قول لي عايزني أقول ايه وانا أقوله !!!
نفسي حد يقول لي أراضيه ازاي او اتقي شره ازاي
شوفي بقى اذا قلتي الجملة دي سواء لنفسك او لحد او لزوجك فتأكدي انك في علاقة سامة او انك مع نرجسي .
هو النرجسي دة عايز ايه منك ؟ عايزك تقري أفكاره بس ولا أي حاجة بسيطة جدا الراجل شايف انه من حقه ان أي حد يقرأ أفكاره عشان هو يستحق دة وعشان هو عم المهم جدا فلازم انتي تحديدا تقري أفكاره طبعا ، هو عايزك تعرفي لوحدك هو عاز ايه وتعمليه طيب هو عبيط ولا بيستعبط ؟
هو على مستوى الواعي عبيط يعني هو على مستوي الواعي فاهم ان من فرط العظمة مفروض ان كل حد واي حد مفروض يفهم لوحده هو عايز ايه ويعمله عشان هو يستحق دة
اما على مستوى اللاواعي فدة محتاج شوية شرح .
دلوقتي الرضيع بيتولد مش فاهم ولاعارف أي حاجة غير ان له احتياجات ولازم حد يلبيها ومن اول يوم وامه بتلبي احتياجاته دي اللي هي اكل وشرب وراحة ونظافة وتبعده عن البرد وتبعده عن الحر ولومحصلش انها لبت الاحتياجات دي الرضيع بيدخل في نوبة بكاء شديد واذا لبتها بيهدى بسرعة جدا ومع الوقت بيكبر الرضيع وبيدخل في الطفولة المبكرة وبعدين الطفولة المتأخرة ويبدأ منذ الطفولة المبكرة يتكلم ويدرك انه لما يحتاج حاجة لازم يطلبها لان محدش حيقرا أفكاره فلازم يطلب اللي هو عايزة
نيجي بقى للنرجسي اللي احنا متفقين كلنا ان نموه النفسي وقف عن الطفولة المبكرة دي ومكملهاش حتى ولحد دلوقتي مأدركش انه مش مفروض ان حد يقرا أفكاره والمفروض انه يطلب اللي هو عايزه وان مش مفروض انه يتوقع ان اللي ادامه مفروض يعمل اللي هو عايزه من غير مايطلبه ، وكأن النرجسي لسة رضيع عايزك تكوني زي ماهو عايز وقت ماهو عايز ودة مش بيحصل فبتكوني مش بتلبي طلباته وزي قلتك ويغضب ويكتئب
كمان حاجة بتخليكي مستحيل تقدري ترضي النرجسي ان النرجسي أصلا عايز الحرب هو مدمن معارك فأي محاولة منك واي حوار بينكم حيؤدي الى حرب لا محالة ، المفروض ان الناس الاسوياء مش بيحبوا الحروب والمعارك وطبعا الاسوياء اللي بيعيشوا مع نرجسي حياتهم بتكون عصيبة طبعا
كمان النرجسي أصلا معندوش وعي ذاتي ولا تأمل ذاتي طبعا ،يعني مش فاهم نفسه ومش بيقعد يفكر في نفسه وفي تصرفاته وفي معتقداته وفي أفكاره طبعا الكلام دة هو بعيد عنه كل البعد ، هو مش فاهم هو عايز ايه ومش عايز ايه فعلا هو عايز يتشاف وبس هو دة الحاجة الوحيدة اللي مدركها اما باقي الاحتياجات والمتع اللي الاسوياء بيحتاجوها او بيستمتعوا بيها باستثناء الاكل والشرب والجنس فهو غير مدرك لها ولا بيفهمها أصلا هو مش بيستمتع بالطبيعة ولا بالفسح ولا بالتجمعات ولا بالقعدات الحلوة اللي فيها ضحك وسمر ولا بيستمتع بركعتين فيهم خشوع لربنا ولا بيستمتع بعلاقة بسيدنا النبي عليه الصلاة والسلام ، مش بيستمتع بحب طفله الرضيع اللي مجرد ماتبصي له كدة متعة ، هو معندوش دة كل دة بيعمله مجرد تقليد بس ، وبالتالي هو مش فاهم هو عايز ايه ليه أصلا هو بيقلد اللي حواليه ، فهو فعلا عايزك تقري أفكاره وعقله الواعي عارف ان دة مينفعش بس في نفس الوقت هو مش عارف هو ليه عايزك تقريها وطبعا بما انه معندوش تعاطف فمش حيهمه حيرتك ولا حيهمه انه يظلمك ولا أي حاجة فبيغضب لما متقريش أفكاره لانه بيحس ان فيه حاجة غلط وان فيه حاجة هو عايزها انتي مش بتعمليها فيحس انه مش مسيطر فيحس بالنقص وانعدام القيمة فيغضب ، المشكلة بقى هنا ان النرجسي كل مازاد احباطه وكل ماتعرض لضغط او خاب امله في أي حاجة كل ماتزيد رغبته وتوقعه انك تقري أفكاره ، وانتي عارفة الباقي ، انتيب تحاولي تفهمي هو عايز ايه ومتعرفيش وتقولي المرة الجاية حتظبط وححاول تاني ومرة تظبط وسط عشرة ويسعد بيها فيديكي كلمتين حلوين ويبقى كيوت وعشر مرات متظبطش ويغضب ويتخانق وهو دة اللي بيكون رابطة الصدمة
المشكلة ان النرجسي أصلا مضطرب وستحيل تعرفي له ملامح هو بالظبط عامل زي موج البحر هل حد ممكن يرتب موج البحر ولا يتوقع ان الموجة الثانية حتيجي في نفس مكان اللي قبلها هل ممكن حد يرتب الأمواج دي بتاعة البحر او هل حد ممكن يتوقع البحر حيهيج امتى ويهدا امتى وليه وازاي ؟ هي دي نفسية النرجسي عاولة زي موج البحر هو نفسه مش عارف يرتبها ولا يظبطها ولا يتحكم فيها ، عارفين ليه لانه اتكبر ونازع ربنا في رداءه ودة عقابه من ربنا انه يكون مضطرب زي البحر المضطرب ، اوعي تفكري ابدا انه مرتاح ولا مبسوط هو فعلا عامل زي المرجل اللي مش بيبطل غليان وطول الوقت يطرطش شرر على اللي حواليه .
وفي الاخر لما انتي تنزعجي منه هو ينزعج ،عجب
ريحي نفسك وبطلي تحاولي تفهمي هو عايز ايه ولا بيفكر في ايه لانه أصلا سطحي ومش عارف ولا فاهم هو عايز ايه اهم حاجة انك لاتهتمي بغضبه ولا بكلامه وركزي على نفسك واولادك

جروب ادرس عدوك النرجسي
https://www.facebook.com/groups/kawthersanad11
صفحتي الخاصة للتواصل معي
https://www.facebook.com/kawthersanad1.wordpress