ليه النرجسي بيحب يكون غامض وصعب جدا ان ضحيته تفهمه ؟وليه دايما يخليها مش عارفة ايه الخطوة الجاية وتفضل تحاول تخمن نواياه ومتعرفش برضه ؟
تيودور بيقول ان النرجسي عايزك طول وقتك بتفكري وتحاولي تخمني ايه اللي حيقوله وايه اللي حيعمله لان دة بيخليه يحس بالقوة وانه عارف كل حاجة لانه عارف انتي حتقولي ايه وحتعملي ايه وانتي متعرفيش عنه دة وفي نفس الوقت كتر التفكير دة حيخليكي منهكة ومش قادرة تتعايشي ودة بيقلل خطورة انك تتركيه ويفقد الوقود اللي بياخده منك ، لما النرجسي بيتلاعب بيكي بأي اسلوب من اساليب التلاعب بيكون هدفه انه يخليكي واصلة لمرحلة انك بتحاولي بكل الطرق انك ترضيه وفي نفس الوقت تتقي شره ، دة حيخليكي مصحصحة له باستمرار وحذرة وزي مابيقولوا ماشية على قشر بيض هو عايزك كدة على اعصابك وانتي كل يوم تصحي متحسبة للي حيحصل ومش عارفة اليوم حيعدي ازاي ، كونك بتفكري قبل ماتعملي اي حاجة في حياتك وتشوفي هل الحاجة دي حيكون راضي عنها ولا مش راضي وحتضايقه ولا حتبسطه فدة اللي هو عايزه لان دة بيخليه يحس انه نصف اله تيودور بيقول انه بيحس انه زي الاله ، دة غير انك كدة بتتجردي من هويتك لانك بتقطعي صلتك بنفسك و بتوقفي تفكير فيها وبتنسيها لان كل تركيزك على ازاي تسعديه وازاي تتقي شره في نفس الوقت ، فانتي بكدة بتبدأي تشوفي العالم بطريقته وتعيشي الحياة بالطريقة اللي رسمها لك مفيش اي حاجة بتمتلكيها لاقرارات ولا حتى نفسك لانك بقيتي ملكه بقيتي الالة الخاصة به اللي بتعطيه الوقود النرجسي ودة قمة الانجاز بالنسبة له . هو عمل منك انسان آلي يستخدمه لتلبية رغباته . ومن الحاجات اللي بتصعب عليكي انك تخمني ايه الخطوة الجاية ان النرجسي متقلب وكل يوم في حال يعني النهاردة بيحب الاكل الفلاني الاسبوع الجاي حيكون مش بيحبه ومش بعيد يقول لك عمره ماحبه اصلا ، القواعد والقوانين بيغيرها في اليوم اربعين مرة عشان تتوافق مع رغباته واحتياجاته ، فانتي ابدا متحاوليش تتوقعي ولا تفكري اصلا حيعمل ايه الخطوة الجاية لان دة بيستهلكك ويبعدك عن نفسك ، وفري مجهودك وتفكيرك وفكري انتي حتعملي ايه الخطوة الجاية وقربي من نفسك وحبيها تاني وشوفي هي محتاجة ايه واعمليهولها وخليها هي اول حد في حياتك وبعدها اولادك وبعدهم اي حد تاني دة الترتيب الصحي ، الترتيب بتاع الناس الاسوياء اللي يقدروا يعطوا عطاء صحي ويربوا تربية سليمة

اللي اكتشفت النرجسي جديد وبتحاول تستوعب الشخصية المريضة دي دايما بتسأل الاسئلة اللي زي :
ليه النرجسي احيانا بيتجاهل اي حاجة حلوة اعملها له او اي كلام حلو اقوله له ودايما بيحتقر الهدايا اللي بجيبها له ؟
في مرحلة الاغواء هو بيبقى مبسوط بالمجاملات وبتكون مهمة جدا بالنسبة له لانها بالنسبة له وقود ايجابي وطبعا هو عايزه باستمرار وفي كل وقت ، وطبعا مش حيتجاهلها ابدا في المرحلة دي .اما بقى بعد ماتخلص المرحلة دي وندخل في مرحلة التحقير في الحالة دي النرجسي بيتجاهل اي حاجة حلوة بتقدميها له وممكن لو جبتي له هدية يهملها ويتجاهلها ويبين لك انها مش عاجباه ، ليه بقى اكيد انتوا حفظتوا عشان ياخد وقود سلبي من اي رد فعل حتعمليه او حتي من الاحباط اللي ممكن يبان عليكي والشطارة هنا انك متبينيش اي رد فعل دة اذا اضطريتي تعملي له اي حاجة كويسة وطبعا مش محتاجة اقول لك اوعي تجامليه ولا تديه اي وقود ايجابي اثناء فترة التحقير ( ولا حتى في الهوفرينج الا اذا لكي مصلحة او لاولادك ومضطرة تطلبيها منه ) ، وفي نفس الوقت التجاهل دة او الرفض دة حيلخبطك لانك مش فاهمة هو ليه بيعمل كدة وبالتالي حتسأليه مالك فيه ايه انت زعلان مني في حاجة وطبعا كل دة وقود سلبي ،
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
الكتب
ask the narcissist