ليه النرجسي شايفك انتي دايما الساحرة الشريرة وباقي الناس طيبين؟ وليه بيدافع عن المصدر الجديد للوقود ؟ حتى لو مصدر الوقود دي والعياذ بالله عاهرة
خلينا نفهم حاجة حاجة
أولا : امتى النرجسي يدور على مصدر جديد للوقود ؟
١- لما يحس انك ضعفتي جدا ورضختي جدا ومبقتيش تعترضي على أي حاجة يعملها ، ليه ان وضعك دة بيحسسه بضعفه زي ماقلنا قبل كدة وهو بيكره ضعفه وبيحس بالعار
٢- بقيتي مش هامك يخون ولا ميخونش لانك تنحتي من كتر خياناته ومبقاش فارق معاكي او فقدتي الامل انه يتغير او يبطل وفي الحالة دي بيعمل ايه ؟ بيبدأ يحط ادامك ادلة دامغة على انه بيخونك عشان يشوف حتعملي ايه لدرجة انه ممكن يتجوز ويحط لك عقد جوازه ادامك ويسيبه ويمشي
٣- لو لقاكي قويتي جدا وبقيتي اقوى منه ،يعني مثلا لو انتي اشتغلتي وقويتي وبقى معاكي فلوس ومش بتديها له كلها او نصها او أي حسنة منك ، او انك بتشتغلي أصلا وبدأتي تترقي وتكبري في شغلك وهو بيحاول يكسرك وانتي بقيتي قوية وبدأتي تحطي حدودك ومسمحتيلوش يكسرك
٤- لو انتي فهمتي انه نرجسي وبدأتي تعالجي نفسك وتعافيتي وبقيتي شخص سوي وطبيعي ولكي ردود أفعال واصبحتي تعترضي وتمتنعي وبقيتي واثقة من نفسك وبتتعاملي معاه بشكل طبيعي من غير الطرق اللي احنا بنقولها او نفذتيها غلط بحدة زي التجاهل مثلا لو نفذتيه بشكل تام بدون مرونة زي ما اتفقنا فدة طبعا بيخليكي متديهوش أي نوع من أنواع الوقود فلازم يروح يدور عليه برة
٥- لو انتي أصلا من اول جوازك شخصية قوية ومعرفش يسيطر على مشاعرك ولا يسيطر عليكي وكنتي دائمة الاعتراض واللافبومبينج مكنش بيشتغل معاكي في الحالة دي الجوازة بتنتهي من تاني او ثالث شهر وبيدور على غيرك ودة بيكون حالات نادرة
٦- طبعا كلنا عارفين انك لو منعتي وقود وخدمة وعلاقة حميمة حيديكي ظهره ويمشي ولا كأنك كنتي محل بقالة ملقاش طلبه فيه ومشي ونسي هو كان في انهي شارع ولا انهي ناصية

طيب ثانيا بقى البيه لما بيلاقي المصدر الجديد بيكون عايز الاتنين الاسرة الجميلة والصورة الحلوة اللي مصدرها للناس والمصدر الجديد مع بعض ، فيعمل ايه ؟ يا اما يكون المصدر الجديد دة واحدة شمال فحترضى تستمر معاه بدون زواج وممكن تكون هي نفسها متزوجة والعياذ بالله ، وفي الحالة دي حيخبي عنك الموضوع بكل ما اوتي من قوة وعمره ما حيخليها طرف ثالث ابدا لانه حيخاف يلفت نظرك لها .
اما لو هو نرجسي ظاهر ومش فارق معاه شكله ادام الناس ولا حتى فارق قحيتقال عليه اتجوز واحدة شمال ولا خلافه ففي الحالة دي حيستخدمها طرف ثالث من اول مايشوفها لحد مايتجوزها وبعد مايتجوزها كمان وحيفضل يعذبك بيها طول ماهو شايفك بتتأثري ولو عملتي نفسك مش شايفة ولا سامعة حيفضل يضغط عليكي بكل الطرق لحد ماتنهاري او تمرضي من الغيظ دة لو انتي لسة متعافتيش ، حيسيب لك صورها في كل حتة وحيكلمها ادامك وحييجي يقعد في بيتك مخصوص عشان يسمعك مكالمته معاها وحيقول لها ادامك اللي عمره ماقاله لكي ، كل دة حيعمله من باب انه يضغط عليكي ويدمرك تماما .
واللي انتي متعرفيهوش انه ممكن ميكونش معرفها انه عندك وممكن يكون بيثلث معاها بيكي ، يعني يفضل يتكلم عنك وعن شطارتك ويسيب لها الاكل ويقول لها انك كنتي اكلك احسن وميرضاش ياكل عندها ، وممكن يوهمها انه عايز يرجع لك ويقول لها طول الوقت مزاياكي اللي مش موجودة فيها وممكن برضه يكون شايل صورك عنده وبأي طريقة بيخليها توصل لموبايله عشان تشوف صورك اللي محتفظ بيها ومش بعيد يوريها رسايله لو حاول يعمل لك هوفرينج ، يعني اللي بيعمله معاكي بيعمل زيه بالظبط معاها ، واحنا قلنا في حلقة مفيش علاقة مع نرجسي مفيهاش طرف ثالث قلنا هو ليه بيعمل كدة
اللي عايزة افهمهولك النهاردة انه مش بيعمل دة معاكي عشان انتي وحشة ومش شاطرة ومش طباخة شاطرة ولا عشان انتي فعلا فاشلة ولا عشان انتي وحشة ولا ناقصة انوثة ولا ناقصك حاجة ولا عشان انتي قصرتي معاه ومنعتي نفسك عنه ولا انتي مش ملحلحة ومش بتديه اللي هو عايزه في العلاقة زي هو مابيدعي ، لا خالص خالص خالص هو بيعمل معاكي اللي بيعمله مع غيرك ولو اتجوز بعدك ميت واحدة حيتصرف معاها بنفس النقص وبنفس الندالة عشان هو اللي عنده مشكلة مش انتي
طيب هو بيشوفك ازاي وبيشوفها ازاي ؟ الحلقة الجاية