ليه النرجسي عنده حذر وشك خبيث وسخريه خبيثة
النرجسي بيحس انه كامل ، قادر على كل شيء متحكم في حركة كل اللي حواليه (كبر) و السبب في كل حاجة بتحصل حواليه و هو متوهم انه محرك مشاعر المحيطين بيه وانهم بيعتمدوا عليه في احساسهم بالسعادة وان هو مصدر سعادتهم الوحيد وانه مصدر الشعور بالراحة والحب والرضا وان من غيره حياتهم حتتدمر ، هو بيعتبر نفسه الجزء الاهم في حياة القريبين منه ( زوجته واولاده) فعشان يتجنب انه يشوف حقيقة وضعه بيحاول يتحكم في دقائق الامور عشان يثبت لنفسه انه فعلا مهم وان الناس دي مش حتعرف تعيش من غيره ٠ بيتحكم في اولاده حتى بعد زواجهم خصوصا الذكور ) ، عشان كدة لما بيشوفك قوية وحتستقلي بيترعب لانك بتسحبي منه الاهمية ، فطبعا الاحساس المبالغ فيه بالاهمية دة بيخلي النرجسي متخيل انه محور الكون وان الناس كلها مش شايفة غيره والكل مراقبه والكل واخد باله من كل تصرفاته وبينتقده وممكن يتخيل كمان ان الناس كلها بتتكلم عليه ودة بيوصل احيانا للبارانويا (جنون العظمة)
السبب التاني ان النرجسي بيعتقد ان كل الناس نرجسيين بغض النظر عن المسمى انما هو معتقد ان كل الناس زيه انانيين ومغرورين ومتلاعبين ، وعندهم نفس صفاته ( عشان كدة لما بيعيش معاكي فترة طويلة وبيفهمك وبيعرف انك مختلفة عنه بيبدأ يغير منك ولو كان نرجسي خبيث بيكرهك وبيحاول يؤذيكي ويشوهك بكل الطرق لانه بيكتشف انك احسن منه ودي بالنسبة له كارثة ) وكمان بيكون معتقد ان الناس كلهم منافقين وانهم ضعفاء وبيخافوا من ردود فعل المجتمع عشان كدة بيتمسكوا بتقاليده وعاداته واخلاقياته وطبعا دة بالنسبة له ضعف وبالتالي بيحسسه انه اقوى من الناس دي وانه لايقهر لانه مش بيهتم بالتقاليد ولا اخلاقيات المجتمع ، كمان بيحس انه منيع وغير قابل للمعاقبة وبالتالي بيتصرف بدون خوف ولا اهتمام ودة طبعا بيكون النرجسي الظاهر . الاحساس دة بضعف الناس وخوفهم من المجتمع واحساسه بقوته بيخليه سليط اللسان لاذع في السخرية لانه علطول الناس مش عاجبينه
اما الشك والحذر المفرطين بقى فدول سببهم انه متخيل ان كل الناس زيه وبالتالي محدش له امان وكمان هو ميعرفش الكرم الحقيقي اللي بدون مقابل وميعرفش يعني ايه جدعنه وتقديم خدمة لوجه الله هو ميعرفش غير حاجة قصاد حاجة فلما اي حد بيقدم اي خدمة او يكون كريم معاه في اي شيء علطول بيتسائل هو بيعمل كدة ليه هو اكيد عايز حاجة مني هو اكيد عمل فيا حاجة وبيكفر عنها وهكذا ( حالة بتقول ان حماتها لقيتها بتصلي كتير وبتستغفر كتير قالت لها ايه ، هو انتي عملتي ايه وحش اوي كدة عشان تصلي كتير وتستغفري كل دة) يعني كمان مفيش لاعلم ولا دين ولا اي شيء و في الجانب الاخر نتيجة انه عارف نفسه كويس ومتأكد انه سيء وفاهم كويس انه ميتحبش ولا يتبص في وشه اصلا فلما يلاقيكي بتحبيه انتي او غيرك بيكون شايف فعلا ان دة نفاق وبيكون مستغرب ومتلخبط . طيب ليه احيانا بيشك في زوجته ؟
مرات بيكون اصلا مش شاكك فيها ولا حاجة بس بيحاول يقلل منها ويخوفها ومرات بيشك فعلا لاه زي ماقلنا بيفكر كل الناس زيه فعلا ودة غير الاشكال السيئة اللي بيخون معاها بتديله انطباع سيء عن المرأة بصفة عامة فكل حاجة حواليه بتقول ان محدش كويس ومحدش نظيف وهكذا ودة غالبا بيكون في النرجسي الخبيث اما المتوسط والخفيف فبيكون متصنع الشك والغيرة عشان محتاج شوية وقود

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11

الكتب :
Malignant self-love