كدة لان الفطرة اللي ربنا خلقنا عليها ان الست بتغير ولما ربنا شرع له يتجوز تاني لاسباب برضه ربنا شرعها وشروط ربنا شرطها عليه ربنا ماقالش ان زوجته هي اللي تخطب له لان ربنا عارف ان دة مؤلم لها ، فلما تيجي مراته تخطبك له وانتي تفرحي اوي فانتي اما ظلمتي نفسك بسبب جهلك واعتماديتك وعبطك او ظلمتي نفسك بانك كنتي فاهمة لكن عايزة تتجوزي او تخلصي من أي مشكلة مقابلاكي في حياتك فقبلتي الجوازة وفي الحالتين انتي اللي بتظلمي نفسك محدش بيظلمك ، الجواز التاني والتالت والرابع مش منطقي في الزمن بتاعنا احنا اتفقنا ان مفيش صحابة ومفيش اخلاق ولا دين زي أيام المسلمين لما كانوا مسلمين بجد ، فمتظلميش نفسك وتتجوزي واحد متجوز الا اذا كان شيخ شبه الصحابة وانا أؤكد لك انه لو موجود في زماننا دة مش حيتجوز على زوجته لان ظروف الحياة مش سامحة لحد انه يعمل كدة ، واللي حتقول لي ممكن يكون غني ويقدر حقول لها لكل قاعدة شواذ واكيد فيه حالات فردية قدرت تتجوز أربعة وتعدل بينهم لكن المنتشر واللي احنا شايفينه ايه ، ثلث الحالات تقريبا اللي عندي زوجة تانية او زوجة لزوج كان مطلق وبيحاول يرجع الطليقة او بيثلث بيها وبيبهدل التانية ، ماهو انتي لما تعرفي انه مطلق لازم تسمعي من طليقته هي هربت منه ليه ، ايوة فيه برضه حالات بتكون الأولى نرجسية وهو اللي هرب منها لكن انتي لازم تتأكدي من دة او انك تبعدي عن عش الدبابير لان عدد النرجسيين تقريبا اد النرجسيات مرتين فالموضوع محتاج انك تتأكدي ، الحالات اللي بتكون زوجة تانية بتشكي وتبكي اد الأولى واكتر لانه بيكون اتعلم كويس في الأولى ومش بيكرر اخطاؤه اللي خلتها تهرب منه يعني بيزود العنف والجبروت مش بيقلل ، وبيحكم السيطرة اكتر وبيكون أصلا منقيها اضعف واكتر خضوع وخنوع وغالبا بتكون اما متأخرة في الجواز او اكبر منه او اصغير بكتير او انها خارجة من تجربة مع نرجسي يعني بينقي واحدة مكسورة أصلا وهو بيكمل عليها عشان ماتسيبهوش ولا تفوق زي الأولى وبعد ما يحس انه كسر الأولى بيبدأ يرجعها لو كان سابها على أساس انها حترجع تخضع تاني ويستفيد من الاتنين ويقرفهم ببعض ويخليهم يتحاربوا عليه
في النهاية المصير سيء للغاية وحاليا كذا حالة زوجة تانية تقول لي قولي للبنات والستات محدش يتجوز واحد متجوز ولا حتى مطلق لانه بيكدب وبيرجعها او بيثلث بيها ، وبصراحة الحالات اللي جت تقول لي حتجوز واحد متجوز وكنت أقول لها اوعي رجعت لي تاني تشتكي انه طلع زي اللي قبله نرجسي ورا نرجسي
حفضل طول عمري أقول اوعي تتجوزي واحد متجوز الا اذا استخرتي وبحثتي ودورتي واتأكدتي انه مش نرجسي


#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية