ليه النرجسي بيقول بحبك لضحيته ؟
١- هو عارف اد ايه ضحيته محبة وعايزة تحب وتتحب وان الحب بالنسبة لها كشخص متعاطف اعظم سبب للوجود اصلا وان الناس اتخلقت عشان تحب بعض فهو بيكون عايز يقول لها انا بقدم لك اكتر حاجة انتي عايزاها ولو انا مش فاهم هي ليه مهمة بالنسبة لك المهم انه بيحقق لها حلمها ودة اسهل طريقة تربطها بيه
٢- الحب بالنسبة للضحية علاقة مقدسة ورابطة قوية جدا والنرجسي عارف كدة كويس عشان كدة هو اختار النوع دة من العلاقات عشان يكون مصدر الوقود الدائم له يعني مش بيكون الصديق ولا الاخ ولا الاب لانه مش حيعرف يربطه بيه بالقوة اللي بتربط اتنين بيحبوا بعض
٣- اسهل طريقة في العالم ممكن تربط بيها حد بيك انك تقول له بحبك دة غير ان النرجسي بيقولها باسلوب ساحر بيفتن اي بنت واشطر بنت عن طريق ال lovebombing
٤- هو بيقول لك بحبك بسرعة جدا وفي بداية التعارف عشان يشد انتباهك ويؤثر على مشاعرك وبالتالي كمان بيعجل انك تقوليها له وميديكيش فرصة تفكري ولا تشغلي عقلك مع قلبك طبعا يشوش تفكيرك ويفضل يزن ويقولها لك طول الوقت عشان يشل عقلك تماما وتبدأي تتحركي معاه بمشاعرك وقلبك بس وهو دة اللي هو عايزه
٥- طبعا مع الوقت لما تتجاوبي معاه وتبدأي تقولي له انتي كمان انك بتحبيه وتبدأي تاخدي عليه بسرعة جدا كل دة معناه الحصول علي الوقود بسرعة جدا
٦- طبعا بحبك اللي بتتقال كتير في مرحلة الاغواء دي بتبني عندك حب عظيم وكبير وخيالي زي الخرافات السنيمائية كدة فلما ييجي بقى مرحلة التحقير ويبدأ يسحب منك الحب دة يبقى بيسحب منك حاجة كبيرة ومهمة جدا في حياتك ممكن فقدانها يوصلك للانهيار وطبعا وقود سلبي عظيم
٧- طبعا هو مش بيحبك انتي لازم تفهمي كدة هو بيحب الوقود اللي بياخده منك وكل مابيقول لك بحبك فهو عايز يقول بحب الوقود اللي باخده منك
انسحاب النرجسي عاطفيا
كلنا عارفين مرحلة الlovebombing حصل فيها ايه كلنا عارفين كمية الحب والحنان اللي كان فيها ، وكلنا عارفين برضه انها كانت خطة محكمة عشان توقعك في فخ النرجسي ، لكن الجديد بقى انها مفيدة للنرجسي في حاجة تانية ، انه لما يسحب كل الحب دة ويوقفه ياخد منك رد فعل يديه وقود سلبي (احباط ، تلفي وراه مالك حصل ايه زعلان ليه ، وانهيار وعياط )وتركيز تفكيرك عليه واحكام سيطرته عليكي طيب لما يمنع الحب وينسحب وياخد شوية وقود وبعدين يلاقيكي بدأتي تقلبيه يرجع تاني يديكي شوية حب عشان متهربيش ويقدر يسيطر عليكي وبعدين يرجع تاني ينسحب ( سخن بارد) طيب عشان نبطله التكتيك دة نعمل ايه ؟
١- اول حاجة تيودور بيقولها لك خبي احباطك لما يبدأ في الانسحاب وحطي في دماغك ان الحب اللي هو بيمنعه دا اصلا مزيف ومش حب حقيقي وهو كان بيمثل ، وانتي لما متبينيش احباطك ابدا له بتكوني منعتي عنه الوقود ومع الوقت حيبطل مش حيكون في لا حب ولا انسحاب وحيحصل نوع من الاستقرار المؤقت في العلاقة لحد مايكتشف تكتيك جديد
٢- هو حيرجع تاني يتودد لك ويديكي شوية حنان وحب عشان ياخد رد فعل فرحتك برجوعه زي الصمت العقابي برضه ، اذا انتي عادي تتعايشي مع نظام السخن بارد دة وشوية حب وشوية جفاف عادي تعايشي دة اذا النرجسي خفيف وفي اول الطيف وبيكون احيانا عنده فعلا شوية مشاعر ، اما لو خبيث واصلا بيكون الحب بالنسبة له مجرد انه يوقف التوتر والشتيمة والمعاملة السيئة فدة احسن حاجة تعمليها انك متديهوش اي رد فعل لا تزعلي لما ينسحب ولا تفرحي لما يرجع
٣-تيودور بيقول لو انتي قوية وعايزة تتلاعبي بالنرجسي حتديه ايحاء انك زعلانة لما ينسحب وايحاء بانك فرحتي لما رجع ودة حيديكي احساس مريح انك فاعل في العلاقة مش علطول مفعول به ، وكمان حتحسي انك قادرة تضحكي عليه وتلعبي بيه ودة حيديكي ثقة بنفسك ويخفف شوية خوفك منه لانك حتشوفي انه عبيط وبيتضحك عليه ، بس المهم انك تحاولي تكوني طبيعية جدا عشان هو مينتبهش انك بتخدعيه

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
الكتب
Escape