هل النرجسي غدار ولا مسكين مريض وانتي اللي بتستفزيه؟
سؤال مش مفروض نسأله ابدا ولا نجاوب عليه ، بس انا حجاوبك عشان تفهمي تتصرفي معاه ازاي ،
النرجسي لما بيظهر له مصدر جديد للوقود النرجسي زي مابيقولوا مصدر فريش وهو أصلا ملول وبيحب التغيير ، بيعمل ايه بيرميكي حرفيا بيرميكي وكأنك مش موجودة في حياته أصلا وممكن يكون مش حيتجوز المصدر دة ولا حيطلقك لكن هو بيرميكي لانه معندوش طاقة ابدا يديها لك ولا حتى في الكلام معاكي لان كل طاقته رايحة في اللافبومبينج اللي بيعمله للضحية الجديدة ، كمان بيرميكي لانه انتي بتحسسيه بالعار لما يشوفك او يكلمك لانه بيخونك فبيتجنبك ، دة مش ندم ولا تأنيب ضمير ولا شعور بالذنب لا دة حاجة تانية إحساس بالعار اللي هو انا ندل وعارف ومش حتغير ومش عايز حد يعرف وانتي عرفتي فلازم اعاقبك عشان عرفتي ، المهم هو لحد هنا مفيش خطورة منه ، لكن بقى لو المصدر الجديد واحدة محترمة ومش حيعرف ياخد منها حاجة غير في الاطار الشرعي يعني لازم يلبس في جوازه وهو مش عايز يخسر تاني فلوس ويجيب شقة وعفش جديد فحيعمل ايه ؟ قلنا الكلام دة قبل كدة ولازم أقوله تان يلانه كتر جدا مع الحالات اليومين دول ، بيبدأ يتحايل عليكي عشان يخرجك من بيتك أيا كان بيتك او شقتك دي غرفة وصالة او فيلا بالبيسين او عمارة كلهم على كل المستويات بيعملوا نفس التصرف ، بيبدأ في الأول بالاهانات والغضب النرجسي المتواصل والصمت العقابي المستمر ، ويبدأ يطلق عليكي امه وابوه لو كانوا نرجسيين واخواته ويعمل فيكي مابدا له عشان تاخدي اولادك وتمشي ويبقى انتي اللي مشيتي وهو كدة اخد الشقة يتجوز فيها ، ولو انتي صمدتي ومخرجتيش حيطردك ويقول لك مش عايزك لازم تمشي ، ولو ممشيتيش حيعمل ايه بقى هوفرينج عظيم عشان انتي اصيلة واستحملتيني في غضبي وصبرتي علي وعشان كدة انا حكافئك اثناء الهورين جدة بإني حبيع الشقة واخد لك شقة اكبر ، او فيلا ، او لو انتي أصلا في فيلا حيقول لك عايزين نشوف فيلا في كمبوند احسن نبيع دي ونروح كمبوند تاني ارقى ، واذا رفضتي انتي والأولاد التغيير يبدأ بقى غضب نرجسي ويعقبه صمت عقابي وبعدين هوفرينج تالت وتعالوا طيب نغير العفش ونجدد الشقة او الفيلا عشان بقت وحشة او من باب التغيير او او او ، أي حاجة فانتي لازم تروحي عند اهلك وهو يروح عند اهله او نأجر في المكان الفلاني حاجة مؤقتا لحد مانجدد او نبيع او نشتري المهم حيخرجك من بيتك بكل الطرق اللي يقدر عليها خصوصا لو كان ملك او لو كان متوضب وصارف عليه ومجدده ، وكل دة ليه ؟؟؟؟عشان هو ناوي يغدر ، عشان هو ناوي يطلق ويطلعك خسرانة ، او هو ناوي يتجوز ويجيب الضحية الجديدة مكانك ،
يبقى هو غدار لاسمح الله ؟ ولا انتي اللي بتستفزيه والعيب فيكي ؟
الحلقة دي معمولة أصلا عشان أقول لك مهما عمل ماتخرجيش من بيتك ولما يطردك قولي له دة بيتي وبيت اولادي وانتي اللي تخرج انا مش حسيب بيتي انت متضرر اخرج او الجأ للقضاء لكن انا مش حخرج ، ومهما يقول لك حنبيع ونشتري والكلام دة اوعي ابدا تسمعي كلامه خليه يشتري الأول وبعدين تنقلي وكوني حريصة مايكدبش ويقول لك اشتريت وهو اجر خصوصا الزوجات اللي بتكون دافعة نص ثمن البيت او اللي بتكون جاعت وجوعت أولادها عشان يدفعوا أقساط البيت وفي الاخر تخرج وهو يدي شقاها وتعبها لواحدة تانية ، وتقولوا غدار ياظلمة
خدوا بالكم الكلام دة مش من الخيال دي حالات بتحكي اللي بيحصل معاها ومعظمهم بعد ماخرجوا من بيوتهم مرجعو شتاني اما باع واخد فلوسة دخلها في مشروع وخسر ، او باع واشترى بثمنها عفش وشبكة لعروسة جديدة او جاب العروسة في البيت على عفش الأولى ، خدي بالك ومتخرجيش من بيتك ابدا

جروب ادرس عدوك النرجسي
https://www.facebook.com/groups/kawthersanad11
صفحتي الخاصة للتواصل معي
https://www.facebook.com/kawthersanad1.wordpress
رابط حلقة السيرة
https://youtu.be/HPc0JCujBoo