هل النرجسي ممكن يتحرش بأطفاله ؟

سؤال مرعب بيتسئل اليومين دول كتير ، هل النرجسي ممكن يتحرش باطفاله؟
للاسف ممكن لكن مش كل النرجسيين ومش السيكوباتيين فقط هم اللي بيتحرشوا ، دة فيديو للامانة مش للرد عليكم وبس ، انا بحثتالموضوع سواء أبحاث علمية واوراق بحثية او فيديوهات وكلام ناجيات واللي توصلت له ان النرجسي الكامل يعني اللي نرجسي ١٠٠٪ مش خفيف ولا ضعيف ، النرجسي الظاهر الخبيث والثالوث والرباعي ممكن جدا يتحرش باطفاله لكن الخفي صعب جدا جدا ونادر جدا جدا ، الابحاث بتقول اصلا ان مفيش اي اضطراب شخصية بيقدر يتحرش بالاطفال الا ولازم يكون عنده نرجسية اعلى من الطبيعي ، بمعنى ان السيكوباتي عشان يتحرش لازم تكون نرجسيته اعلى من المستوى الطبيعي ليه ؟ عشان النرجسي مش بيقدر يقاوم احتياجاته ومش بيشوف الناس كبشر بيشوفهم كأشياء فلما يحتاج حاجة بياخدها بدون اي اعتبار لاي شيء غير احتياجه دة ، بالرغم من ان السيكوباتي معندوش مشاعر ابدا لكن ممكن يكون عنده سيطرة على احتياجاته والله اعلم ، انا حبيت اوضح جزئية ليه اي متحرش لازم تكون نرجسيته اعلى من الطبيعي. ححط لكم لينكين للبحث عشان اللي حابة تققرأ بنفسها .
كل دة مش معناه انك تخافي او تترعبي لمجرد ان زوجك نرجسي ، ليه لان النرجسي الخفي والمتوسط والظاهر مستوى اول نادر جدا جدا اللي ممكن منهم يعمل كدة ليه؟ لان بعضهم عنده ذرة من المشاعر والاغلب لانهم بيخافوا على صورتهم ادام الناس وشكلهم في المجتمع ، فمستحيل يعملوا كدة ، اما الظاهر ودة بيحب صورته تبقى حلوة اه لكن اغلبهم مش بيفرق معاه وطبعا نرجسي سيكوباتي ونرجسي سادي او نرجسي مضاد للمجتمع كل دول ممكن يكونوا متحرشين بالاطفال
خدي بالك من نقطة مهمة جدا ،انتي الوحيدة اللي تقدر تعرف اذا زوجها متحرش باطفالها ولا لا انتي حتحسي دة أصلا في تصرفاته معاهم وللأسف الشديد جدا الطفل الذهبي هو اللي بيكون عرضة للتحرش من الاب ، انتي راقبي تصرفات النرجسي مع الأولاد كمان انتي من عشرتك بتعرفي ميوله وخدي بالك كمان النرجسي بيخرج حاجات كتير من المدفون جواه في وسط الكلام من غير ادراك وتلاقيه يقول جمل انتي لو مركزة حتفهمي منها حاجات كتير عنه وكمان الجمل الاسقاطية ممكن تفهمي منها ، يعني مثلا النرجسي اللي بيخون دايما يتهم زوجته بالخيانة او يتهم زوج اختها مثلا ويحب يتكلم عن الأزواج اللي بيخونوا ويشتم عليهم ويبين انهم سيئين ، كمان اللي ممكن يكون بيتحرش نفس الكلام تلاقيه يتكلم في الموضوع من باب ان ايه الحقارة دي وازاي يعملوا كدة ، بس طبعا مش شرط انه لو بيتكلم يبقى متحرش لكن الكلام مع لمحات في التصرفات انتي حتعرفي وخصوصا اذا زوجك نرجسي ظاهر وطبعا لو خبيث وثالوث ورباعي لازم تاخدي حذرك
المهم في النهاية ان مش كل نرجسي متحرش لكن كل متحرش لازم تكون نرجسيته اعلى من الطبيعي حتى لو مكانش متصنف اضطراب شخصية نرجسية
خدي بالك كمان النرجسي مش فجأة بيتحول ويبقى متحرش لا هو يا اما متحرش من الأول يا اما لا يعني مش حتفضلي طول عمرك تراقبيه انتي مجرد ما اطمنتي خلاص انسي الموضوع .


جروب ادرس عدوك النرجسي
https://www.facebook.com/groups/kawthersanad11
صفحتي الخاصة للتواصل معي
https://www.facebook.com/kawthersanad1.wordpress/
رابط حلقة السيرة
https://youtu.be/ey2ckWd_4Xk