حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢

بعد مرحلة التشافي وبعد ماخلصتي من ادمان النرجسي بتمري بمرحلة في منتهى الخطورة بيسيطر عليكي النرجسي فيها تاني
دلوقتي بعد ماتتعافي من ادمان النرجسي وانتي متعايشة معاه بتكوني خلاص مش فارق معاكي هو موجود ولا لا ولا فارق معاكي يقعد ولا يمشي ولو اتجوز حتكوني مبسوطة وبعض الحالات اللي بتتخطى المرحلة دي بتدور له على عروسة وترجع تقول لا حرام ابلي واحدة ملهاش ذنب بيه ، المهم ان بعد ماتوصلي للمرحلة دي بتلاقي نفسك فجأة بدأتي تقلقي خصوصا لو هو اختفى فجأة ،بالرغم من ان اختفاؤه بيسعدك الا انك بيحصل كدة خوف وتوتر شوية واحيانا تكوني انتي مستغنية عنه تماما لانه لابيصرف ولا علاقة حميمة ولا بيساعد في أي حاجة لا في تربية ولا في مشاوير يعني زي قلته تماما وقارفك وقارف اولادك ومعيشكم في توتر فظيع ومع ذلك تلاقي نفسك خايفة تاخدي قرار ابعاده عن البيت ولو من غير طلاق رسمي ، طيب ايه السبب ؟ ليه بتكوني كدة ، المشكلة الكبيرة ان انتي نفسك بتكوني مش عارفة السبب ، تعالي اوريكي السبب ، في جلسة مع احدى الحالات البطلات اللي بعتبرها من الحالات المتفردة اللي حققت تقدم في التشافي بشكل متزن ورائع وانجازاتها بالنسبة لي خارقة ، لقيتها في اخر جلسة بتقول لي لما بيختفي النرجسي كام يوم بخاف وبتوتر وكالعادة سألتها طيب ايه المشكلة لما يختفي ؟تقول لي احسن بنرتاح انا واولادي بس برضه خايفة ، طيب ركزي كدة معايا ايه اللي مخوفك؟ وكانت المفاجأة !! خايفة يروح مايرجعش ، طيب وايه يعني مش انتي بتخططي لدة ومش عايزاه يرجع طالما بيصرف على أولاده ايه المشكلة انه يروح مايرجعش ، قالت لي مش عارفة بس بيجيني أفكار انه ممكن مايصرفش وممكن يروح مايرجعش وماعرفش أعيش واشيل مسئولية اولادي لوحدي ، قلت لها هو بيساعدك في حاجة فيهم قالت لي لا ، هو بيربي لا هو له أي لازمة لا . هنا وقفت وقلت لها دي مش افكارك يا حبيبة قلبي دي أفكار النرجسي ،النرجسي أفكاره انك مش حتقدري تعيشي من غيره وانك حتخافي تكوني لوحدك وحتخافي تشيلي مسئولية اولادك لوحدك وانتي أصلا كل دة حاصل انتي عايشة أصلا لوحدك ولو كان قاعد معاكي ٢٤ ساعة فانتي لوحدك وبرضه شايلة المسئولية لوحدك والادهى من كدة ان بعض الحالات بتكون كمان شايلة المسئولية المادية لوحدها ومع كل دة لسة بتفكر انها خايفة يروح مايرجعش عشان هي مش حتقدر تكون لوحدها وطبعا دي أفكار النرجسي اللي انتي لسة بتسمعيها ،هو لسة على تواصل مع مخك ولسة أفكاره بتوصلك ، صدقتيني او لا تعالي نجرب بشكل عملي ، لما تيجي لك الفكرة الغريبة اللي مش منطقية اللي تقول لك حتعيشي من غيره ازاي فكري في الفكرة نفسها بنفس الطريقة اللي سألتها للحالة اسألي نفسك نفس الأسئلة اللي معناها في الاخر ايه الفايدة اللي بتاخديها منه وخايفة تفقديها ؟ فكري بالراحة في افكارك وراقبيها ولما تلاقي فكرة مش منطقية اعرفي انها مش فكرتك وأول مابتقفشي الفكرة وتعرفي انها مش فكرتك هي نفسها بتهرب وتختفي من مخك ومش بتيجي تاني ولو رجعت بتعملي تاني نفس الكلام ، واحدة من الحالات قالت لي لما فكرت كدة جبت ورقة وقلم وقعدت اكتب ايه اللي باخده منه وايه الفايدة او ايه اللي هو بيعمله وانا ماقدرش اعمله وبالتالي ماقدرش استغنى عنه مالقتش حاجة اكتبها ولقتني بكتب كل الأذى اللي بيعمله فيا كل يوم انا والأولاد ومن بعدها أفكاره مبقتش تخترق مخي ، وخدي بالك اللي مش مقتنعة بالتخاطر وبعت الأفكار والكلام دة تركز بقى كدة في الرسايل اللي هو بيبعتها لها عن طريق التعامل او عن طريق قروده الطائرة او عن طريق أولادها حتلاقيه فعلا بيرسل لها نفس الأفكار اللي ممكن تيجي في دماغها فجأة وهو بعيد عنها فانتي انتبهي لافكارك وفكري فيها ونقي اللي منها مش بتاعك واتخلصي منه ماتسمحيش للنرجسي يفضل مسيطر عليكي حتى بعد التعافي



#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية