النرجسي مش عايز يكون لكي صوت ولا رأي ولا وجود هو عايزك امتداد له ونسخة مشوهة منه ، طيب بيعمل ايه عشان يعمل فيكي كدة وانتي مفروض تعملي ايه معاه ؟ هو له عشر جمل بيقولهم لك عشان يسكتك حقولهم لك وبعدين حقولك تعملي ايه عشان متقعيش وتديه اللي هو عايزه
١- انتي اصلا غبية ، هو انتي فاهمة حاجة ؟ هو انتي فاكرة نفسك بتفهمي؟ انتي اصلا مش مناسبة لي
٢- انتي مجرد بني آدمة انانية ومبتحبيش غير نفسك ومش بتدوري غير على مصلحتك (اسقاط طبعا )
٣- انتي اصلا فاهمة انتي بتقولي ايه ؟ انتي اصلا مبتعرفيش تتكلمي وانتي اصلا ممكن تكوني متحدثة لبقة ومع ذلك بيهز ثقتك في نفسك
٤- على فكرة انتي مش محبوبة ، الناس مشبتحبك عشان انتي بتاعة مشاكل ومسبتيش حد الا وعملتي معاه مشكلة (اسقاط)
٥- انتي مجرد طفل غلطان طول الوقت ، انتي فيكي حاجة غلط اصلا ، انتي مش طبيعية ، انتي مفكيش اي ميزة (سهم موجه للذات)
٦- محدش بيفكر كدة ، مفيش حد بيفكر بطريقتك ولابيشوف الامور زي ماانتي شايفاها ، انتي مع نفسك ومختلفة عن الناس عشان كدة منبوذة ، والناس حتضحك عليكي كدة ، انتي ازاي بتفكري بالطريقة دي .
٧- مكنش مفروض تتصرفي كدة ، انتي ابدا مش بتحسني التصرف
٨- اذا خالفتيني انتي الخسرانة او انتي حتتأسفي لي في الاخر ، او اعملي اللي انتي عايزاه محدش خسران هنا غيرك
٩- محدش حيصدقك ، انتي ملكيش مصداقية
١٠- مين اصلا اللي ممكن يعجب بيكي او ينجذب لك او يحب واحدة زيك
احنا بقى
انتي اصلا كنتي تحلمي تتجوزيني - مين اصلا اللي كان حيبص لك - انا انقذتك من العنوسة - انتي عيلتك مفهاش رجالة - هاتي لي راجل اتكلم معاه - انتي اصلا ملكيش اي لازمة انتي اختصاصك المطبخ وبس - اعملي اللي عليكي وشوفي عيالك الفشلة - انتي فاكرة نفسك ست زي الستات - انتي اصلا متعرفيش تعملي اي حاجة في الحياة - انتي بقيتي مادية جشعة -
اللي عنده جمل تانية يقولها لنا في الكومنتات
طيب انتي مفروض تعملي ايه ؟ انتي فهمتي لو انتي بتسمعيني دلوقتي فدة معناه انك فهمتي انتي ببتعاملي مع ايه ، واكيد فهمتي ان المشكلة فيه مش فيكي ،ان انتي مش مفروض تسكتي ولما يقول لك الجمل دي لازم تفكري كالآتي :
١- فكري نفسك ان الحفاظ على النفس عمره ماكان انانية ،و لما يقول لك انتي فاكرة نفسك حاجة ولا انتي بتحسبي نفسك فاهمة ولا اي حاجة من الجمل دي لازم تضحكي ضحكة بثقة وهدوء وتقولي له طبعا
٢- كونك لكي احتياجات وخاصة انه مش بيلبيها دة مش معناه انك زنانة وكل شوية لكي طلبات دة معناه انه مش بيعمل الواجب اللي مفروض يعمله ، كل الاسوياء عندهم احتياج للمشاعر والتفهم والاستماع
٣- الشعور بالاذى او الجرح مش ضعف دة الطبيعي بتاع البشر
٤- لو كنتي غبية فعلا ومش فاهمة حاجة ومفكيش اي ميزة مستحيل كان اختارك هو بينقي احسن وردة يحطها في الصورة ويصدرها للمجتمع
٥- مش معنى انك عايزة تحسني حياتك وتخرجي وتشتغلي وتخرجي من سجنه انك متمردة او مبتعرفيش ربنا ، اتمسكي بحقوقك واوعي تستسلمي
٦- مش معنى انك مختلفة عنه انك غلط ومختلفة عن كل الناس بالعكس هو اللي مختلف عن الناس وهو اللي الناس مش بتحبه وهو اللي منبوذ وكل دة بيسقط عليكي وعايز يحطك في القالب اللي يناسبه ويقضي على آدميتك ويحولك لالة متعرفش تتكلم ولا تعترض ولا تتناقش

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11