انتي قاعدة تعملي ايه هنا؟
لما النرجسي يكون بني ادم ملوش أي فايدة في الحياة ، لما انتي عشر سنين تصرفي عليه وعلى أولاده عشان البيه بيذاكر وبياخد الدكتوراه ولما تعيشي معاه بتدي وبس بياخد فلوسك وبياخد خدمة وعلاقة حميمة وكمان طول الوقت يهددك انه حيطلقك ومانعك من أي حق من حقوقك وبعدين فوق كل دة لما خلص دراسة عايز يفضل قاعد في البيت ومايشتغلش ولو حاولتي تستقلي عنه ماديا وتقولي له اشتغل بقى عايز يقعدك في البيت وبطلي شغل ، ولما تكوني بتربي اولادك ع الدين وحفظ القرآن والصلاة وهو يقول لهم لا براحتكم ويقول لك ادامهم ماتغصبيهمش وماتضيقيش عليهم .
الأسوأ بقى كمان انه لما فقد الامل في انه يستفيد منك ماديا انه يبدأ يمد ايده عليكي
لما يكون دة وضعك مع النرجسي : ايه اللي مقعدك ،ليه لسة عايشة معاه ؟
دلوقتي انتي تعافيتي وبقيتي مش فارق معاكي وجودة ومش قادرة تديه علاقة حميمة وفعلا هو بالنسبة لك معندوش أي مقوم من مقومات الزوج او الشريك ،طيب انتي ليه مستمرة في العلاقة دي؟
انا برضه مش بقول لك اتطلقي بالعكس انا بس عايزاكي تقرري الطلاق وتكوني مستبيعة عشان هو لو ناوي يكمل يكمل بأدبه من غير مد ايد ومن غير تهديد بالطلاق ، طيب لما انتي تعافيتي ومش مدمناه تفتكري ايه اللي مخليكي مش عارفة تاخدي قرار الطلاق ؟ ليه خايفة تبعدي عنه ؟ لانه عمل احتلال لعقلك واستعمر افكارك وروحك ، لانه برمجك انك ماتقدريش تعيشي من غيره ، ازاي عمل كدة ؟ لما طول الوقت يهددك بالطلاق وانتي تخافي وتتراجعي عن حقوقك بيحصل لعقلك برمجة ان الطلاق دة له علاقة بالبقاء على قيد الحياة ،اللي هو مخك اتبرمج ان الطلاق مهدد للحياة فبالتالي مخك حيتصرف على هذا الأساس حيصدر لك الأوامر اللي تخليكي تحافظي على حياتك بانك تبعدي عن الطلاق او تبعدي عن أي حاجة تبعدك عن النرجسي ،والكارثة دي بتبان لبعض الحالات بعد التشافي ،مش كل الحالات بتعاني من المشكلة دي لان مش كل الحالات كانت بتتهدد بالطلاق بشكل متواصل ومستمر فالحالة اللي النرجسي برمجها ع التهديد دة هي الحالة اللي بتكون فعلا صعب عليها انها تبعد عنه وبتكون مخها وافكارها كلها مستعمرة من النرجسي بيكون افكارها مش افكارها بتكون أفكاره ،عشان كدة برجع تاني أقول لك فكري في افكارك ومنطقيها عشان تقدري تعرفي اذا دي افكارك ولا أفكاره ،
ازاي نقطع التواصل الفكري مع النرجسي ؟
اول حاجة لازم تفهمي فكرة انه مستعمر عقلك وانه برمجك وتبدأي تتخلصي من فكرة ان حياتك مهددة اذا بعدتي عنه ودة بيتعمل له تدريبات يومية لمدة كذا أسبوع ،
كمان لازم تفهمي ان فيه بينك وبين النرجسي حاجة اسمها الخيال المشترك ودة شرحتهولكم في فيديو "ازاي تتخلصي من التفكير في النرجسي ؟ وازاي النرجسي بيستولى على عقلك ويشغلك؟"
لما تتخلصي من الخيال المشترك بينك وبين النرجسي حيسهل عليكي جدا تتخلصي من استعماره لعقلك ومن أفكاره اللي بتقول لك انك ماتقدريش تستغني عنه
ان شاء الله قريب جدا حنبدأ كورس الخروج من العلاقة النرجسية مشاعر وأفكار والتخلص من رابطة الصدمة
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية