حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢

ليه النرجسي بيتجاهلك وليه هو بيكون سابقك بخطوة وازاي تقلبي عليه سحره؟
التجاهل حسب الفكر النرجسي سلاح يضعف ضحيته ، النرجسي بيفكر انه كل مايكون عنده رغبة في واحدة مش عارف يوصلها فاحسن حل انه يتجاهلها عشان هي اللي تدور عليه ودة من أساليب الاغواء اللي بتستخدمها الشخصيات السامة ، فإذا انتي فهمتي دة عن النرجسي فلازم تفهمي ان ردك عليه لازم يكون بنفس طريقته .
عارفة ليه النرجسي دايما سابقك بخطوة او كان سابقك بخطوة قبل ماتفهميه ؟ لانه كان مش بيديكي اهتمام فانتي تجري وراه وهو محور اهتمامك أصلا وطول ماهو محور اهتمامك طول ما انتي منتبهة لكل تصرفاته وبتعدي خطواته وبتضايقي من تجاهله لكي وبالتالي فانتي دايما رد فعل لتصرفاته وطول ما انتي رد فعل عمرك ماحتسبقيه ابدا وحيفضل سابك بخطوات ، عشان كدة لما بنقول اهمليه وتجاهليه بس بذكاء من غير ماتفقديه اذا انتي نويتي التعايش فدة عشان انتي تسبقيه بخطوة ،طول ماهو شايف انه مش محور اهتمامك وانه مش واخد الأهمية اللي هو عايزها وكل شوية تديه فتات خبز من الاهتمام هو حيبقى طول الوقت مترقب وفي نفس الوقت بيراقبك وبيحاول يفهم انتي ليه متغيرة وبكدة بيتقلب السحر على الساحر
الأهم من كدة انك لما تتجاهليه تتجاهليه داخليا انتي من جواكي توصلي انك مش عايزة تعرفي عنه حاجة ولا يهمك في حاجة غير طلباتك وطلبات اولادك وملاحظته من وقت للتاني عشان تكوني متوقعة الحركة الجاية ، لكن اذا انغمستي معاه في المعارك باهتمام وبقلبك حتخسري اكيد ،ادخلي معاه المعارك اللي تختاريها مش اللي هو يختارها ، ادخلي المعارك التافهة اللي متاخدش وقت ولا مجهود زي خناقة صغيرة عشان بيتدخل في تربية الأولاد او بيوقع بينهم ، دي خناقة مش حتاخد وقت ولا مجهود لانك حتقولي له ان حدودك كذا كذا وهو حيقول كلمتين ملهمش لازمة وانتي حتردي ان دة اخرك ومفيش غير كدة وتخلص الحكاية وهو ياخد شوية وقود سلبي بمزاجك وتخلص الشغلانة على كدة اما الخناقات الكبيرة عشان خيانة ولا عشان امه عملت وسوت فدي ماتدخليهاش ابدا تجاهليها لان الدخول فيها ملوش أي فايدة ومش حيغير من الموضوع أي حاجة لكن حيهدر وقتك وطاقتك بدون أي لازمة ، هنا التجاهل لازم وضروري بس من غير مايفلت منك ،
لما تتجاهلي حد بتلغي وجوده ودة بيغضبه ويشوشه وطبعا بيعمل غضب نرجسي وشوية هوفرينج فاللي بتتعايش بتتجاوب على شكل فتات خبز زي ما اتفقنا ،الناس اللي مش عارفة ايه هي فتات الخبز تبحث في القناة عن كلمة فتات خبز حتلاقي فيديوهين تقريبا بيشرحوا تكتيك فتات الخبز
المهم اللي عايزاكي تفهميه انك استخدامك لسلاح التجاهل اللي بيستخدمه النرجسي ضدك طول الوقت حيخلي السيطرة في ايدك بدل ماهي في ايده وحيخليكي انتي اللي متحكمة في اللعبة امتى تبدأ وامتى تنهيها .
خدي بالك كمان فيه حاجة مهمة جدا لازم تاخدي بالك منها ان من ضمن الحاجات اللي بتضعفك جدا ادام النرجسي رغبتك فيه ورغبتك تحديدا في العلاقة الحميمة ، لانه بيشوف من دة انه مهم وانه قادر يتحكم فيكي في حاجة مهمة بالنسبة لك عشان كدة دايما نقول ان لازم لازم تحسسيه انك زاهدة في الموضوع دة تماما بالعكس انتي كمان تحسسيه انك قرفانة أصلا منهوتتجاهليه فيها طول ماهو متجاهلك فيها وساعتها هو حيحاول يلفت نظرك للعلاقة ويرغبك فيها عشان يقدر يلاعبك بيها تاني .
اذا التجاهل بيديكي السيطرة فاكيد الاهتمام والجري ورا النرجسي مش حيديكي غير الضعف والذل ، اشتغلي التشافي واخلصي من الإدمان وانتي حتقدري توقفي اهتمام وانشغال بالنرجسي







#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية