حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢

حلقة خاصة لاهل ضحايا النرجسيين
يعني ايه شخص نرجسي؟ يعني شخص اناني وكداب ومؤذي ومش بيعرف يحب ،لا بيحب زوجته ولا أولاده ولا حتى امه مهما ادعى انه بيحبها ماتصدقوهوش لانه أصلا مجمد مشاعره ومبقاش يعرف يحب
منهم نوع يبان للناس راجل طيب وزي الفل وكل الناس تقول عليه مثالي ومفيش زيه واحيانا زوجته تبقى محسودة عليه من كتر ماهو بيبان حنين وطيوب ومؤدب واحيانا بيخاف ربنا والسبحة في ايده ليل نهار .
المشكلة انه بيعامل كل الناس احسن معاملة اللي بيها يبان بالصورة الجميلة اللي تخدع الناس فيه لكن في البيت بيحطم زوجته تحطيم نفسي وجسدي ومشكلته الأكبر انه بيشتغل على نفسيتها وحالتها العقلية يعني يقول لها كلام وتاني يوم يقول عكسه او ينكر اللي قاله او يخبي حاجة ويدور عليها ويقول لها انتي اللي شيلتيها من هنا وهي تتلخبط وتشك في نفسها ولما يحس انه حد جه عليه برة البيت يروح يطلع غيظه فيها لان هي اللي بيقدر عليها ودة بيكون عن طريق افتعال أي مشكلة باي طريقة لو لقى طبق في الحوض يعمل لها غضب مهول ومرعب ويربي الخوف جواها بصوته العالي او نظراته المرعبة ، والاسوأ من كل دة ان منهم ناس بتخون وبتعمل علاقات خارج الزواج وبتنقل امراض لزوجاتهم دا غير انه ممكن يعرفها انه بيخون عشان يجننها بزيادة ، هو بيكون عايز يسيطر عليها ويخليها ماتتنفسش غير بإذنه لان دة بيديه إحساس بالقوة والاهمية .
النوع دة بيعمل علاقات كويسة جدا في الأول مع اهل زوجته عشان لما تيجي تشتكي منه محدش يصدقها والكل يقول لها انتي مفترية وبتتبطري ع النعمة وانتي مش فاهماه ومش قادرة تستوعبيه ، وهو أصلا ذاللها ذل مايعلم بيه غير ربنا ، وكمان من ضمن مشاكل النوع دة انه ممكن يمنع عن زوجته حقها الشرعي ويذلها بيه برضه عشان تفضل تحت سيطرته ، دا غير انه ممكن ياخد أي فلوس معاها او يخليها تصرف هي. ع البيت وهو يحوش مرتبه ، ولما يجيب لها أي حاجة من فلوسها يوري الناس كلها انه جاب لها وهو أصلا مش دافع حاجة
خدوا بالكم الناس دي ممكن توصل بناتكم للامراض النفسية ودة انا بشوفه في الحالات اخف حاجة بتوصل لها الاكتئاب وفيه اللي بيجي لها ذهان واللي بايبولر واللي بتوصل لاضطراب الشخصية الحدية ،دة غير الامراض الجسدية وخصوصا الامراض المناعية والفيبروميالجيا والامراض المزمنة زي الضغط والسكر والاسوأ العصب السابع والعصب الخامس . وهو بيكون السبب في مرضها وبعدين يقول لها انا مستحمل مرضك .
انا جمعت باختصار وضع النرجسي مع زوجته واللي محدش بيشوفه غيرها فلما بنتك ولا بنتك تيجي تقول لك زوجي نرجسي اسمعي منها وشوفي هي بتقول كدة ليه وحاولي تفهمي يعني نرجسي عشان تنقذي بنتك من مصير سيء وتنقذي أولادها ، مش تقولوا لبناتكم تعالي وسيبي اولادك لان ربنا حيحاسبكم لما تكونوا عارفين ان الشخص دة بيحطم أي حد حواليه وتسيبوا له أطفال لاحول لهم ولا قوة عشان يذل فيهم ويعذب فيهم بدل بنتكم ، اسمعوا لبناتكم وشوفوا اللي بيحكوه واسألوا الدكاترة النفسيين او ادخلوا اليوتيوب وافهموا يعني ايه نرجسي عشان ماتظلموش بناتكم واحفادكم وتنخدعوا في اشخاص سامة بتقتل ببطء ، انقذوا بناتكم من الامراض الجسدية والنفسية وماتتغروش في الوش الكيوت اللي بتشوفوه من النرجسي راقبوه او استفزوه في القعدة وانتوا تشوفوا الوش الحقيقي شوفوا
المصيبة ان الشخص النرجسي هو اكتر شخص مؤذي على الأرض وفي نفس الوقت اضعف شخص في العالم زيه زي الشيطان اكتر حد مؤذي ولو قلت اية يتحرق .
اسمعوا لبناتكم واقفوا في صفهم واسندوهم واحتضنوهم وحافظوا ع الأمانة
لو كنتم منحتوهم الحب الحقيقي من الأول مكانوش وقعوا مع الشخصيات السامة دي .فانتم مشتركين في المأساة اللي حصلت لها فماتتخلوش عنها في الأول وهي طفلة وتتخلوا عنها في الاخر وهي في محنة





#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية