حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢

ازاي تتوصلي لنقط ضعف النرجسي
ثالثا : دوري على التناقضات ، بيقول لك الصفة اللي تكون باينة وواضحة ومبالغ فيها بتكون عادة بتخفي وراها النقيض وكلنا شفنا دة في النرجسي وحتى اللي لسة بتخاف منه برضه عارفة ان ورا الزعيق والغضب والقوة المزيفة دي فيه ضعف وهشاشة طفل ،والادب والأخلاق اللي بتشوفيهم انتي اكتر واحدة عارفة انهم بيخفوا وراهم قمة قلة الادب والصفاقة ، واحيانا ادعاء التقوى والتدين بيخفي وراه أحيانا بلاوي مايعلمها غير ربنا ، كل التناقضات دي بتعرف نقط الضعف اللي لو جمعتيها بادلة تقدري تسيطري ع النرجسي
رابعا: دوري على اهم حد له تأثير ع النرجسي وسيطري عليه حتى لو امه ، ماهو كل بني ادم وله نقطة ضعف ، شوفي النرجسي ممكن تكون نقطة ضعفه امه وهي اللي بتمشيه وكمان امه نقطة ضعفها بنتها وهي اللي بتمشيها ،فانتي لو قدرتي توصلي لبنتها حكمتيها وحكمتي النرجسي انا عارفة ان الموضوع دة مش سهل وعايز وقت ومجهود لكن عندي حالات قدرت تعمله ، ازاي ؟ اتصاحبت على المسيطر الأكبر اللي هي اخت جوزها وعملت لها كل اللي هي عايزاه واوهمتها انها بتسمع كلامها في كل حاجة ودايما تاخد رأيها في كل حاجة في حياتها طبعا بتوهمها بدة ،المهم شوية شوية بدأت أصلا اخت جوزها تتطمن لها وتاخدها كأنها في حمايتها بس الشطارة انك تتغابي وتعملي مش فاهمة أي حاجة وتفوتي لها تصرفاتها الغبية أحيانا المهم في الاخر توصلي للي انتي عايزاه ولازم تخليها تعتمد عليكي في حاجات كتير خصوصا حل المشكلات لانهم غالبا مبيعرفوش يحلوا المشاكل فانتي لما تكملي لها نقص عندها وتوهميها انها افكارها بدأتي تسيطري عليها ومنها سيطرتي على أمها وعلى جوزك ، الموضوع عايز لؤم شوية لكن نتيجته بتكون ع الأقل ان انتي اللي تمشي بيتك ماحدش يتحكم فيه غيرك ، وعشان تعملي كدة لازم تكوني بتشتغلي وعندك مصدر رزق عشان النرجسيين بيحبوا الهدايا والمجاملات ولازم تكوني كمان ناجحة وقادرة عشان تجذبيهم وفي نفس الوقت قوية وواثقة من نفسك عشان هم ماعندهمش دة فلما اخت زوجك بتشوفك كدة بتنجذب لك وتحس انها حتقدر تاخد القوة منك ، لو اقتنعتي انهم ضعفاء وهشين حتقدري تتلاعبي بيهم وتمشي العيلة كلها والله كان عندي حالة متعاطفة بتقول انها كانت ممشية بيت عيلة نرجسيين كلهم وهي اصغرهم سنا ومكانتش عارفة حاجة عن النرجسية بس لانها كانت قوية بالفطرة فكانت دايما محط انظارهم وكلهم بقوا يخطبوا ودها .
خامسا: خامس حاجة بقى النرجسي أصلا عنده احتياج مرضي للتقدير والمدح لانه مش قادر يحس بقيمة نفسه على المستوى الداخلي مايعرفش يحس بقيمة نفسه من جواه فعنده نهم شديد جدا للتقدير ودي نقطة ضعف مهولة والنرجسي حيروح ويرضخ للي يقدر يملا الخزان المخروم اللي مستحيل يتملي ، حالة من الحالات بتقول لي ام النرجسي واخته بيدوه كمية وقود إيجابي مهول انا مش عارفة منين بيجيبوا القدرة علي الكلام دة وازاي بيفضلوا ينفخوا فيه طول الوقت فدي نقطة ضعف مهولة عند النرجسي وانتي عارفة انه محتاج للكلام دة وتقدري تديهوله بشكل مكثف كتجربة المهم يكون الوقت مناسب ماتكونوش متخانقين وتروحي تشكري فيه ويكون معدول معاكي وعامل حاجة تستحق المدح خصوصا انك مثلا بتذمي فيه كتير فانتي لازم تكوني حريصة انه مايفهمش انك بتحاولي تتلاعبي بيه
سادسا: النرجسي مشاعره السلبية دايما مبالغ فيها ،يعني لما يخاف يحصل له هلع مش خوف عادي زينا ، ولما يغضب يتجنن يعني هو مايعرفش يتعامل مع مشاعره وبالتالي هو محتاج لك عشان ترتبي له مشاعره وتطمني خوفه لما يخاف وتهدي غضبه او انه يفرغه فيكي او انك تحسسيه بالأمان فيقل غضبه ، ودة بيتوقف على قدرتك على التعامل معاه في الحالات دي ،لو انتي ادركتي انه ساعة الغضب بيكون في اضعف حالاته حتقوي وتبطلي تخافي من غضبه وبالتالي هو كمان يقل خوفه ويقل غضبه