هل النرجسي واعي لتصرفاته وفاهم انه شرير ؟
سام فاكنين بيقول ان في كتاب people of lie شعب الكذب او بالبلدي كدة اهل الكذب : سكوت بيك طالب باعتبار النرجسيين اشرار ، فهل هم فعلا اشرار؟ المفروض ان معنى الشر في النسبية الاخلاقية شيئ زلق وغامض يعني منعرفش نحدده ، لكن مجتمع اكسفورد الفلسفي في جامعة اكسفورد عرف الشر : المعاناة الناتجة عن تصرف لا اخلاقي مختار يعني حد اختار يعمل تصرف غير اخلاقي تسبب في معاناة الاخر فدة شر ، مش محتاجة اعلق على اعمال النرجسي ! المهم قالوا عشان نصنف الشخص انه شرير لازم يتوفر فيه شرطين :
١- انه يقدر بشكل واعي انه يختار بين الصح والخطأ ودائما وابدا بيفضل الخطأ
٢- انه بيتصرف في اختياره دة بدون اهتمام بالنتائج اللي حتحصل له او لغيره
طبعا الشر لازم يكون عن قصد وباصرار ، فاكنين بيقول ان النرجسي مش شرير لمجرد الشر زي الساديين لا هو بيكون شرير في حالات معينة : انه يكون حينتفع من الشر دة او انه كونه حاقد حيخليه ينتفع بشيء معين او حيحقق له مصلحة ، هو بيقول ان النرجسي شرير لكن مش بشكل دائم ومستمر ، ليه بقى عشان هو مش حيكون شرير لو هو حيتحمل نتايج شره دة ، لكن لو مش حيتحاسب حيعمل اللي هو عايزه مهما كان حيؤذي الللي ادامه جدا ، فهو شايف ان النرجسي بيتصرف بشر عشان هو قادر ومتاح له يتصرف بشر مش عشان دي طبيعته ( وهنا بقى لازم نفهم نقطة بغض النظر عن دي طبيعته ولا مش طبيعته وسواء اختلفنا مع سام فاكنين او مختلفناش لكن لازم ناخد بالنا ان النرجسي طول ماهو بيؤذيكي وانتي ساكتة ومش بيخسر حاجة وانتي مش بتلجأي لأهلك ولا بتحاولي تهدديه ولا بتحاولي تتركيه او حتى تهدديه بالترك فهو حيفضل يؤذيكي وهو مفيش اي نتايج لشره معاكي فليه حيوقف ودة كمان معناه انك لو وقفتي مرة قصاده حتى لو كان رد فعله عنيف اول مرة فدة حيكون عشان يحاول يرجعك تاني للخوف والرعب وتفضلي تحت سيطرته فانتي متخافيش وارجعي اقفي تاني وثالث وعاشر لحد ماهو يزهق ويفهم ان شره حيكون له عواقب حيبدأ يفوق نفسه ويوقف اذى لكي او ع الاقل يقلل .
وبعدين فاكننين بيقول ان النرجسي بيعرف كويس يفرق بين الغلط والصح وهو واعي تماما لتصرفاته واحيانا بيختار يكون شرير وبدون مشاعر وبيقول انه لايندم لانه حاسس بالاستحقاق وكمان ان طبيعته استغلال البشر وانه بيسيء لهم بدون اصلا انتباه لوجودهم ولا بتفكير اصلا هو بيسيء عشان هو مسيء ودي طبيعته . وهو بيتعامل مع الناس على انهم اشياد وانهم ممكن يغيرهم وممكن يرميهم بعد مايستهلكهم زي اي بضاعة بيشتريها ويستهلكها ويرميها وطبعا باعتراف الجميع دة في حد ذاته شر

سؤال : النرجسي مش بيخاف يخسر نتيجة افعاله الشريرة؟ فاكنين بيقول ان النرجسي علطول خسران وهو متعود علي الخسارة وهو لازم بيكون خسران في ركن من اركان حياته اما عمله او اسرته او اجتماعياته هو خسران ومش بيكون مبين انه زعلان علي خسارته دي لكن برضه دة بيتوقف علي مدى نرجسيته لان بعضهم مبيحسش باي حاجة اصلا مهما كانت الكوارث اللي بتاقبله في حياته واكيد معظمكم شاف النرجسي وهو بيموت ابوه مثلا او ابنه بيكون وضعه ايه لكن مش كلهم

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11

الكتب :
Malignant self-love