ازاي نتعامل مع اي فرد من افراد الاسرة النرجسية ( ام ،اب، اخ، اخت ، ابن ، ابنة ) اللي هم مينفعش نقطع معاهم وطبعا الزوج اللي نرجسيته مش خبيثة وانتي قررتي تتعايشي معاه
من كتاب ثيريسا جاكسون : كيف تتعامل مع النرجسي :
١- تجنبي الدايرة الداخلية للنرجسي (الام )
يعني ايه ؟ يعني خليكي دايما في علاقتك بالشخص النرجسي (خصوصا الام والاب) على مسافة كافية تمنحك حريتك ، خليكي دايما بعيدة عن خصوصياته وحياته ومشاكله واحزانه وتجنبي انك تتكلمي معاه فيها ، مفيش مانع انك تسمعي له لكن متقوليش رأيك ولو قدرتي انك تتجنبي السماع كمان يكون احسن ، طول ما انتي برة دايرة النرجسي طول مانتي في امان وممكن يتعامل معاكي بشيء من الاحترام ، لكن لو قربتي حتلاقي التقليل فورا اشتغل و حتلاقي نفسك بقيتي جزء من اثاث البيت بدون احترام لا للهوية ولا الحدود ، كمان كل ماقربتي من النرجسي كل ما كان بينكم حوار ودة بيعرضك لإساءة فهم كلماتك او اصلا تصيد اي فرصة لتحميل كلامك معاني مش فيه اصلا ، يبقى افضل حل لكي انك تقللي الكلام تماما وفي نفس الوقت تكوني مبتسمة ودافية مش حادة وطبعا دة مش عشان تحافظي على مشاعر النرجسي لا طبعا دة عشان الحياة تستمر بدون حروب ، يكون فيها شوية استقرار وهدوء ، وخدي بالك ان المسافة اللي بتحفظيها بينك وبين اي نرجسي لازم تكون مبررة . يعني ايه الكلام دة يعني ايه مسافة اصلا بينك وبينه ؟ مسافة بينكم يعني زي ماقلت لك منكنش واخدين على بعض ونقعد نهزر ونضحك ونحكي مشاعرنا لبعض ونعاتب بعض ماحنا حبايب بقى ، لا تماما كل دة لازم يتمنع يعني تتعاملي معاه على انه مش حد قريب ، اتعاملي كأنه جار والعلاقة بينكم جيدة ، اكيد الجار مش حنهزر ونحكي ونبقى اصحاب مقربين ، طيب ازاي بقى المسافة دي تكون مبررة ، يعني اصلا متخليش النرجسي يحس انك قاصدة تتجنبيه او تتجنبي الكلام معاه ، خليه يحس ان غصب عنك انتي مشغولة ومعندكيش وقت وياريت لو تكوني مشغولة فعلا ، اكيد لو حتشتغلي على نفسك زي ماقلنا في حلقات التشافي عمرك ماحيكون عندك وقت اصلا تكلمي حد .


اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11